Грција пред нов бран жештини, доаѓа топлотен бран

Грција ја очекува нов топлотен бран, а температурите во делови од земјата во текот на викендот би можеле да надминат 40 Целзиусови степени и локално да се приближат до 42 степени.

— реклама —

Националната опсерваторија во Атина предупреди дека во многу региони жешкото време ќе се задржи најмалку до средината на следната недела.

Според прогнозите, максималните дневни температури ќе се движат меѓу 38 и 40 степени, додека на одредени места се очекуваат и околу 42 степени.

— реклама —

Грчката метеоролошка служба наведува дека воздушните маси над земјата ќе бидат од шест до осум степени потопли од просечните вредности за овој период од годината.

— реклама —

Во текот на викендот се очекува и дополнителен, иако благ, пораст на температурите.

Грција ова лето досега беше поштедена од подолготрајни топлотни бранови какви што беа регистрирани во делови од северна и западна Европа.

— реклама —

Првиот посериозен топлотен бран во земјата годинава траеше три дена во средината на јули, кога температурите, особено во централните делови на Грција, достигнаа до 42 степени.