Грчката влада ќе ја продолжи субвенцијата за дизел, воведена во април за помош на потрошувачите поради растот на цените на енергијата поврзан со конфликтот во Иран, до крајот на јуни, изјави премиерот Киријакос Мицотакис.
Субвенцијата за дизел изнесува 15 центи по литар на мало и ќе ја одржи цената на дизелот околу 30 центи пониска во споредба со нивоата од март, истакнал тој на состанок на владата.
Владата веќе одлучила и за еднократна финансиска помош од 150 евра по дете, која ќе биде исплатена на крајот на јуни, без потреба од апликација и со широки критериуми за приходи.
Според премиерот, оваа мерка ќе опфати повеќе од 80 проценти од домаќинствата, а корист ќе имаат речиси еден милион семејства со деца.
