Грција со најсилен бран на западнонилска треска досега, хоспитализирани 13 лица

Грција се соочува со најинтензивна активност на западнонилскиот вирус во регионот Атика оваа година, соопштија здравствените власти.

— реклама —

Според Националната организација за јавно здравје на Грција, од почетокот на летото досега во земјата се регистрирани 21 случај на инфекција, од кои 19 се во Атика, а два во регионот Тесалија.

— реклама —

До вторникот, 13 пациенти биле хоспитализирани, а тројца од нив се наоѓале на оддели за интензивна нега. Здравствените власти како подрачја со висок ризик ги означија и други општини, меѓу кои Маруси и Рафина.

— реклама —

Случаите на западнонилски вирус во регионот Атика биле ретки пред 2024 година, но бројот на инфекции значително се зголемил во последниот период.

— реклама —

Поради појавата на вирусот, грчката служба за трансфузија воведе дополнителни мерки, вклучително и тестирање на крвните дарувања од погодените региони и привремена забрана за дарување крв во период од 28 дена за лицата од ризичните подрачја.