Грчки државјанин на Табановце изјавил дека носи 60.000 евра, цариниците при контрола откриле повеќе од 124.000 евра

Царинските службеници на граничниот премин Табановце спречиле обид за нелегален внес на девизи во земјава, при што заплениле 64.250 евра пронајдени кај грчки државјанин кој патувал со автомобил со германски регистарски таблички.

— реклама —

Според Царинската управа, против лицето е поведена прекршочна постапка пред надлежниот суд поради непријавување на целокупниот износ на готовината.

— реклама —

При влезот во државата, патникот изјавил дека носи 60.000 евра и приложил образец за пријава издаден при влез во Република Србија. Поради сомнеж во точноста на неговата изјава, царинските службеници, заедно со полициски службеник на Фронтекс, извршиле детален преглед на возилото и личниот багаж.

— реклама —

При контролата биле пронајдени вкупно 124.250 евра. Во согласност со Законот за девизно работење, на патникот му биле вратени пријавените 60.000 евра, додека преостанатите 64.250 евра биле привремено одземени.

— реклама —

Од Царинската управа информираат дека од почетокот на годинава се откриени вкупно 30 случаи на нелегален пренос на девизи. Во тие случаи се запленети 820.675 евра, 141.300 британски фунти и 35.000 австралиски долари.