Грчките власти уапсија 66-годишен маж под обвинение дека ловел риба користејќи забранета токсична супстанца, која често се употребува за фаќање октоподи.
Осомничениот бил приведен во саботата во селото Паралио Астрос, во источниот дел на Пелопонез.
Според соопштението на Крајбрежната стража, тој нуркал со подводна пушка и светилка, а кај себе имал шишенце со бакарен сулфат – супстанца што е високо токсична за морскиот свет.
Употребата на бакарен сулфат за риболов е строго забранета, како и ноќниот подводен риболов со подводна пушка и користењето извори на светлина при ловот.
На мажот му е изречена парична казна, а неговата опрема е конфискувана од надлежните служби.
