Во северозападна Грција е уапсен маж кој се сомничи дека украл 146.600 евра во готовина од својот работодавач, соопштија надлежните власти.
Според полициското соопштение, кражбата се случила за време на викендот, кога осомничениот наводно провалил во магацин на компанијата и ја одзел скриената сума пари.
Осомничениот бил уапсен во понеделникот, по што на полицијата ѝ ја предал целата сума, која претходно, како што се наведува, ја сокрил во својот дом. Парите потоа биле вратени на сопственикот на фирмата.
