Пожар предизвикан од удар на гром избувна во подрачјето на селото Седлари кај Требиње, Босна и Херцеговина, при што огнот зафатил миниран и тешко пристапен терен, што значително ја отежнало интервенцијата на пожарникарите.
Според информациите, пожарот избувнал во четврток на потегот Стрмичка Брда – Кељн Осоје, долж линијата на разграничување, каде што гореле трева и висока вегетација.
Припадниците на Територијалната противпожарно-спасувачка единица од Требиње веднаш излегле на терен и успеале да го стават пожарот под контрола.
Засега нема загрозени станбени објекти, ниту евидентирана поголема материјална штета, а нема ниту повредени лица.
Командирот на единицата, Дејан Кашиковиќ, апелираше до граѓаните да не се приближуваат до ова подрачје поради опасноста од мини и секој забележан пожар веднаш да го пријават кај надлежните служби.
