Вечерва на граничниот премин Евзони настана хаотична состојба откако, според информации објавени од патници, гром го погодил системот за снабдување со електрична енергија непосредно пред 21 часот.
Според објавите во Фејсбук групата „Грчка инфо“, по невремето дошло до сериозни проблеми во функционирањето на преминот, а патниците јавуваат за долги задржувања и отежнато одвивање на сообраќајот.
Како што наведуваат, агрегатите што се користат како резервен извор на електрична енергија не се доволни за напојување на сите уреди, поради што ситуацијата дополнително се усложнува.
Дел од системите, според сведоштвата на патниците, сепак функционираат, но се пријавуваат проблеми со интернет-врската.
Граѓани што вечерва треба да го поминат граничниот премин изразуваат загриженост поради состојбата и неизвесноста околу тоа колку долго ќе траат проблемите.
Засега нема официјална потврда од надлежните грчки служби за причините и обемот на дефектот.
