Со високи државни почести во Собранието и во Владата, ја пречекавме денес претседателката на Република Косово, Вјоса Османи, напиша на Фејсбук првиот вицепремиер Артан Груби.
„Во решавачките моменти за европската иднина на нашите земји, повеќе од важно е зајакнувањето на соработката и консолидирањето на нашите дејствија на патот кон реализација на реформите.
Го изразивме нашиот став и поддршка за успешно надминување на спорот помеѓу Косово и Србија преку дијалог и принципот на меѓусебно признавање, исто како што и Република Косово го поддржува нашиот процес на дијалог со Република Бугарија и усвојувањето на уставните измени. Заедно мора да го забрзаме чекорот кон Европа!“ напиша Груби.
