Груевски има унгарски и српски пасош?

СДСМ објави дека, според информации доставени до партијата, поранешниот премиер Никола Груевски веќе поседува унгарски и српски пасош.

— реклама —

Од партијата тврдат дека доколку ова е точно, „јасно е дека зад тоа стојат неговите политички сојузници и заштитници“, алудирајќи на унгарскиот премиер Виктор Орбан и српскиот претседател Александар Вучиќ, кои ги нарекуваат политички ментори на премиерот Христијан Мицкоски.

— реклама —

СДСМ дополнително обвинува дека Владата не презема активности за екстрадиција и дека со тоа, како што велат, „намерно му се остава простор на Груевски“.

— реклама —

„Додека други држави постапуваат брзо, Мицкоски му купува време на Груевски“, наведуваат од СДСМ, обвинувајќи дека станува збор за „класична заштита“ на поранешниот премиер.

Од Груевски засега нема реакција на овие наводи.