ГРУЕВСКИ

Никола Груевски: Лага е дека пред заминувањето од Македонија престојував во хотелот што го спомена Маленко

Поранешниот премиер Никола Груевски ги отфрли тврдењата изнесени од Александар Маленко во еден од поткастите во Македонија, оценувајќи ги како целосно невистинити и измислени.„Никогаш во животот не сум се сретнал и не сум разговарал со Александар Маленко, ниту пак тој бил некаква сериозна тема за било што“, напиша Груевски.Тој демантира дека во последните денови пред неговото заминување од Македонија престојувал во хотел во Охрид заедно со своите деца и поранешната сопруга.„Лага е дека последните неколку дена пред моето заминување од Македонија со моите деца и поранешна сопруга сум престојувал во хотелот кој тој го именувал во Охрид. Тоа лесно може да се утврди преку нивното присуство во училиштето, односно на работното место, како и преку големиот број средби кои ги имав во тие денови во Скопје“, наведува Груевски.Тој појаснува дека во истиот хотел престојувале околу седум месеци претходно, за време на велигденските празници.„Таму дознав дека хотелот е во сопственост на таткото на неговата сопруга во тоа време, откако ми пренесоа дека Маленко ме барал за време на појадокот кој тогаш јас го бев прескокнал“, пишува поранешниот премиер.Груевски додава дека ретко реагира на, како што вели, секојдневните напади и лаги насочени кон него, но овојпат решил да се огласи бидејќи во приказната биле споменати и припадници на неговото поранешно обезбедување.„Со оглед дека недолжно и неправедно се спомнати членовите на моето поранешно обезбедување, кои немаат никаква врска со моето заминување од Македонија, се одлучив за оваа реакција“, наведува Груевски.

Македонија | пред 1 ден

Груевски заработува од консултантски бизнис во Унгарија, објави унгарски портал

Осудениот поранешен македонски премиер Никола Груевски, кој од 2018 година живее во Унгарија, продолжува да остварува приходи преку приватна консултантска фирма основана пред неколку години, објави унгарскиот портал „444“.Според објавените податоци, Груевски во 2021 година ја основал компанијата „I.C.I.C Kft“, регистрирана за консултантски активности. Станува збор за мала фирма без вработени, која континуирано работи и бележи приходи од своето основање.Финансиските извештаи покажуваат дека компанијата во текот на минатата година остварила приход од околу 9.600 евра, додека една година претходно приходите изнесувале околу 11.600 евра. Поради ниските трошоци карактеристични за консултантската дејност, значителен дел од средствата останале како добивка.Според податоците, фирмата во 2025 година прикажала профит од околу 5.650 евра. Од основањето до денес, Груевски преку дивиденди повлекол вкупно околу 45.800 евра, додека последната добивка ја оставил во компанијата.Порталот наведува дека редовните приходи упатуваат на можноста компанијата да има постојан клиент или ограничен круг деловни партнери, но не се открива со кого поранешниот премиер соработува деловно.Во текстот се посочува дека Груевски имал блиски односи со унгарскиот премиер Виктор Орбан, како и со Петер Сијарто. Според наводите, Сијарто во повеќе наврати се консултирал со Груевски за прашања поврзани со Западен Балкан.Во меѓувреме, Министерството за правда соопшти дека сите правни постапки поврзани со Груевски продолжуваат без промени, независно од информациите што се појавија во јавноста за неговиот статус во Унгарија.Од Министерството наведуваат дека Груевски и натаму е македонски државјанин и лице за кое постојат правосилни судски одлуки и тековни постапки во земјата. Поради тоа, институциите остануваат посветени на користење на сите расположливи механизми предвидени со домашното и меѓународното право.Реакцијата следуваше по медиумските објави дека Груевски наводно стекнал и унгарско државјанство, информација што повторно ја отвори дебатата за можноста за негова екстрадиција.Премиерот Христијан Мицкоски изјави дека Владата засега нема официјална потврда за наводите дека поранешниот премиер поседува унгарско државјанство.

Македонија | пред 1 седмица

Без разлика на неговиот статус во Унгарија, екстрадицијата на Груевски останува на маса

Министерството за правда соопшти дека внимателно ги следи информациите објавени во јавноста во врска со наводите дека поранешниот премиер Никола Груевски стекнал унгарско државјанство, но нагласува дека тоа не влијае врз постапките што се водат против него во Македонија.Од Министерството посочуваат дека, без оглед на шпекулациите и неофицијалните информации за неговиот евентуален статус во Унгарија, Груевски и понатаму е државјанин на Република Северна Македонија.„Независно од сите шпекулации и неофицијални информации за евентуалниот статус што го има во Унгарија, Никола Груевски останува државјанин на Република Северна Македонија и е лице кое е предмет на правосилни судски одлуки и активни постапки“, велат од Министерството за правда.Оттаму додаваат дека постапката за негова екстрадиција продолжува согласно домашното законодавство, билатералните договори и меѓународните конвенции.„Министерството за правда нагласува дека постапката за негова екстрадиција продолжува согласно домашното законодавство, билатералните договори и меѓународните конвенции. Во рамки на своите надлежности, Министерството и понатаму ќе ги презема сите неопходни правни и дипломатски чекори во комуникација со надлежните органи на Унгарија“, се наведува во соопштението.Реакцијата на Министерството следува по информациите објавени во дел од медиумите дека Груевски, кој од 2018 година живее во Унгарија, наводно добил и унгарско државјанство.

Македонија | пред 1 седмица

Никола Груевски добил унгарско државјанство во 2022 година, екстрадицијата станува уште потешка, пишува истражувачки портал

Никола Груевски, поранешниот премиер на Македонија кој од 2018 година живее во Унгарија, добил целосно унгарско државјанство во 2022 година врз основа на „унгарски државен интерес“, објавува истражувачкиот портал ВиСквер (VSquare), повикувајќи се на извори од унгарската влада.Според објавата, Груевски најверојатно сè уште се наоѓа во Унгарија, а неговиот статус е значително посигурен од статусот на други политички азиланти кои добиле заштита од претходната власт на Виктор Орбан.„Унгарски владин извор потврди дека Никола Груевски добил целосно унгарско државјанство во 2022 година поради ‘унгарски државен интерес’. Според друг владин извор, се верува дека тој и натаму е во Унгарија“, наведува ВиСквер.Порталот посочува дека државјанството претставува многу посилна правна заштита отколку политичкиот азил, бидејќи азилот може да биде одземен, додека одземањето државјанство е значително посложена постапка.Според анализата на ВиСквер, за да му биде одземено државјанството, би требало да се докаже дека било стекнато со измама или корупција.Груевски избега од Македонија во ноември 2018 година, непосредно пред да започне со издржување на двегодишната затворска казна во предметот „Тенк“, поврзан со набавката на луксузен блиндиран „мерцедес“. Потоа преку Албанија, Црна Гора и Србија стигна во Унгарија, каде што доби политички азил.Во текстот се наведува и дека унгарската влада не одговорила на барањето за коментар во врска со информациите за државјанството на Груевски.

Македонија | пред 1 седмица

СДСМ: Уште 2 дена до неисполнување на ветувањето на Мицкоски, нема реформи, нема Груевски - има Стоилковиќ и Кина

Остануваат уште два дена до 1 јуни, датумот до кој премиерот Христијан Мицкоски јавно вети дека ќе ги исполни сите точки од Реформската агенда и обврските поврзани со продолжувањето на европскиот пат на државата, соопшти СДСМ.Од партијата оценуваат дека станува збор за уште едно неисполнето ветување на премиерот, посочувајќи дека реформите не се реализирани, а меѓу нерешените прашања ги наведуваат и обврските од евроинтегративниот процес.Според СДСМ, Владата за две години целосно завршила само две од десетте предвидени точки од Реформската агенда, додека клучното прашање – внесувањето на малцинствата во Уставот – останува нерешено.„Без оваа обврска нема продолжување на преговорите со Европската Унија, нема отворање нови поглавја, нема нови европски фондови и нема подобрување на животниот стандард на граѓаните“, наведуваат од партијата.СДСМ го повика Мицкоски да ги спроведе уставните измени или, како што велат, јавно да признае дека не сака членство на државата во Европската Унија.Во соопштението опозициската партија ја обвинува Владата дека ја води државата кон изолација и дека не ги спроведува потребните реформи за продолжување на евроинтегративниот процес.

Македонија | пред 1 седмица

СДСМ: До кога граѓаните ќе чекаат Мицкоски и Филков да пратат документи за екстрадиција на Груевски?

СДСМ ја обвини Владата дека намерно ја одолговлекува постапката за екстрадиција на Никола Груевски и побара документите веднаш да бидат испратени.Од партијата прашуваат до кога граѓаните ќе чекаат премиерот Христијан Мицкоски и министерот за правда Игор Филков да ја завршат процедурата.„Помина повеќе од еден месец, а сè уште нема одговор зошто се кочи постапката“, велат од СДСМ.Според опозициската партија, причината е тоа што власта не сака Груевски да биде екстрадиран, бидејќи неговото враќање би можело да влијае врз состојбите во ВМРО-ДПМНЕ.Од СДСМ упатија и критики кон министерот за правда, оценувајќи дека се обидува да ја зачува функцијата и покрај, како што наведуваат, шпекулациите за негова можна смена.„Доста криминалци штитат криминалци. Испратете ги документите веднаш. Правда сега“, порачаа од СДСМ.

Македонија | пред 2 седмици

(Видео) Груевски го спомена Чавков: Постапил чесно, доблесно и достоинствено

Никола Груевски преку објава на социјалните мрежи оцени дека неказнивоста за, како што наведува, лажни и криминални обвиненија и осудувања ја уништува довербата во институциите и правниот систем.Во објавата тој се осврна на случајот со Митко Чавков, за кого напиша дека постапил „чесно, доблесно, човечки и достоинствено“.Груевски тврди дека во државата и натаму постои, како што наведува, „ментална матрица“ наследена од поранешните безбедносни структури, обвинителството и судството, која, според него, овозможува местени обвиненија и прогон на невини луѓе.Во објавата посочува дека најголема грешка по осамостојувањето на државата била тоа што немало одговорност за злоупотребите на системот во минатото.Тој смета дека, како што наведува, не постои вистинска реформа без темелни истраги и санкции за поединци кои ја злоупотребувале службената положба за политички и лични цели.

Македонија | пред 3 седмици

(Видео) Груевски го коментираше гостувањето на Јане Ченто во „Претрес со Ландов“: Не секој беше издржлив и достоинствен

Експремиерот и азилант во Унгарија, Никола Груевски, од Будимпешта реагираше на изјавите на Јане Ченто дадени во поткастот „Претрес со Ландов“, каде Ченто тврдеше дека пред да биде уапсен и обвинет за настаните од 27 април му било понудено да сведочи дека токму Груевски и поранешниот директор на БЈБ, Митко Чавков, биле организатори на упадот во Собранието.Во својата објава, Груевски напиша:„Ако има уште некој во Македонија кој сè уште има мал сомнеж околу постоењето на еден брутален политички прогон, еве уште една изјава во линкот прв во коментарите, овој пат сведочење на Јане Ченто, внукот на Методија Андонов - Ченто“.Тој додава дека, според него, истите методи биле користени и во други судски предмети.„Ако некој мисли дека за другите судски случаи било различно од ова, веднаш да знае дека било исто. Истите методи“, напиша Груевски.Во продолжение, тој прави разлика меѓу, како што наведува, оние кои издржале и оние кои не издржале под притисок.„Но, не секој беше издржлив и достоинствен како Јане Ченто. Затоа сега едни ги нема во јавноста, а други се слободни, горди на себе и својата доследност, издржливост, достоинство и чест“, стои во објавата на Груевски.Јане Ченто во „Претрес со Ландов“ говореше за периодот пред апсењата за 27 април, тврдејќи дека му биле нудени договори за сведочење против тогашниот државен врв.Целото гостување изгледајте го тука

Студио | пред 1 месец

Министерство за правда: Се комплетира документацијата за случајот со Груевски

Министерството за правда соопшти дека постапува исклучиво согласно законите и меѓународните договори, во врска со случајот поврзан со Никола Груевски.Оттаму информираат дека се преземаат сите потребни чекори за комплетирање на документацијата и нејзино соодветно процесирање во рамки на законската процедура.Собирањето информации од надлежните судови, како што посочуваат, има за цел обезбедување целосна и точна правна основа за понатамошно постапување. Министерството нагласува дека нема надлежност да ги преиспитува правосилните судски одлуки, туку е должно да постапува по нив.Во соопштението се додава дека постапките се водат низ институционален процес и во соработка со надлежните органи на Унгарија, без влијание на политички изјави или квалификации.Министерството за правда останува посветено на владеењето на правото и почитувањето на правниот поредок.

Македонија | пред 1 месец

Мицкоски со одговор по изјавите на Груевски: Секој кој е соочен пред правосудните органи, има права согласно законите

Премиерот Христијан Мицкоски изјави дека ставот на Владата во однос на владеењето на правото останува непроменет, коментирајќи ги последните реакции поврзани со статусот на Никола Груевски.„Мојот став е оној кој го кажав пред неколку недели, тој е непроменет. Тој важи за сите кои се грижат за владеењето на правото и тоа ќе остане. Немаме двојни принципи, а тие кои веруваат во владеење на правото ќе го поддржи ова однесување на Владата, а секој кој е соочен пред правосудните органи, има свои права согласно законите и Уставот и тие му се на располагање“, изјави Мицкоски.Тој додаде дека во однос на обвинувањата и политичките реакции, постои јасна правна рамка.„Што се однесува на тврдењата на СДСМ, си има правна процедура и се разбира дека сите правни процедури ќе бидат застапени“, рече Мицкоски.Претходно, Никола Груевски преку јавен настап упати серија обвинувања, тврдејќи дека против него се водел политички прогон во периодот на поранешната власт, со, како што наведе, „монтирани судски постапки“ и притисоци врз сведоци и судии.Груевски, кој има азил во Унгарија, ја критикуваше и актуелната постапка за негова можна екстрадиција, повикувајќи на, како што наведе, „проверка на сите неправди и злоупотреби од минатото“.Случајот повторно ја отвора дебатата за правосудниот систем и политичките влијанија, додека институциите најавуваат дека ќе постапуваат согласно законските процедури.

Македонија | пред 1 месец

Груевски со порака до министерот за правда: Наместо екстрадиција, проверете како се носеле пресудите

Поранешниот премиер Никола Груевски, кој доби азил во Унгарија, остро реагираше на најавите за можна екстрадиција, обвинувајќи дека против него бил воден политички мотивиран прогон со „монтирани судски постапки“.Тој ја критикуваше изјавата на министерот за правда, посочувајќи дека наместо да собира информации за неговиот статус, треба да ги истражи, како што вели, „злоупотребите и незаконитостите“ во периодот на поранешната власт.„Судот има обврска да ја утврди материјалната вистина и не може да се крие зад формалности“, наведува Груевски, додавајќи дека во неговите предмети биле користени „лажни сведочења, притисоци и политички влијанија“.Тој тврди дека постоеле списоци за кривичен прогон, притисоци врз сведоци и адвокати, како и нарачки за пресуди од политички центри на моќ.„Да ги прочита обвиненијата и пресудите и да види колку од нив се донесени под притисок“, порачува Груевски.Во својата реакција тој ги оспорува и конкретните случаи за кои е осуден, тврдејќи дека нема лична корист и дека доказите биле погрешно толкувани или фабрикувани.Груевски оценува дека странската јавност го перцепира како криминалец поради постоењето на пресуди, но дека не е запознаена со, како што наведува, „контекстот на политичката хајка“.„Еден ден сето ова ќе стигне до ЕУ и ќе се види од вистински агол“, наведува тој.

Македонија | пред 1 месец

СДСМ: Судот ги доставил документите за екстрадиција на Груевски – зошто министерот за правда Филков од ЗНАМ ги држи во фиока?

Судот ги завршил и ги доставил сите потребни документи за екстрадиција на осудениот криминалец Никола Груевски. Сега тие документи се во Министерството за правда, а министерот од ЗНАМ, дел од тендер коалицијата на Мицкоски, не ги испраќа во Унгарија, велат од СДСМ.„Нема никаква причина да се чека нова влада.Институциите мора да работат и да постапат веднаш.Мицкоски и неговата влада свесно го штитат Груевски и му даваат време да побегне во трета држава.Ова не е административна грешка туку свесна заштита на криминалецот од страна на шефот на криминалната организација ВМРО-ОКГ.Граѓаните заслужуваат јасен одговор:Зошто Мицкоски не го бара Груевски?Зошто документите се заглавени во Министерството за правда?Доаѓа времето на вистината“, велат од СДСМ.

Македонија | пред 1 месец

Груевски на Саемот на книгата: „Добро е да се знае 2“

Книгата „Добро е да се знае 2“ од поранешниот премиер Никола Груевски, кој со години престојува во Унгарија како азилант, е изложена и се продава на актуелниот Саем на книга во Скопје.На фотографиите од штандот може да се види дека изданието е поставено на видно место, со повеќе примероци достапни за посетителите. Станува збор за продолжение на првиот дел, со поднаслов „есеи за значајни историски мигови“, што е истакнато и на корицата.Според содржината, книгата обработува теми поврзани со македонската историја, револуционерното движење и националниот идентитет, преку текстови, документи и интерпретации на историски настани и личности. Во предговорот авторот наведува дека делото има за цел да понуди поширок контекст за историските случувања и да отвори простор за, како што наведува, „осветлување“ на одредени теми.Во делот „Содржина“ се наведени текстови посветени на личности како Гоце Делчев, Јане Сандански и други историски фигури, како и осврти на настани од различни периоди, вклучително и Илинденското востание и политичките процеси во регионот.Присуството на книгата на саемот е во моменти кога Унгарија добива нова власт, Виктор Орбан заминува, а идниот премиер Петер Маѓар најави можна екстрадиција на Груевски.Претходно Груевски издаде и двотомно издание на „Будимпештански записи”.

Магазин | пред 1 месец

Груевски подготвува ново бегство, Мицкоски не испратил барање за екстрадиција, велат од СДСМ

Опозициската СДСМ обвини дека поранешниот премиер Никола Груевски подготвува ново бегство, додека премиерот Христијан Мицкоски, според нив, сѐ уште не презел конкретни чекори за негово враќање во земјава.Од партијата тврдат дека во услови кога, како што наведуваат, блиски луѓе до унгарскиот премиер Виктор Орбан префрлаат средства во трети држави, Груевски подготвува заминување во нова земја.„Додека во Унгарија луѓето на Орбан масовно бегаат и префрлаат пари во Обединетите Арапски Емирати и други далечни земји, Никола Груевски, осудениот криминалец, подготвува ново бегство“, соопштија од СДСМ.Од таму велат дека Груевски, кој, според нив, поседува повеќе пасоши, планира да замине во трета држава, сценарио за кое тврдат дека го најавувале подолг период.Партијата упати директни обвинувања кон премиерот Мицкоски, наведувајќи дека не е испратено ниту едно барање за екстрадиција.„А што прави Мицкоски? Сѐ уште не испратил ниту еден документ за екстрадиција, ниту ново барање“, наведуваат од СДСМ.Во соопштението се додава дека, според нив, не се преземени ниту чекори за расчистување на правните постапки поврзани со Груевски, што, како што оценуваат, укажува на политичка заштита.„Мицкоски сѐ уште не обезбедил да се поништат процесите против Груевски во Македонија, ниту го подготвил теренот за негово враќање. Знае дека ако го апси, ќе го изгуби рејтингот кај своите членови. Затоа го штити со сите сили“, се вели во реакцијата.Од СДСМ порачуваат дека јавноста, според нив, јасно ги гледа овие состојби и дека одговорност мора да има.„Граѓаните гледаат многу јасно: Мицкоски не го враќа Груевски затоа што не сака да го врати. СДСМ останува на ставот дека никој не е над законот, ниту Груевски, ниту Мицкоски, ниту нивните заштитници во Будимпешта. Наскоро доаѓа времето на вистината, правдата и одговорноста“, наведуваат од партијата.

Свет | пред 1 месец

Груевски има унгарски и српски пасош?

СДСМ објави дека, според информации доставени до партијата, поранешниот премиер Никола Груевски веќе поседува унгарски и српски пасош.Од партијата тврдат дека доколку ова е точно, „јасно е дека зад тоа стојат неговите политички сојузници и заштитници“, алудирајќи на унгарскиот премиер Виктор Орбан и српскиот претседател Александар Вучиќ, кои ги нарекуваат политички ментори на премиерот Христијан Мицкоски.СДСМ дополнително обвинува дека Владата не презема активности за екстрадиција и дека со тоа, како што велат, „намерно му се остава простор на Груевски“.„Додека други држави постапуваат брзо, Мицкоски му купува време на Груевски“, наведуваат од СДСМ, обвинувајќи дека станува збор за „класична заштита“ на поранешниот премиер.Од Груевски засега нема реакција на овие наводи.

Македонија | пред 1 месец

Груевски може да се врати и да не издржи ниту една од двете казни, туку да бара да му се суди одново оти е осуден во отсуство

Поранешниот премиер Никола Груевски, кој нецели осум години престојува во Унгарија, формално има две правосилни пресуди за издржување затворска казна, но правните околности отвораат можност неговиот евентуален повраток во Македонија да не значи автоматски и издржување казна.Според важечката состојба, една од пресудите – за случајот „Насилство пред Општина Центар“ – застарува веќе идната година, што значи дека по тој рок нема да може да се изврши.Во случајот „Плацеви на Водно“, за кој има изречена затворска казна со рок на застарување во 2043 година, Груевски има право да побара повторување на постапката, бидејќи му е судено во отсуство. Тоа значи дека евентуалното враќање би можело да отвори нов судски процес наместо директно упатување во затвор.Во меѓувреме, дел од најголемите предмети против него веќе застареа по измените на Кривичниот законик, меѓу кои „ТНТ“ за уривањето на „Космос“ и „Траекторија“, како и претходно изречената казна за набавката на службениот „мерцедес“.Сепак, Груевски и понатаму останува обвинет во предметите „Титаник“ и „Талир“, кои со години се водат пред судовите, но со чести одложувања и рестартирања на постапките.Последното барање за негова екстрадиција од Македонија, според неофицијални информации, било испратено во 2022 година, но било одбиено од унгарските власти, кои му доделија политички азил во 2018 година.Во текот на престојот во Унгарија, Груевски регистрирал и компанија во близина на Будимпешта, со планови за деловни активности во повеќе сектори.Дополнително, во 2022 година, Министерство за финансии на САД го стави Груевски на црната листа поради, како што беше наведено, вмешаност во значителна корупција.Со оглед на правните можности – застарување на дел од делата и право на повторно судење – сценариото за негово враќање отвора сериозни дилеми: дали ќе се соочи со ефективна затворска казна или ќе влезе во нов судски циклус со неизвесен исход.

Македонија | пред 1 месец

(Видео) Мицкоски: Ако Груевски се врати, веднаш оди во затвор

Претседателот на Владата, Христијан Мицкоски, изјави дека прашањето за екстрадиција на поранешниот премиер Никола Груевски е во надлежност на унгарските институции, нагласувајќи дека одлуките во тој процес ги носи Владата во Будимпешта.„Јас како што сум запознаен, екстрадиција е побарана уште во 2018 година, а е одбиена во 2019 година, и дополнителни коментари треба да се побараат од Министерството за правда. Јас не сум министер за правда, јас сум премиер“, рече Мицкоски.Тој посочи дека доколку Груевски се врати во Македонија, ќе мора да ја издржува затворската казна согласно правосилната пресуда.„Доколку Никола Груевски се појави во Македонија, тој има правосилна пресуда и веднаш органите на редот ќе го обезбедат и ќе го упатат на отслужување на затворска казна“, изјави премиерот.Мицкоски нагласи дека Владата е обврзана да ги почитува законите и институциите, додавајќи дека секое лице има право да ги користи правните механизми, вклучително и жалби.„Ние сме Влада за којашто сите закони важат и која мора да ги почитува институциите во државата. А дали ќе се врати и кога ќе се врати, јас немам такви очекувања“, рече Мицкоски.

Македонија | пред 1 месец

(Видео) Филипче за Груевски: Ќе бега ли во Русија или друго место?

Лидерот на СДСМ, Венко Филипче, постави низа прашања за иднината на поранешниот премиер Никола Груевски, по политичките промени во Унгарија и најавите од новата власт во Будимпешта.„Сега се поставува што ќе прави Никола Груевски, кога нема повеќе заштитник во Будимпешта? Години наназад уживаше гостопримство. Ќе бега ли во Русија или друго место или ќе се врати да ја отслужи казната?“, изјави Филипче.Тој ја поздрави пораката од новата унгарска власт дека државата нема да биде засолниште за лица кои бегаат од правдата, алудирајќи на најавите на Петер Маѓар.Филипче упати директни прашања и до актуелната власт во Македонија.„Го поставуваме прашањето, има ли барање за екстрадиција од Владата на ВМРО-ЗНАМ за враќање на Груевски? Ако нема, зошто нема? И ако нема, дали денеска ќе поднесат барање за екстрадиција?“, рече Филипче.Прашањето за евентуална екстрадиција на Груевски повторно се актуализира по изборниот пораз на Виктор Орбан, чија влада му додели политички азил на поранешниот македонски премиер во 2018 година. Истовремено, Петер Маѓар, мандатор во Унгарија кој треба да состави нова Влада, рече дека Унгарија нема да биде засолниште на криминалци и потоа го спомена Груевски

Настани | пред 1 месец

Политичка порака или правна реалност: Дали Груевски може да биде вратен?

По најавите на Петер Маѓар дека Унгарија „нема да чува криминалци“, повторно се отвори прашањето за статусот на поранешниот премиер Никола Груевски, кој веќе осум години живее во Будимпешта со добиен политички азил.Маѓар најави дека лицата кои сториле кривични дела ќе бидат враќани во земјите од каде потекнуваат, што директно го става во фокус случајот на Груевски. Но, правната реалност е значително посложена.Азилот што му беше доделен на Груевски се темели на проценка дека бил жртва на политички прогон и дека неговата безбедност во Македонија е загрозена. Според унгарското и меѓународното право, ваков статус може да се укине само ако престанат причините врз кои бил доделен – односно ако веќе не постои ризик по неговиот живот или политички прогон.Дополнително, азилот може да биде одземен и ако лицето изврши сериозно кривично дело или претставува закана за безбедноста на државата. Но, тоа не е автоматска одлука, туку сложена правна постапка.Процедурата се води пред миграциските органи, при што се утврдуваат фактите, се обезбедува право на одбрана, а одлуката може да се обжали. Дури и во случај на укинување на азилот, депортацијата не смее да се изврши ако постои ризик од неправедно судење, политички прогон или тортура. Дополнително, непознато е дали Македонија има ново барање за екстрадиција, откако последното беше одбиено пред шест години.Иако политичките најави од Будимпешта отвораат нов моментум, конечната одлука за судбината на Груевски ќе зависи од долга и комплексна правна постапка, а не од политичката изјава на Маѓар.Низ годините, многупати се говореше дека Груевски се враќа, што во пракса не се случи. Последно, бројни коментари и очекувања имаше кога се измени Кривичниот законик, со кој застареа и дел од предметите против него.Дополнителен притисок за него е што од 2022 година, САД го стави на т.н. „црна листа“, како што наведоа, вмешаност во значителна корупција. Но тој, продолжи да живее и работи во Унгарија, каде има и своја фирма.По најавите на Маѓар, Груевски не се огласи на социјалните мрежи, како што вообичаено прави.

Македонија | пред 1 месец

СДСМ: Време е за правда, Груевски на издржување казна!

СДСМ ја поздрави, како што наведува, јасната и недвосмислена порака на унгарскиот опозициски лидер Петер Маѓар, дадена на денешната прес-конференција, во која тој најавил промена во политиката на Унгарија кон лицата кои се бараат од правдата.Од партијата се наведува дека новата унгарска власт повеќе нема да обезбедува засолниште за лица кои, според нивните тврдења, избегнуваат правосилни судски одлуки, при што се истакнува дека Унгарија ќе соработува во нивно предавање на надлежните држави.Во реакцијата се посочува и дека Маѓар директно се осврнал на случајот со поранешниот премиер Никола Груевски, кого го опиша како лице поврзано со криминални дела, според ставот пренесен од СДСМ.Груевски, кој во 2018 година ја напушти земјата, со години престојува во Унгарија, каде што претходно доби политички азил од владата на Виктор Орбан.СДСМ оценува дека ваквите најави претставуваат крај на, како што го нарекуваат, периодот во кој Унгарија била засолниште за лица со правосилни пресуди, нагласувајќи дека судските одлуки мора да се спроведуваат без одложување.Во реакцијата се упатуваат и критики кон опозициската партија, при што се споменува дека, според нив, Христијан Мицкоски и неговата политичка структура со години го поддржувале Груевски.СДСМ заклучува дека, според нивниот став, се отвора нов период во кој треба да се обезбеди спроведување на правдата и издржување на изречените казни, оценувајќи дека граѓаните долго време го очекуваат таквиот исход.

Македонија | пред 1 месец

(Видео) Маѓар за Груевски: Унгарија нема да биде засолниште за криминалци, тоа важи и за него

Унгарскиот опозициски политичар Петер Маѓар упати остри критики кон одлуката на владата на премиерот Виктор Орбан да им додели азил на полските политичари Збигњев Жиобро и Марцин Романовски, кои се соочуваат со обвиненија за злоупотреба на службената положба. Тој исто така потсети и на случајот со поранешниот македонски премиер Никола Груевски, кој доби азил во Унгарија.„Па, мислам дека зборував многу јасно за ова претходно, дека предложив да не купуваат никаков мебел во Унгарија од ИКЕА, бидејќи нема да останат долго. Унгарија нема да биде засолниште за меѓународни криминалци. И тоа не важи само за нив, туку и за г-дин Никола Груевски, поранешниот северномакедонски претседател, кој исто така е осуденик. Но и тоа не е затоа што ова е праведно исто така очекуваме од другите европски земји, ако унгарски политички криминалци бегаат во други земји, да ги екстрадираат назад кај нас, во духот на европската соработка, овие потенцијални криминалци.И можам само да им предложам на г-дин Жигров и г-дин Романовски дека ако немаат што да кријат, тогаш треба да се вратат дома и да застанат пред народот — па тој беше министер за правда, значи мора да го познава полскиот правосуден систем — па треба да си го исчисти името од обвинувањата. И тоа не е моја работа.Значи, ќе најдеме начин, освен ако веќе не заминале, но ако не заминале, ќе ги екстрадираме во Полска“, изјави Маѓар

Македонија | пред 1 месец

СДСМ: Груевски и Мицкоски останаа без Орбан

СДСМ реагираше по изборните резултати во Унгарија, оценувајќи дека поразот на Виктор Орбан и победата на опозициската Тиса, предводена од Петер Маѓар, претставуваат пресврт што ќе има последици и за македонската политичка сцена.Од партијата посочуваат дека со ваквиот исход се отвора прашањето за статусот на поранешниот премиер Никола Груевски, кој со години престојува во Будимпешта. Според нив, тој досега уживал заштита од унгарските власти, но новата политичка состојба може да доведе до негова екстрадиција во земјава за издржување на затворската казна.СДСМ исто така упати критики кон лидерот на ВМРО-ДПМНЕ, Христијан Мицкоски, оценувајќи дека неговата партија останува без важен меѓународен сојузник по промените во Унгарија.Во реакцијата се наведува и дека новото унгарско раководство најавило подготвеност за соработка во однос на лица кои се барани од правдата, што, според СДСМ, треба да се искористи за отворање постапка за екстрадиција на Груевски.Од партијата повикаа институциите да преземат конкретни чекори, нагласувајќи дека „правдата, колку и да доцни, на крајот мора да стигне“, како и дека земјата треба да продолжи по европскиот пат со засилена одговорност и владеење на правото.

Македонија | пред 1 месец

Туфегџиќ: Јадна е опозицијата што опстанокот го врзува со Груевски

Адвокатот и поранешен судија Владимир Туфегџиќ со остра реакција кон политичката опозиција, оценувајќи дека е „јадна и очајна“ доколку својот опстанок го темели на прашањето за враќањето на Никола Груевски.Според него, евентуалното враќање на Груевски не зависи од домашната политика, туку од, како што вели, „тие што му дале зелено светло да замине“.„Ако поентата е да се упропасти уште една генерација со празни наративи и наслови по портали – тоа е целосно промашена тема“, наведува Туфегџиќ, критикувајќи ги политичките анализи кои се вртат околу ова прашање.Тој остро ги нападна и, како што ги нарекува, „политички маргиналци и паразити“, за кои вели дека со години не понудиле ништо суштинско за државата, освен лични интереси и менување позиции.Во контекст на изборите во Унгарија, Туфегџиќ посочува дека од победата на Петер Маѓар може да се извлечат важни поуки – особено за водење кампања „во прво лице еднина“, мобилизација на гласачите и градење политичка енергија.„Тоа е анализа вредна за внимание. За Груевски има кој да мисли, не зависи од нас“, порачува Туфегџиќ.

Коментари | пред 1 месец

Нема повеќе криење на Груевски во Будимпешта, вели Филипче по падот на Орбан

Лидерот на СДСМ, Венко Филипче, преку објава на социјалната мрежа Икс реагираше на изборниот пораз на Виктор Орбан во Унгарија, оценувајќи го како крај на, како што наведе, „недемократски режим“.„Вечерва Унгарија рече ДОСТА Е! Недемократскиот режим на Орбан падна – токму како што месеци наназад најавуваме“, напиша Филипче.Тој додаде дека со ова, како што тврди, ВМРО-ДПМНЕ останува без својот „единствен сојузник во ЕУ“, посочувајќи и на прашања поврзани со поранешниот премиер Никола Груевски.Во објавата, Филипче оди чекор подалеку, најавувајќи дека „паѓаат автократските режими“ и дека следни, според него, се Александар Вучиќ и премиерот Христијан Мицкоски.„Време е за демократија. СДСМ ќе ја врати власта во рацете на народот и Македонија конечно ќе ја врати на европскиот пат“, стои во објавата.Реакцијата доаѓа по убедливата победа на Тиса и нејзиниот лидер Петер Маѓар, што предизвика силни политички реакции и во регионот.

Свет | пред 1 месец

Филипче: Мицкоски е чувар на фотелјата за враќање на вистинскиот газда во ВМРО - Груевски

Мицкоски е чувар на фотелјата во ВМРО, патот се чисти за вистинскиот газда на ВМРО - Груевски, нагласи претседателот на СДСМ, Венко Филипче, во интервју за „Фокус“.Филипче посочи дека начинот на кој ВМРО управува со партијата и јавноста се насочени кон заштита на лични и партиски позиции, а не кон решавање на вистинските проблеми на граѓаните.„Дали воопшто може да им се верува на луѓе кои за вистината велеа сечено-лепено?! Јасна им е веројатно на сите целта. Наместо Идризово, од аеродромот право кон Белата палата. Затоа Мицкоски, чуварот на фотелјата во ВМРО, ги отстрани сите потпретседатели на партијата. Патот се чисти за вистинскиот газда на ВМРО“, рече Филипче.Претседателот на СДСМ додаде дека целата стратегија на ВМРО, преку манипулации и засилена медиумска пропаганда, е насочена кон враќање на Груевски. „Ќе видат сами кога ќе почне целиот процес за укинување на пресудите и враќање на будимпештанскиот газда на ВМРО“, посочи тој.Во интервјуто, Филипче укажа  дека ВМРО затоа и го оцрнува СЈО со цел ослободување и враќање на Груевски.„Сите овде се запознаени со сè што се случуваше, со тоа што се случува сега, па и со овој случај. ВМРО го оцрни комплетно СЈО со една цел - ослободување и враќање на Груевски, по падот на Орбан во Унгарија. Катица ја пуштија порано за да учествува во црната кампања против СДСМ и повторно да се дојде до поништување на пресудите за Груевски“, вели Филипче.

Македонија | пред 2 месеци