ГРУЕВСКИ

(Видео) Со бомбите од СЈО ќе ја разведеа пола Македонија, вели Книга раскажувајќи каква порака пратил Шилегов до Груевски

Во емисијата „Претрес со Ландов“, Драги Митковски-Книга, долгогодишен близок пријател на Никола Груевски, зборуваше за периодот на „бомбите“, за односите со поранешниот премиер, како и за своето сведочење пред Специјалното јавно обвинителство.Одговарајќи на прашањето како се чувствувал кога ги слушал прислушуваните разговори во кои се спомнува Груевски, но и трговијата со влијание „ти мене – јас тебе“, Книга призна дека чувството било непријатно. Раскажа дека во моментите кога почнале да се објавуваат „бомбите“ бил во Сандански. Кога се вратил случајно се сретнал со Петре Шилегов.„Ми рече да му се јавам на другар ми да си даде оставка. Го прашав зошто? Ми вика – па слушаш ли бомби? Му реков дека слушам, ама дека со бомби ќе ја разведат пола Македонија“, раскажа Книга.На прашањето на водителот дали тој ги перцепира објавените материјали како снимки каде се зборувало за афери и „шваљерај“ отколку за класичен криминал, Книга одговори дека доколку биле објавени сите снимки, „удолницата ќе била целосна“.Книга потврди дека бил повикан и во Специјалното јавно обвинителство, каде што бил распрашуван за своите релации со Никола Груевски. Како што наведе, распитот го водела обвинителката Ленче Ристовска, за која рече дека била „ептен коректна“.Во разговорот се осврна и на периодот непосредно пред бегството на Груевски во Будимпешта. Иако претходно тврдел дека немал контакти со него, Книга призна дека се сретнале околу месец и пол пред бегството, во кафана. За бројните шпекулации околу начинот на кој Груевски ја напуштил државата, вклучително и приказните дека бил пренесен во гепек, Книга беше дециден.„Нема шанси Груевски да се вози во гепек“, рече тој, додавајќи дека, според негово убедување, заминувањето било „најнормално“.Цел ексклузивен разговор:

Македонија | пред 4 месеци

Заев е за истрага, ментално лечење и превоспитување, напиша Латас за Заев и застана на страната на Груевски

Драган Павловиќ-Латас повторно се огласи со остар статус, реагирајќи на вчерашниот фејсбук-статус на Зоран Заев упатен до Никола Груевски, како одговор на претходните обвинувања. Поранешниот уредник во Сител го исмејува поранешниот премиер Заев, го нарекува „неспособен да состави реченица“ и тврди дека обвинувањата упатени кон Груевски се „иронија“, бидејќи, како што наведува, затворската пресуда што Заев ја споменува била резултат на „корумпираното СЈО“.Латас жестоко го спореди Заев со други фигури во македонската политика, велејќи дека „по зло може да се мери само со Фрчковски, а по профитерство со Бучковски“. Тој тврди дека Заев „не смее да се споредува со никого“ и дека неговиот политички и економски биланс е „катастрофален“.Во текстот, Латас наведува статистики за економските показатели за време на владите на Груевски и Заев – од буџетските разлики, јавниот долг, па сè до странските инвестиции – тврдејќи дека владите на Заев и неговиот наследник постигнале „рекорден дефицит“ и помалку инвестиции отколку периодот 2006–2016.Тој фали и актуелниот премиер Христијан Мицкоски, пишувајќи дека „е единствениот кој по проекти може да се мери со Груевски“.Во финишот на текстот, Латас ја доведува во прашање способноста на Заев воопшто да води политика.„Заев не е за споредба. Заев е за истрага, ментално лекување и превоспитување“, пишува тој, завршувајќи со уште една метафора: дека од политичката „ливада“ на Груевски и Мицкоски „може да се напие чиста вода“, додека од бунарот на Заев – само „матни води или нешто полошо“.

Коментари | пред 5 месеци

Нова ескалација, Груевски пак му пиша на Заев: Народот ве крена од власт, а сега останува органите на прогонот да не се прават слепи

Поранешниот премиер Никола Груевски повторно се огласи од Будимпешта со обемен текст на „Фејсбук“, реакција на вчерашната објава на поранешниот премиер Зоран Заев. Во објавата, Груевски со објава на фотографија од Заев на негово маскембалско појавување, упати серија политички и корупциски обвинувања кон Заев, притоа наведувајќи дека неговата поранешна влада била подготвена на отстапки кои, според него, ја чинеле државата национални интереси.Груевски го нарече текстот на Заев „внимателно маскирана нервоза“, тврдејќи дека Заев лично стои зад партиските соопштенија на СДСМ. Според него, реакцијата на Заев е последица на „разоткривање на неговата дволичност, алчност и злоупотреби“.Обвинувања за економски интереси и врски со РусијаЕден од клучните делови од текстот се однесува на наводната трговија со руско железо.„Не тврдам дека Русија му дала нешто. Тврдам дека тој дава – пари за да купи железо кое го препродава, на фирма со скриена сопственост,“ пишува Груевски, обвинувајќи дека Заев приватно соработува со руски компании, и покрај неговиот јавен проевропски и антируски став.Истовремено, тој повтори претходни тврдења дека Заев добил „300 милиони евра во криптовалути“ како компензација за политички договори – тврдење кое Заев во минатото го отфрли како целосна невистина.Критики за Преспанскиот договор и домашната политикаГруевски ја посочува промената на името како најголем политички неуспех на Заев:„Грција доби повеќе отколку што некогаш сонувала. Тоа Заев го прифати, јас не.“Тој го нападна и начинот на кој, според него, Заев ги водел економските политики, наведувајќи дека бројот на вработени се намалил и дека биле „оштетени граѓаните со дивоградби, тендери, рекет и злоупотреба на службената позиција“.Во објавата повторно беа споменати и случаи што во минатото беа во центарот на јавноста: „Рекет“, наводната продажба на марихуана на црно, како и тврдењето дека Заев им доделувал концесии на фирми поврзани со него.Наводи за притисоци врз судствотоГруевски повтори тврдења дека Заев вршел притисок врз судот и обвинителството:„Објасни како судијата Кацарска доаѓаше во кабинет да ги слушне казните. Објасни за пратениците кои беа уценувани да гласаат за уставните измени.“Заев во својот ноќешен текст ги негираше сите овие обвинувања, нарекувајќи ги „измислици и проекции“.Лични тонови и продолжување на политичкиот конфликтГруевски го обвини Заев дека „и од политичка пензија управува со СДСМ“, тврдејќи дека партиските соопштенија се негово лично писмо.Тој својот текст го заврши со порака:„Народот ве крена од власт, а сега останува органите на прогонот да не се прават слепи.“

Коментари | пред 5 месеци

Заев со жесток одговор до Груевски: „Никола, најди си хоби. Знаеш каде ќе одиш кога ќе се појавиш во Македонија“

Поранешниот премиер Зоран Заев денеска остро му одговори на експремиерот и азилант во Будимпешта, Никола Груевски, преку долга објава на социјалните мрежи. Во неа, Заев го обвинува Груевски дека „од досада“ продолжува да се занимава со политички прозивки и дека од „бегство“ се обидува да ја контролира партијата во Македонија.„Никола, тебе навистина ти е досадно, нели? Читам денес дека си почнал и да се разубавуваш. Човеку, ти навистина не знаеш што да правиш со самиот себе,“ пишува Заев, додавајќи дека Груевски „секојдневно дели задачи“ на актуелното раководство на ВМРО-ДПМНЕ.Заев тврди дека доколку Груевски ја одлежел, како што вели, „минималната казна“, денес ќе можел да зборува пред македонската јавност, „а не да пишува епопеи од бегство, кои никој не сака да ги прочита до крај“.„За разлика од тебе, ние пред политиката се занимававме со сопствена работа. А јас, иако веќе пет години сум во политичка пензија, нема ден да не ме спомнете. Толку ли комплекси сте натовариле?“ – продолжува Заев.Тој го обвини Груевски дека „се капе во украдените пари на граѓаните“, истакнувајќи дека самиот работи достоинствено и нема намера често да реагира на вакви објави.„Тоа значи дека ова е една од ретките прилики кога повторно го добиваш моето внимание,“ пишува поранешниот премиер, кој му порача на Груевски „да си најде хоби“ додека, како што саркастично вели, „се разубавува“.Во завршницата од објавата, Заев му порача:„Се надевам дека ќе дојде денот кога ќе се појавиш во Македонија – а добро знаеш каде ќе треба директно да одиш.“Тој ја заокружи реакцијата со коментар: „Јас жеден да сум, Русија капка вода нема да ми даде, а камоли бизнис да ми даде. Поздрав од Македонија, полноправна членка на НАТО.“

Коментари | пред 5 месеци

Филипче вложил 550.000 долари во Дубаи и така добил виза, Заев купувал евтин челик од Русија а вели ја поддржува Украина, напиша Груевски

Експремиерот Никола Груевски, кој живее во Унгарија како азилант, повторно јавно ги нападна Зоран Заев и Венко Филипче, обвинувајќи ги за политичка и лична дволичност.Груевски тврди дека Заев во јавноста се претставува како силен поддржувач на Украина и западните политики, додека во позадина, преку свои фирми, со години купувал евтин челик од Русија и со тоа – според него – индиректно придонесувал за финансирање на руската економија во време на санкции.Тој наведува дека Заев „барал“ испраќање македонски војници во Украина, а приватно водел бизнис-зделки со руски компании за личен профит.Груевски тврди дека Венко Филипче знаел за тие активности и дека добил „златна виза“ во Дубаи не како лекар, туку како инвеститор со вложени најмалку 550.000 долари – средства за кои, како што наведува, „не може да се објасни потеклото“ со лекарска плата.Тој потсетува и на обидот за набавка на вакцини во време на ковид-кризата, за кој вели дека Заев и Филипче сакале приватно да посредуваат преку фирма што тие ја контролирале, со цел да остварат лична заработка.На крај, Груевски вели дека по недели напади од СДСМ „не добил ниту еден суштински демант“ за, како што тврди, нивните „бизнис-интереси, дволичност и нетранспарентни зделки“.

Коментари | пред 5 месеци

СДСМ: Владата намерно не бара екстрадиција на Никола Груевски

СДСМ обвини дека Владата признала оти нема поднесено ново барање за екстрадиција на осудениот поранешен премиер и бегалец од правдата, Никола Груевски. Од партијата сметаат дека со ова се потврдува нивното тврдење дека институциите свесно избегнуваат да ја обноват постапката.Според СДСМ, признанието „го руши секој изговор“ на Владата и, како што наведуваат, укажува на „вистинската врска“ меѓу ВМРО-ДПМНЕ и Груевски. Од партијата обвинуваат дека актуелната власт е „заробена од бегалец кој од туѓа држава диктира што треба да се случува во Македонија“.СДСМ тврди дека Груевски „од Будимпешта е центарот на одлучување во ВМРО-ДПМНЕ“, а дека премиерот Христијан Мицкоски е „само извршител“. Во соопштението се наведува дека тоа, според партијата, се гледа во политичките чекори на Владата, меѓу кои ги посочуваат злоупотребата на институциите во партиски цели, притисоци преку полицијата, АНБ, УЈП и инспекциските служби, како и напади врз независни институции и политичка хајка врз опозицијата.СДСМ дополнително посочува дека земјата се соочува со меѓународна изолација, блокирани реформи и намалување на медиумските слободи, што, како што велат, е „копија на матрицата на нивниот ментор Никола Груевски“.Партијата најавува дека ќе се спротивстави на, како што ги нарекува, обидите Македонија повторно да стане заложник на Груевски и на „ретроградни политики кои граѓаните веќе еднаш ги поразија“.

Македонија | пред 5 месеци

Сиљановска Давкова за „24 Анализа“: Груевски сум го видела еднаш, од Филипче сум шокирана

„Не најавувам никаква војна, само го опишувам моментот во регионот туку и во светот. Јас не признавам воени реформи. Никаква војна не најавувам, јас само кажувам дека она што се случува денеска, агресијата кон Украина, војната за Блискиот Исток зборува за човештво кое треба да се замисли каде оди. И затоа треба проект за траен мир. Во тој контекст влегувањето на Западен Балкан во ЕУ е веќе и безбедносно прашање“, изјави за 24 Анализа претседателката Гордана Сиљановска Давкова.Таа тврди дека нејзината изјава дека „сега не е време на реформи туку време на војни“ била погрешно интерпретирана.„Груевски и не го познавам, сум го видела еднаш во животот. Апсолутно мојата изјава не е инспирирана од неговиот статус, кој не знаев ни дека постои“, вели претседателката, од Филипче пак е шокирана.„Да бидам искрена, шокирана сум од овие обвинувања, бидејќи никогаш не сум прозборела јас за ова, но кога разговарам јас со лидерот на СДСМ односот е друг и има врска со домашниот амбиент. Во секој разговор меѓу нас кога ќе се видиме или сретнеме ние зборуваме за нешто друго, единството и дијалогот. Ирелевантно е кој е на власт, кој опозиција и сега сум збунета мора да кажам“ – вели Сиљановска Давкова.Таа размислува дали ќе го свика Советот за безбедност.

Македонија | пред 5 месеци

Жерновски: Допрва ќе се видат врските меѓу Груевски и Мицкоски

Немам лошто мислење за ВМРО-ДПМНЕ, меѓутоа ако имате раководство како Груевски и Мицкоски, како да бидам мирен, погледнете го извештајот, се враќаме назад, истакна членот на ИО на СДСМ Андреј Жерновски, во емисијата „Само интервју“ на Канал 5 телевизија.-Видете ја изјавата на претседателката на државата дека не е време за реформи, бидејќи се случуваат војни, идентичниот став претходно кажан од Груевски, тоа не може да биде случајно, рече Жерновски.Тој додаде дека тоа е вадење на демиџ контрол од „извештајчето“, кое е катастрофално и потоа се случува уште понагласено влијание на Груевски, кое беше намалено.-Така да на конгресот на ВМРО-ДПМНЕ, Груевски нема да биде физички присутен, ама кадровски во ставови и психички ќе биде присутен, допрва ќе го гледаме тоа, додаде ЖерновскиТој посочи дека седум години откако дојде СДСМ на власт напредувавме чекор по чекор во слободата на медиумите и завршивме во 2024 година на 36 место, пред Словенија, која беше 42, а Албанија на 99 место. Само 6 месеци откако дојдоа на власт од 36 паднавме на 42 место.-Падот се должи на желбата на една власт да ги јавне медиумите. Допрва ќе гледаме сличности со Груевски, рече членот на ИО, Андреј Жерновски на Канал 5 Телевизија.

Македонија | пред 6 месеци

Груевски: Европа повторно маршира кон војна

Поранешниот премиер Никола Груевски преку објава на социјалните мрежи предупреди дека Европа се движи кон нова ера на воена нестабилност, во која речиси сите држави се подготвуваат за можен конфликт меѓу Русија и Западот.Во текстот со наслов „Тапаните на војната почнаа да чукаат во Европа“, Груевски вели дека воената реторика станала секојдневие и дека за првпат по Втората светска војна се чувствува толкаво ниво на страв, пропаганда и психолошка подготвеност за судир.„Сè повеќе држави во Европа зборуваат отворено за можност од војна, а воениот буџет расте како никогаш досега. Многу од нив веќе започнаа програми за масовно вооружување и мобилизација“, пишува Груевски.Тој предупредува дека планот на Европската комисија ‘ReArm’ и засилените инвестиции во одбранбената индустрија се јасен сигнал дека Европската унија се подготвува за најлошото сценарио.„Ова не е вообичаена модернизација на армиите – ова е воена мобилизација со европски изглед,“ наведува експремиерот.Според него, три се можните сценарија – првото е дека целата реторика е дел од економска стратегија за заживување на индустријата; второто дека служи како притисок врз Русија за завршување на војната во Украина; а третото дека може да се случи реална војна, ако политичките лидери дозволат егото да ја замени дипломатијата.„Историјата нè учи дека војните ретко почнуваат поради логика – почнуваат поради суета, страв и пропаганда,“ вели тој.Во својата анализа, Груевски посочува и на опасноста од дестабилизација на Балканот, наведувајќи дека потенцијални жаришта остануваат Косово, Грција и Турција, како и внатрешните поделби во Европската унија.Во завршниот дел од текстот, тој повикува Македонија да биде подготвена на сите сценарија:„Да се надеваме дека разумот ќе преовлада, но и да бидеме подготвени ако не биде така. Малите држави, како нашата, немаат луксуз да бидат изненадени.“

Македонија | пред 6 месеци

Меџити: Автомобилот на Али Ахмети стоел 24 часа во полициска станица, се сомневаа дека Груевски избегал со него

Првиот заменик-премиер и кандидат на ВЛЕН за градоначалник на општина Чаир, Изет Меџити, упати ново сериозно обвинување кон лидерот на ДУИ, Али Ахмети.Во интервју за весникот Лајм, Меџити изјави дека во времето кога поранешниот премиер Никола Груевски побегнал од земјата, автомобил на Ахмети бил задржан 24 часа во полициска станица под сомнение дека токму со него Груевски можел да ја напушти државата.„Автомобилот на Али Ахмети стоел цел ден во полициска станица, затоа што се сомневаа дека Груевски избегал со него. Ова е вистина што многу брзо целосно ќе излезе пред јавноста,“ изјави Меџити.Тој нагласи дека станува збор за еден од најскандалозните случаи кој, според него, ги потврдува сомнителните врски на тогашната власт со бегството на Груевски во Будимпешта. Меџити додаде дека граѓаните имаат право да знаат што точно се случувало зад сцената.

Македонија | пред 8 месеци

„Тепачка“ за становите на Груевски, апартманите на Водно никој не му ги сака

Два од становите на поранешниот премиер Никола Груевски, одземени во предметот „Плацеви на Водно“, беа продадени вчера преку електронска аукција спроведена од Агенцијата за управување со одземен имот.Станува збор за двата стана на улицата Бихаќка, веднаш до дуплексот во кој Груевски живееше пред бегството. За нив, според информациите за „Фокус“, имало голема заинтересираност – се продале за речиси двојно повеќе од проценетата вредност. Станот со површина од 57 метри квадратни, кој се нудеше по цена од 63.000 евра, е продаден за 131.186 евра, додека помалиот од 38 квадрати, проценет на 44.000 евра, достигна цена од 90.016 евра. Новите сопственици засега не се откриваат, бидејќи се чека нивната уплата.Истовремено, аукцијата за трите луксузни апартмани во комплексот „Панорама“ на Водно била неуспешна – немало ниту еден пријавен учесник.„Електронската лицитација за апартманите на ул. Тодор Александров беше неуспешна, односно немаше пријавени кандидати“, велат од Агенцијата.Апартманите на Водно имаат вкупна површина од 750 квадратни метри и се проценети на над 2,4 милиони евра. Сите се со големи балкони и луксузна опрема, со поглед кон цело Скопје.Еден од становите има 155 м² внатрешна површина и 95 м² тераса, проценет на 760.000 евра.Вториот е од 199 м² со балкон од 48 м², вреднуван на 847.000 евра.Третиот има речиси идентични димензии – 200 м² и балкон од 48 м², со проценка од 851.000 евра.Груевски на истата адреса на Бихаќка поседувал вкупно четири стана – два кои ги користел како библиотека и работна соба, покрај дуплексот во кој живеел.Претходно, „Фокус“ објави дека е продадено и атрактивното земјиште на Сашо Мијалков во Гевгелија за сума под еден милион евра.

Македонија | пред 10 месеци

Огласена продажбата на луксузните станови на Никола Груевски – државата нуди имот вреден над 2,4 милиони евра

Пет станови. за кои судот посочи дека се на поранешниот премиер Никола Груевски, а кои беа конфискувани во случајот „Плацеви на Водно“, се официјално ставени на продажба, објави Фокус.Агенцијата за управување со одземен имот го огласи недвижниот имот, кој вклучува три ексклузивни стана во комплексот „Панорама“ на Водно, со вкупна површина од 750 м² и вредност од над 2,4 милиони евра. Становите се луксузно уредени со пространи балкони, од кои се пружа панорамски поглед кон Скопје.Стан 1: 155 м² + 95 м² балкон – 760.000 евраСтан 2: 199 м² + 48 м² балкон – 847.000 евраСтан 3: 200 м² + 48 м² балкон – 851.000 евраПокрај имотот на Водно, на продажба се и два стана во Кисела Вода, во зградата каде Груевски живееше пред бегството. Едниот од 57 м² се продава за 63.000 евра, а другиот од 38 м² за 44.000 евра.Становите се нудат согласно новиот Закон за управување со одземен имот, усвоен во март 2025, со кој се забранува учество на членови од семејството на поранешните сопственици на јавни аукции. Оваа законска измена доаѓа откако дел од имотот на Сашо Мијалков беше купен од неговиот син, што предизвика критики и потреба од правни измени за да се спречи враќањето на имотот кај осудени лица или нивни блиски.Продажбата на имотот на Груевски се смета за симболичен, но важен чекор во напорите на државата за враќање на средствата стекнати преку криминал и зајакнување на принципот на правна држава.

Македонија | пред 10 месеци

(Видео) Кој се среќавал со Груевски во Будимпешта? Мицкоски најави дека ќе излезе со докази

Премиерот Христијан Мицкоски не се сретнал со експремиерот Никола Груевски кој е бегалец и азилант во Будимпешта. Но најави дека со докази ќе обзнани кој се среќавал со него. Спроед Мицкоски, тоа се ексфункционери.„Не се сретнав, но доколку би се сретнал, ќе бидете информирани. Јас водам политика на принципот – вистината е најточна. Кога нешто ќе се случи, тоа го кажувам. Немам што да кријам, совеста ми е секогаш чистам. Но во име на таа вистина, можам да потврдам, многу скоро со докази, многу голем дел од функционерите на поранешната владина коалиција на СДСМ и ДУИ се среќавале со Груевски во Будимпешта, за што не даваа искрени одговори, за што јас би дал“, рече Мицкоски.

Македонија | пред 1 година

(Видео) Рамковски за Заев и Груевски: Проститутката и вика на таа до себе, држи ми го копилево

Сопственикот на згаснатата А1 телевизија, Велија Рамковски говорејќи за експремиерите Зоран Заев и Никола Груевски на социјалните мрежи, ги спореди со поговорка за проститутки. „Зоран Заев е преварант кој тешко да мајка може повторно да роди. Превари се што можеше да превари. И стави катанец на партијата, ги изневери сите кои веруваа во него. Сега го стави Филипче да на 15 октомври му стави втор катанец на партијата. Грујо кажува како Зоран Заев инвестира во Дубаи 600 милиони евра за да гради зграда. Не знам дали е така, меѓутоа, ме потсети на една поговорка - проститутката и вика на таа до себе, држи ми го копилево, да и покажам на оваа ороспија која е, што е“, рече Рамковски во видеото. Па потоа објави видео дека го нападнале „груевисти“ и „заевисти“.„Аман луѓе од затвор не се плашам воопшто. Ја чувствувам Македонија многу повеќе моја отколку на Заев и Грујо“, рече Рамковски. Рамковски беше осуден на 13 години затвор во време на Груевски. Во август 2017 година, кога СДСМ владееше со Македонија тој излезе од „Идризово“ на лекување. Оттогаш, не се врати.

Коментари | пред 1 година

Се скараа експремиерите: Заев вели дека Груевски е забеган во умот, по тврдењето дека гради кула во Дубаи со „перени пари“

Поранешниот премиер Никола Груевски вели дека Зоран Заев инвестира во изградба на кула со 82 ката во Дубаи, вредна над 600 милиони евра, со средства стекнати преку масовен рекет и злоупотреба на власта. Според Груевски, голем дел од парите биле пренесени со приватен авион и депонирани на банкарска сметка во Дубаи. Тој исто така тврди дека Заев подготвува нова инвестиција во друга азиска држава. Поранешниот премиер Никола Груевски на Фејсбук објави дека најголемиот дел од средствата за инвестиција во кула со 82 ката во Дубаи, вредна над 600 милиони евра, се проневерени и пренесени во оваа држава преку приватен авион, каде што биле депонирани на банкарска сметка. Груевски обвинува дека парите за оваа инвестиција се заработени преку масовен рекет и злоупотреба на власта, особено во периодот на владеењето на Зоран Заев. Според него, проневерените средства биле пренесени во кеш со приватен авион и депонирани на банкарска сметка во Дубаи.„Тој веројатно во моментот е многу горд на себе во овие денови, кога според информациите, започнува изградба на кула од 82 ката во Дубаи, инвестиција од над 600 милиони евра. Најголем дел од парите за оваа инвестиција се проневерени преку масовниот рекет, како никогаш во постоењето на Македонија, и со злоупотребата на власта за време на неговото владеење“, напиша Груевски.На ова во коментари врати експремиерот Зоран Заев, го нарече Груевски „забеган“.Колку треба човек да е забеган во умот да кажува и тврди вакви глупости. Суетните само чекат да се фатат на вакви будалаштини за да си ја залечат суетата. А некои луѓе кои многу добро и јас ги познавам а и тие мене, овде коментираат нешто во што и самите не веруват ама и јас и тие добро знаеме зошто тоа го прават.Заеви вработуваат преку 1000 луѓе во Македонија. Така било пред да бидам во политика, така било додека сум бил во политика, така е и сега. Ве гушкам камелеони офарбани со сите бои“, стои во коментарот.

Македонија | пред 1 година

Груевски порача: Не губете надеж, дури и кога изгледа дека предизвиците се големи, слабост е откажувањето

Седма година по ред, експремиерот Никола Груевски ја честита Новата Година од Будимпешта. Тој овојпат порача дека ниту една мака не е вечна, а секоја борба води кон нова светлина. Според него, искуството нѐ научило дека некои нешта изгледаат невозможни, само додека не се направат.Неговиот статус:„Денес е добар ден, кратко, барем на една минута, да се потсетите на 2024 година, и низ што се поминавте, што ви беше цел во која успеавте или не успеавте. Но, исто така да помислите кои се вашите желби, цели и мечти во новата 2025 година. Ако некој ја загубил вербата дека ќе успее во некоја значајна животна цел, за која многу се трудел, треба да знае дека во животот најголемите пресврти често доаѓаат токму тогаш кога мислиме дека сме на крајот на силите и треба да знае дека успехот е наградата на тие што не се предаваат.Не губете надеж, дури и кога изгледа дека предизвиците се големи. Најголемата слабост лежи во откажувањето. Големиот Конфучие забележал дека „Не е важно колку бавно одиш, се додека не застануваш.“ Оваа година, ви посакувам да го направете она што веќе помисливте или почнавте да мислите дека е невозможно. Она за што почнавте да губите надеж дека ќе успеете. И оваа година, со вашата упорност, непрестана борба и обиди, и секако со Божја помош, нека биде вашата пресвртница токму во тоа. Но и година кога ќе одлучите да се стремите кон повисоки цели.Така е со сите наши предизвици. Ниту една мака не е вечна, и секоја борба води кон нова светлина, ако одбереме да не се откажуваме.И не заборавајте дека успехот не е само во постигнувањето на лични победи. Тој се мери и преку нашата способност да им помогнеме на другите. Смислата на животот не е само да најдеш среќа за себе, туку да ја даваш на други, да станеш светлина во животите на други луѓе. Искуството не научи дека некои нешта изгледаат невозможни само додека не се направат. Среќна нова 2025 година. Нека е посебна во сѐ, а пред се во добро здравје, во успеси во зацртните цели, во позитивни промени во животот на секој од Вас, и во реализација на одамна носени желби и мечти во себе. Нека донесе радост!

Коментари | пред 1 година

(Фото) Груевски во јапонски ресторан во Будимпешта, објави РСЕ

Поранешниот македонски премиер Никола Груевски, во средата навечер (30.10.2024) повторно беше забележан на јавно место во Будимпешта. Груевски, кој побегна во Унгарија во ноември 2018 година, го фотографираше новинар на Унгарскиот сервис на Радио Слободна Европа, во ресторанот „Токио“, во центарот на Будимпешта.Седеше на маса покрај прозорец, во друштво на една госпоѓа. Поранешниот македонски премиер е осуден на две години затвор. Требаше да оди во затвор на 8 ноември 2018 година, но наместо тоа, беше „прошверцуван“ во Унгарија неколку дена подоцна, под сè уште неразјаснети околности.Денес има азилантски статус во Унгарија.📷 Фото: Унгарски сервис на РСЕ

Свет | пред 1 година

Државата не се откажува од градење на плацовите на Груевски и на Мијалков

Агенцијата за управување со одземен имот бара да останат маркичките за изградба на хациенди на плацовите на Водно, кои беа одземени во судските постапки од поранешниот премиер Никола Груевски и неговиот братучед и поранешен шеф на тајната полиција, Сашо Мијалков, објави БИРН.Станува збор за четири огромни куќи, вцртани на два рида на Водно и вгнездени во самата шума. Заедничко за сите е што се наоѓаат во недопрена природа со поглед на Скопје и, ако се изградат, ќе бидат најголемите градби во околината што ќе се граничат со шумата на Водно.Можност за нивно бришење се отвори со укинувањето на ДУП-от Ј07 за овој реон пред две години, откако Уставниот суд утврди дека тој бил незаконски изгласан. Меѓу причините, пак, за во 2014 година да се истурка спорното гласање, беа маркичките за градба на плацовите на Водно, купени на незаконски начин од двајцата братучеди, кои сега се конфискувани од државата.Укинувањето на ДУП-от од страна на Уставен, кој инаку опфаќа третина од општината, ги запре сите нови градби во овој дел на Центар и наметна потреба од носење нов план за реонот каде што беа предвидени и хациендите на двајцата братучеди. Откако судот им ги одзеде овие плацови, тие ѝ беа предадени на Агенцијата за одземен имот, која треба да ги продаде и парите да ги врати во државната каса.Затоа од Општина Центар, која заедно со надворешна планерска фирма во моментов работи на носење на новиот урбанистички план, се обратиле до Агенцијата и побарале овие парцели да се отстапат за зеленило. Тоа, на последната седница на Советот и јавно го кажа претседателката на комисијата за урбанизам, Билјана Насковиќ.Уште на состанокот им било јасно ставено на знаење дека Агенцијата и во новиот план ќе бара да останат старите маркички за градба, што подоцна им било потврдено и писмено, пишува БИРН.Преписката траела неколку месеци, а во последниот допис, Агенцијата инсистира на тоа и во новиот ДУП да останат „истите урбанистички параметри што се затекнати при одземање на недвижниот имот на катастарските парцели во ДУП-от, кој веќе не е на важност“. Дописот од 12 септември е потпишан од новата директорка Ирена Илиевска, два дена откако таа ја презела оваа функција како кадар на ЗНАМ, партијата што е дел од владејачката коалиција на ВМРО-ДПМНЕ.Од Општина Центар, пак, без нивна дозвола, стравуваат да ги тргнат хациендите нацртани на државниот имот, затоа што на тој начин може да бидат прозвани за оштетување на државниот буџет. Без маркичките, овие плацови практично стануваат безвредни и Агенцијата не може да ги продава.Од друга страна, пак, законот дава можност општината да брише еднаш впишани маркички кога за тоа има јавен интерес или се крши соседско право, но, сепак, тоа се избегнува бидејќи законот, исто така, го штити и т.н. стекнато право. Тоа значи дека ако еднаш во ДУП-от бил вцртан објект, тој се брише само во согласност со сопственикот. Во спротивно, сопственикот може да тужи. Договарањето обично оди полесно кога имотот е на државата, па затоа при планирањето најчесто се посегнуваат по тргање маркички од државните парцели.Но, како што објави БИРН, „тие не може да се стават над државата и без нејзина согласност да менуваат маркички“, како во случајот со парцелите на Водно.

Македонија | пред 1 година

На 4 октомври застарува затворската казна на Груевски за случајот „Тенк“ за набавката на мерцедесот

На 4 октомври годинава застарува двегодишната затворска казна за случајот „Тенк“ на поранешниот премиер. Случајот се однесува за набавка на луксузен „мерцедес“.Груевски на 4 октомври 2018 година беше правосилно осуден, така што на 4 октомври годинава поминуваат шест години, што е законски предвидениот рок за застарување на одлежувањето на казната.Според Кривичниот законик застареноста на извршувањето на казната настапува кога ќе помине двапати онолку време колку што е потребно за застарување на делото, а во случајот на Груевски, рокот за застареност изнесува два пати по три години.Во случајот „Тенк“ си Груевски осудени беа и поранешната министерка за внатрешни работи Гордана Јанкулоска – четири години и поранешнииот помошник министер во МВР, Ѓоко Поповски – четири и пол години, кои веќе ги одлежаа своите казни.На Груевски му преостанува да одлежи една и пол година затвор за случајот „Насилство пред Општина Центар“, која му застарува за три години, односно во 2027 година, како и девет години затвор за случајот „Плацови на Водно“, дело кое што му застарува во 2043 година.Претходно на Груевски му застареа делата во предметите „ТНТ“ и „Траекторија“, а останува обвинет уште во предметите Титаник“ и „Талир“.

Македонија | пред 1 година

Светот полуде, констатираше Груевски

„Во изборна кампања со голема напнатост и радикална поларизација на гласачкото тело на американската политичка сцена, каде тензијата расте подолг период, беше извршен обид за атентат, за среќа неуспешен, врз поранешниот претседател, и кандидат за иден претседател на најмоќната држава во светот - САД - Доналд Трамп“, пишува експремиерот и азилант, Никола Груевски.Тој додава:„Во време на многу воени конфликти во светот, и секојдневно многу човечки жртви во нив, од кои два, а особено еден голем конфликт веќе го доносе човештвото на раб на трета светска војна и на раб на нуклеарен конфликт, се случуваат драматично настани насекаде.Секое минато време е историја, но се чини последните две години се години на крупни историски збиднувања кои не запираат и земаат замав кој застрашува.Војните и атентатите на политичарите не се нешто што било само во минатото.Во јули 2022 година, пред две години, беше убиен со пукање од зад грб Премиерот на Јапонија Шинзо Абе.Пред два месеци беше тешко ранет со четири куршуми и за среќа преживеа атентат Премиерот на Словачка Роберт Фицо.Сега милиметри го делеа Трамп од сигурна смрт од напаѓач кој пукаше во него.Војните и атентатите на водачите на државите не се случуваат само во земји со воени хунти или земји со не демократски режими, туку и во држави со демократија и слободни избори.Секојдневно слушаме за 300, 500, или повеќе убиени лица на украинска или руска страна, Палестинци или Израелци, низ Африка и Азија…Вака напната политичка и геополитички превирања, такви динамични и драматични настани одамна немало во светот на меѓународен план, како во последните две години.Ние во Македонија уште пред овој период ја почуствувавме оваа темна атмосфера со навлегувањето во неколку наврати на терористички групи во земјата со грозоморни планови, кои беа пресретнати и елиминирани, но кои ни предизвикаа жртви.На Доналд Трамп да му посакаме брзо опоравување, безбедно и успешно враќање во кампањата, на Америка никогаш да не и се повтори ова, на светот мир ден порано, барем во најкритичните жаришта кои можат да прераснат во повод за масовно уништување на животи, преку трета светска и нуклеарна војна“.

Коментари | пред 1 година

Кукавицата Груевски кој од вторник ќе е излитен мантил реши да се пресмета со Јанкулоска без опипливи докази, со удбашки муабети“, пишува Јоци

Политичката анлитичарка и поранешна новинарка, Јорданка Ивановска-Јоци, го прогласи експремиерот и бегалец Никола Груевски за излитен мантил по поткастот „Претрес со Ландов“ каде гостуваше ексминистерката за внатрешни работи, Горгана Јанкулоска.„Кукавицата, кој од вторник ќе биде само излитен мантил, нали #Никола #Груевски, во налет на бес реши по неколку години да се пресмета со #Гордана #Јанкуловска, хаха. И секако без никакви опипливи докази, само со глупи удбашки муабети како стринка, нешто од типот - ,,јас на сите кои беа под прогон им кажав да бегаат со мене, да земат фамилии, дури и на неа, она прифати, па после се премисли. И имаше два сведока на тие средби".Нешто како и он што си ја зема фамилијата таму и сега сите среќно си живеат, нали? А, бе, патетична смејурија е човеков. Сите на кои им кажал да бегаат, се премислиле, само он не 😂 И сите биле кодоши, хаха. Туку, Јанкулоска, иако со години го кажува истото за него, тој дури сега реши да фрла камења по неа, откако ВМРО победи и ќе прави влада. Хах. Има еден предобар коментар кај него на профил, еден лик му пишал како оставањето пријатели на цедило остава последици по психата“, напиша Јоци.Таа додава: „Едноставно, патологијата на Груевски е таква - не знае како да живее без моќта во минатото и одушевувањето, фасцинацијата што ја добиваше од толпата, аплаузите, лајковите..“.

Коментари | пред 1 година

(Видео) Груевски за сведочењето ја Југ во „Претрес“: Покажа храброст, од изјавата се гледа со какви жестоки уцени се врбувале лажни сведоци!

Експремиерот и бегалец, Никола Груевски, јавно се огласи откако осудениот Игор Југ за предметот „27 април“ во подкастот „Претрес со Ландов“ раскажа како од него било барано да го посочи Груевски како лице со командна одговорност, со цел да излезе од затвор.?t=4383Реакцијата на Груевски, интегрално:Вчера илзезе јавно сведочење дека водачот на самонаречените “реформатори” во 2016 година адвокатот Алек Михајловски, подоцна познат и како адвокат на Орце Камчев, нарачувал лажно сведочење против мене со цел да бидам обвинет како нарачател и организатор на настаните од 27 април 2017 година, или командна одговорност како што беше цитирано.Истото го направил преку адвокатот Саво Коцарев, кај Игор Југ, што вчера во емисија на еден подкаст самиот го објави, а снимката од тоа е подолу во линк.Игор југ е човек кој не крие дека и дотогаш и потоа има јавно и отворено изразени негативни ставови за мене, па и негова претпоставка е дека токму заради тоа тој изгледал како “плодна почва” за соработник за градење на лажно и конструирани обвинение.Со Игор Југ може да се каже дека не се познавам, ако под познанство не се смета присуство во иста сала, настан, или фотографија со партиски член некаде на негово барање и слични ситуации во кои немало суштинско разговор или дискусија.Прв пат дознав за него од медиумите одкога беше уапсен по настаните од 27 април 2017 година и лажно обвинет дека сакал да изврши убиство. Мојот тогашен коментар на Телма ден по настаните кај новинарот А.Чомовски беше дека луѓето што се најдоа во Собраниската сала, доколку сакале да убијат некого, можеле тоа да го направат речиси непречено, но не го направија, затоа што немале таква цел и намера, и тоа го мислам и денес.Од она што имам разбрано тој бил член на ВМРО-ДПМНЕ, а од неговото сведочење вчера разбрав дека бил учесник во настаните пред хотелот Панорама во 2004 година, кога поголем број поддржувачи на Љубчо Георгиевски се обидуваа да ја попречат седницата на ЦК на ВМРО-ДПМНЕ по настаните за кои веќе во објавите на фб неодамна пишував.Тој вчера објави дека како што кажа ниту ме сакал, ниту ме сака, ниту ќе ме сака во иднина, што секако е негово легитимно право, како и на секој друг, кон некој од политиката да има и кон други да нема подршка и доверба.Како и да е, во неговите објави и ставови, независно дали со некои од нив се согласувам или не, тој покажа цврст карактер и храброст, како што тоа беше вчера кога како директно сведоштво јавно обелодени како всушност функционирал политичкиот прогон кон мене. Прогон кој и тој и те како го почуствува и сеуште го чувствува на својот грб. Од неговата изјава се гледа како, односно со какви не демократски методи и жестоки уцени биле или се правеле обиди за врбување лажни сведоци, како се правеле обиди за “тргување” со изнудување на лажни сведочења со ослободувања од прогон, или тешка тортура ако не се прифати понудата. Нешто на што повеќемина подлегнаа, но како што гледаме не секој.И потоа СДСМ и криминалецот и предавник на македонските национални интереси Зоран Заев, како и ним блиските се чудат зошто во странство, на пример во Шведска, во Унгарија, во Грција и во други земји добиваме без проблем политички азил заради политички прогон. Мислат дека другите држави преку своите разузнавачки и дипломатски служби немаат информации од повеќе извори за тоа што се случуваше во Македонија, и мислат дека тие можат секого да излажат и да стават во заблуда.Познато е дека самонаречените реформатори, чии поединци во раководството за своите валкани активности земаа пари од потпретседателот на бугарската влада Каракачанов, од една значајна амбасада во Скопје и од братот на Зоран Заев -Вице, во тоа време активно работеа на овој план и секако некој им беше дал таква моќ, да од потенцијалните лица таргетирани за обвинение, можеа да ги заштитат оние кои ќе се согласен да се приклонат кон нив, односно ако дадат, невистинити признанија или лажни изјави против мене и луѓето од моето опкружување во периодот 2016-2017 година, што некои луѓе го направија.Вакви ситуации имаше многу. Делумно преку реформаторите, а уште повеќе од обвинителите и извршителите на СЈО/ОЈО, кои отворено им сугерираа на осомничените дека ако дадат изјава каква што ним им треба за да конституираат случај, а кој нема врска со реалноста, ќе бидат ослободени или ќе поминат со нешто лесно, а ако не дадат требало да мислат дека нивните семејства и деца ќе останат без нив подолго и дека ќе им биде уништена кариерата, бизнисот и животот, потенцирајќи колку години затвор ги очекува, иако немаат вина. Тоа се моменти кога луѓето се пред избор, помеѓу страдање заради неоправдан прогон кон нив или страдање заради одбивање да конструираат вина на друг и тој да страда без вина.Досега голем број лица ми имаат лично кажано за исти или слични ситуации кои доаѓале или од обвинителите, или од врвот на власта тогаш, или како во случајот од претставник на самонаречените реформатори, кои како што кажав на тој начин и прибираа провзаници меѓу другото. Сепак, иако голем број ми се повериле мене или на мои блиски со молба тоа да не го објавам за да немаат последици, ова е прв случај на јавно сведочење и тоа од лице кое со повеќе текстови досега јавно и тоа прилично жестоко ме критикувал низ годините наназад и јавно кажува дека е против мене.Се потсетувам и на онаа снимка што излезе пред 3-4 години во која тогашниот директор на фондот за здрваство Ден Дончев кажуваше некому дека договорил “лоша изјава за Груевски” пред јавен обвинител од поранешниот министер Никола Тодоров, што колку што досега ми е познато не се реализира од страна на Тодоров, но таа снимка е на иста линија со оваа, бидејќи покажува дека висок функционер на власта за кој подоцна излезе видео снимка како зема пари од некого во канцеларија, изнудувал изјава од поранешниот министер за здравство против мене, иако истрагите не биле негова надлежност.Останува да видиме дали новата власт во доаѓање ќе сака и ќе им храброст да отвори случај против поголем број поединци обвинители во обвинителството, политичари и владини функционери од власта во заминување, т.н. “реформатори” и други структури кои учествувале во креирање и изнудување лажни обвиненија и кои биле учесници во лажни монтирани конструкции на лажни обвиненија и лажни сведоци.Доволно е само да ги повикаат сите обвинети, осомничени и сведоци, или поканети да бидат сведоци и да дадат изјави и информации во случаите на политичкиот прогон од 2017 година наваму, и ќе сватат дека имаат многу работа, многу матерјал за расчистивање со некои не професионални и партиски мотивирани лица од правосудниот систем но и адвокати, судии и други егземплари од таков тип, а најмногу носителите на највисоки функции во тогашната влада и владејачка партија на чело со Зоран Заев и лицата кои му беа канал за комуникација за нарачка на обвиненија и пресуди.Јас ги охрабрувам да го направат тоа, не само заради расветлување на случувањата во минатите години, туку и за да не дозволат истото да им се случи ним по извесен број години, кога нештата ќе се променат.ВМРО-ДПМНЕ во деведесетите години на некој начин премолчено направи една генерална амнестија на злосторствата од поединци на комунистичкиот режим, но таа неказнивоста подоцна се врати со нови прогони и нечовечко однесување од нивните наследници.Тоа е предуслов за реални реформи во обвинителството и правосудниот систем, и казнивновост за направеното зло на разни структури инспиратори, спроведувачи или било како вплеткани во политичките прогони.Еве го подолу сведоштвото од каде е инспириран овој текст“.

Македонија | пред 2 години

(Видео) Игор Југ ексклузивно: Реформаторите ми дадоа безобразна понуда да го наместам Груевски за да излезам од затвор

За првпат, Игор Југ, осуденик за „27 април“ во „Претрес со Ландов“ одговори на многу непоставени прашања и даде нечуени одговори! Ексклузивни детали, истовремено и фрапирачки!Еден од нив е за понудата која ја добил за да го намести Никола Груевски во замена за неговата слобода.„Добив безобразна понуда, да го наместам Никола Груевски за командна одговорност, а да добијам слобода“, рече Југ по што откри кој му го понудил ова.

Македонија | пред 2 години

(Видео) Кои се плановите со Груевски?

Никола Груевски има работа со судовите во Македонија, а ВМРО-ДПМНЕ не може да направи ништо во тој дел, вели Трајко Славески, член на Извршниот комитет на партијата во подкастот „Претрес со Ландов“. Тој посочува дека Груевски ако не избегал, ќе расчистел со дел од предметите во кој е обвинет.„Никакви планови нема со Груевски. Тој не е прашање сега. Никола Груевски има работа со Република Македонија, со судовите и слично. Да беше тука најверојатно досега ќе беше нешто расчистено од она што му се товари. Дали на слобода, дали на издржување на казна“, рече Славески.Тој додаде: „Така што партијата ВМРО-ДПМНЕ не може да направи тука ништо, тоа е работа на судовите и негов личен избор“.Славески одговараше и на други прашања поврзани со актуелни теми, политичари, неистомисленици:?t=7375

Македонија | пред 2 години

Груевски и честиташе на ВМРО-ДПМНЕ и испрати порака

,,Судбината сакаше на денот на победата над фашизмот, одбележувајќи го големиот пораз на фашизмот во 1945 година, да го поздравам големиот пораз на СДСМ и убедливата победа на ВМРО-ДПМНЕ на изборите одржани вчера, како на парламентарните, така и на претседателските избори.Вчера, иако со поголемо задоцнување, убедливито мнозинство народ жестоко ги казни и порази политиките на СДСМ кои ги постави Зоран Заев, а ги следеа неговите слепи послушници.Политики полни со национални предавства, криминали, длабока корупција и лично богатење на грбот на граѓаните, секојдневни лаги и манипулации, злоупотреби, политички прогони на неистомислениците, не функционалност на државните институции и нивно ставање во лична полза, како и неспособност од големи размери.Политики кои Македонија ја уназадија во секој поглед, неповратно иселија огромен број граѓани и ја доведоа земјата во позиција на потчинетост пред негаторите на нацијата и на македонскиот идентитет, јазик, историја, име, националност и посебност.Политики со кои Македонија беше константно 7 години економски уништувана, осиромашувана, ограбувања и морално пропаѓана.ВМРО-ДПМНЕ доби голема подршка од граѓаните.Честитам!Но, и голема обврска пред народот, и големи очекувања и надеж кај нив, кои не смее да се изневерерат.Со среќа!И со ум!”, напиша Никола Груевски, на својот фејсбук профил.

Македонија | пред 2 години