(Видео) Груевски го спомена Чавков: Постапил чесно, доблесно и достоинствено

Никола Груевски преку објава на социјалните мрежи оцени дека неказнивоста за, како што наведува, лажни и криминални обвиненија и осудувања ја уништува довербата во институциите и правниот систем.

— реклама —

Во објавата тој се осврна на случајот со Митко Чавков, за кого напиша дека постапил „чесно, доблесно, човечки и достоинствено“.

— реклама —

— реклама —

Груевски тврди дека во државата и натаму постои, како што наведува, „ментална матрица“ наследена од поранешните безбедносни структури, обвинителството и судството, која, според него, овозможува местени обвиненија и прогон на невини луѓе.

Во објавата посочува дека најголема грешка по осамостојувањето на државата била тоа што немало одговорност за злоупотребите на системот во минатото.

Тој смета дека, како што наведува, не постои вистинска реформа без темелни истраги и санкции за поединци кои ја злоупотребувале службената положба за политички и лични цели.