Хаџи Василева со 64 гласа избрана за шефица на Обвинителството за организиран криминал

Обвинителката Искра Хаџи Василева е избрана за нова шефица на Основното јавно обвинителство за гонење организиран криминал и корупција (ОЈО ГОКК), откако на непосредното и тајно гласање освои 64 гласа од своите колеги.

— реклама —

На второто место се најде обвинителот Трајче Пеливанов со 57 гласа, а трет е Јове Цветановски, кој доби 30 гласа. Фатон Азизи освои 14 гласа, додека Лидија Раичевиќ доби шест гласа.

— реклама —

— реклама —

Од вкупно 187 јавни обвинители од целата држава, кои избираа меѓу петмина кандидати, не гласале само 12 обвинители.

Хаџи Василева има 11-годишно искуство како јавна обвинителка и е дел од петтата генерација слушатели на Академијата за судии и јавни обвинители. До неодамна работела во скопското обвинителство, а во 2024 година се приклучила во Обвинителството за гонење организиран криминал и корупција.