„Хорор-соништата на СДСМ нема да станат јаве“, вели Мицкоски за Алта банка

Премиерот Христијан Мицкоски ги отфрли тврдењата на СДСМ дека Алта банка ќе пропадне и дека во неа нема готовина, оценувајќи дека станува збор за невистини со кои опозицијата се обидува да ги вознемири граѓаните.

— реклама —

Одговарајќи на новинарско прашање, Мицкоски рече дека досегашното искуство покажало оти предупредувањата на СДСМ за банкрот, мигрантите и случајот со Алта банка не се оствариле.

— реклама —

— реклама —

Тој изрази уверување дека, по преземените активности, ќе се добие нов сопственик на Стопанска банка Битола и дека состојбата ќе се нормализира. Како показател за тоа го посочи постепеното укинување на мерките што биле воведени на почетокот.

— реклама —

Во врска со тврдењата дека во банката нема готовина, Мицкоски ги повика граѓаните да ги прашаат клиентите што ги посетуваат филијалите и подигнуваат средства дали имаат проблем со исплатата. Посочи дека самиот нема сметка во Стопанска банка Битола и затоа не може лично да одговори на тоа прашање.