И БиХ привремено прекина со употребата на бугарската БСЖ вакцината

Како мерка на претпазливост, во Дистриктот Брчко е препорачано привремено да се прекине употребата на BСЖ вакцината произведена од бугарската компанија „BB-NCIPD Ltd.“. Одлуката е донесена додека се очекуваат дополнителни информации и проценка од надлежните институции.

— реклама —

Причина за ваквата препорака е одлуката на Хрватската агенција за лекови и медицински средства (HALMED) да ја запре дистрибуцијата и употребата на истата вакцина во Хрватска, откако биле пријавени сомнителни несакани реакции.

Од Одделението за јавно здравје при Владата на Дистриктот Брчко посочуваат дека во Брчко досега не е регистрирана сериозна несакана реакција по примена на оваа вакцина. Нема пријави ниту на ниво на Босна и Херцеговина. Според податоците на Агенцијата за лекови и медицински средства на БиХ, од 2020 година досега не е пријавена сомнителна несакана реакција поврзана со вакцината.

— реклама —

BСЖ вакцината се дава по раѓањето и се користи за заштита од најтешките форми на туберкулоза, меѓу кои туберкулозниот менингитис и дисеминираната туберкулоза.

— реклама —

Надлежните дополнително укажуваат дека остеитисот или остеомиелитисот поврзан со BСЖ вакцинацијата е многу ретка компликација. Таа може да се појави по неколку месеци, но и неколку години по вакцинацијата.

Меѓу симптомите на кои треба да се обрне внимание се упорен оток во пределот на коска или зглоб, болка и чувствителност при допир, ограничена подвижност, куцање или избегнување на оптоварување на засегнатата рака или нога.

За децата кои немаат симптоми не се потребни посебни мерки. Доколку се појави некој од наведените симптоми, се препорачува консултација со лекар.