Од утре почнува изборната кампања во Македонија за локалните избори. Кандидатот за градоначалник на Карпош, Стевчо Јакимовски, најави дека ќе биде во Влае.
„На 27.09.2021г. (понеделник) со почеток од 19.30ч на плоштадот Делфина(Влае),со голем митинг започнува изборната кампања на нашата партија ГРОМ. Ќе се претстави нашиот кандидат за градоначалник г-дин Стевчо Јакимовски и носителот на листата на советници предводена од Зоран Краљевски“, вели Јакимовски.
Од утре стартува изборната кампања за Локалните избори што се закажани на 17 октомври.
Кампањата ќе заврши на 15 октомври на полноќ. Вториот круг избори ќе се одржат на 31 октомври, а кампањата за втор круг ќе трае до 24 часот на 29 октомври.
Вкупно 1.824.864 граѓани ќе можат да гласаат.
Државната изборна комисија (ДИК), потврди 303 листи за градоначалници и 567 за советници. За првпат ќе бидат применети терминали за читање отпечатоци од прсти на гласачите за да се утврди нивниот идентитет и за да се избегнат евентуални неправилности при гласањето.
