ИК на ВМРО-ДПМНЕ одлучи за теренски активности, разговарано и за Алта банка и средбата со ВРЕДИ

Извршниот комитет на ВМРО-ДПМНЕ одржа редовна седница на која беа разгледани актуелната економско-политичка состојба, енергетските предизвици и активностите на партиските тела и органи.

— реклама —

Во соопштението од партијата се наведува дека посебно внимание било посветено на случајот со Алта банка. Од ВМРО-ДПМНЕ ја обвинија опозицијата за деструктивно дејствување и обиди за нарушување на работењето на банката, оценувајќи дека тоа може да предизвика загуби кај илјадници граѓани. Од партијата изразиле уверување дека надлежните институции работат на изнаоѓање решение со кое ќе се заштитат интересите на банката.

— реклама —

— реклама —

На седницата претседателот на партијата, Христијан Мицкоски, ги информирал членовите на Извршниот комитет за средбата со раководството на коалицијата ВРЕДИ. Според соопштението, на средбата биле разгледани коалициските принципи и претстојните предизвици во енергетиката, додека разговорите за кадровските решенија ќе продолжат во наредниот период.

— реклама —

Извршниот комитет донел и одлука за организирање теренски активности, при што координаторите ќе ги посетуваат општинските и месните комитети на партијата.