Премиерот Зоран Заев смета дека Македонија има поголемо срце од останатите држави, штом сме дозволиле да дојдат повеќе Авганистанци споредено со другите држави. Тој кажа дека немало барања за политички азил, а за сите лица кои ќе дојдат, ќе добијат статус на времен престој за 90 денови.
„Веројатно бидејќи имаме поголемо срце од сите други, веројатно затоа што чувствуваме поголема хуманост од сите други, нашиот регион поминал своевидни трауми во блиско минато, па знае колку е важна помошта, посебно бидејќи ги знаеме сликите од фундаменталистички напливи, одземање на животот и сите страотни сцени кои ги имаме видено. Огромен е бројот на деца кои се евакуираат од Авганистан. Немаме никакви предрасуди. Досега за се што е потврдено, трошковите ќе ги покријат соодветните организации, еден дел САД. Не значи тоа дека ако треба нешто ние да покриеме, да не покриеме.. Ние досега имаме ПЦР тест, бесплатен здравствен преглед, превоз од аеродром. Немаме потреба да понудиме работа. Тие се вработени луѓе“
