„Имаше список со луѓе за убивање“: Нови детали за убиецот од Дрниш

Во хрватскиот град Дрниш владеат шок, неверување и гнев по убиството на 19-годишен матурант, кој бил застрелан додека доставувал пица.

Според хрватските медиуми, за убиството е осомничен 50-годишниот Кристијан Алексиќ, кој по злосторството избегал, а по него и натаму трае голема полициска потрага.

— реклама —

Трагедијата се случила доцна синоќа, кога младиот доставувач пристигнал на адресата на Алексиќ заедно со колега. Осомничениот наводно ги повикал да се качат на терасата од куќата, по што пукал во 19-годишникот и го погодил во градите.

— реклама —

По нападот, Алексиќ избегал, а неговиот колега повикал полиција.

Жителите на Дрниш го обвинуваат системот дека дозволил опасен човек да се движи слободно низ градот и покрај претходните инциденти и закани.

— реклама —

Според сведоштва на мештаните, Алексиќ со години ширел страв, а во 2023 година против него била поднесена пријава за нелегално поседување оружје. Тогаш кај него биле пронајдени импровизирано огнено оружје и муниција.

— реклама —

Осомничениот и претходно бил осуден за убиство. Во 1994 година, како 18-годишник, убил 22-годишна девојка, по што бил осуден на затвор и задолжително психијатриско лекување.

Во потрагата по него се вклучени специјална полиција, хеликоптер, дронови и кучиња трагачи, а полицијата ги предупреди граѓаните да не му се приближуваат бидејќи се смета за вооружен и опасен.