Лидерот на ДУИ, Али Ахмети, на изборното Собрание кое се одржа во Чаир, говореше на многу теми, а меѓу нив и за бомбите на Ел Чека, кои според него се „празни нешта”.
– Тоа што објавува Ел Чека се само мали меурчиња, не занимавајте се со него, рече лидерот на ДУИ, Али Ахмети.
Од вкупно 63 делегати, присутни беа 61, кои едногласно гласаа за Меџити. Изборното собрание исто така избра 21 член на раководството на огранокот.
За потсетување, Ел Чека кој објавува бомби, доби обвинение од ОЈО за Неовластено прислушкување и тонско снимање по член 151 став 2 во врска со став 1 од Кривичниот законик.
Јавното обвинителство укажува дека секое објавување на неовластено прислушкувани разговори е кривично дело согласно член 151 став 2 од Кривичниот законик, во кој е пропишана казна затвор од 1 до 5 години за секој што „ќе му овозможи на неповикано лице да се запознае со разговор или изјава која е прислушкувана или тонски снимана“.