Папата Франциск денеска изрази загриженос поради пожарите што ја пустошат Амазонија , нарекувајќи ја ,,бели дробови од клучна важност за животот на нашата планета”.
„Загрижени сме за големите пожари што се раширија низ Амазон. Овие шумски бели дробови се клучни за животот на нашата планета“, речеПапата пред толпата верници собрани на плоштадот Свети Петар.
Осумдесет и двегодишниот папа, кој е роден во Аргентина во Јужна Америка и е домаќин на големата меѓународна конференција за Амазон наесен, ги повика 1,3 милијарди католици низ целиот свет да „се помолат за сите пожари да бидат изгаснaти што поскоро“.
Инаку сателитски снимки од вселената на НАСА се крајно вознемирувачки. Тие укажуваат на огромниот размер на пожари што во изминатиов период ја зафатија Амазонија.
Огнот и чадот од Амазон јасно се видливи од вселената, а фотографиите на НАСА покажуваат дека ситуацијата во неколку бразилски држави е застрашувачка.
https://twitter.com/NASAEarth/status/1165038267865190401?ref_src=twsrc%5Etfw%7Ctwcamp%5Etweetembed%7Ctwterm%5E1165038267865190401&ref_url=https%3A%2F%2Fwww.mkd.mk%2Fsvet%2Fvesti%2Fvoznemiruvachki-satelitski-snimki-ognot-i-chadot-se-gledaat-od-vselenata-foto