Градоначалникот на Општина Центар, Горан Герасимовски, изврши увид во активностите за уредување на просторот во Градски Ѕид, зад објектот „Краш“, на потегот од Зелено пазарче до улицата „Македонија“.
Во моментов се изведува битуменска хидроизолација на подземните гаражи на површина од околу 2.600 квадратни метри, со што ќе се надмине долгогодишниот проблем со протекување.
Паралелно се врши и целосно поплочување на просторот со нови елементи, со што се обезбедуваат уредени и безбедни пешачки патеки за граѓаните. Се отстрануваат оштетените плочи, а просторот добива нов урбан лик.
Отстрането е старото и дотраено детско игралиште, а на истата локација се поставува ново и проширено место за детска игра, со современи реквизити и безбедна подлога.
Веднаш до игралиштето ќе биде уредена и современа фитнес зона, опремена со справи за вежбање и рекреација, наменета за сите категории граѓани.
Проектот опфаќа и хортикултурно уредување, поставување нов систем за полевање и нова урбана опрема, со што просторот ќе добие функција на современ парк во центарот на градот.
„На барање на жителите, го уредуваме овој потег за да биде попријатен, побезбеден и пофункционален за секојдневно користење“, порача градоначалникот Герасимовски.
Градски Ѕид добива уреден рекреативен парк со детско игралиште, фитнес зона и ново зеленило
Автор:
Скопје1.мк
објавено пред 1 седмица -
Скопје
Поврзани содржини
Нови игралишта во Центар: модерна опрема и засилени патроли против вандализам
Скопје | пред 1 седмица
Герасимовски: „Центарски улици 4“ со буџет од 1 милион денари. четирикратно зголемени вложувањата во културата во Општина Центар
Скопје | пред 1 седмица
Отстранети диви тезги на влезот во Старата скопска чаршија
Скопје | пред 1 седмица
Герасимовски: Подготвени сме сами да ги решаваме проблемите, ако Градот не најде решение
Скопје | пред 1 седмица