„Куќата се тресеше, морав да скокнам од прозорец“: очевидци раскажуваат на експлозијата на северот на Косово

Откако од силна експлозија пукна каналот Ибар-Лепенац, прва на удар е куќата на М.Л која се наоѓа под каналот и главниот пат.

— реклама —

Синоќа околу 19 часот се исплашила од силен тресок, по што водата почнала неконтролирано да тече и се излеала во нејзиниот двор.

— реклама —

Во изјавата за Нова.рс таа наведува дека морала да скокне од прозорец не знаејќи што се случува.

— реклама —

„Се слушна силен удар од правец на каналот. Водата ни го уништи првиот кат. Куќата се тресеше. Ни пукна темелот, ни умреа животните“, вели Л.М.

Водата уништила и помошни објекти.

Куќата на ова семејство била загрозена за време на поплавите во јануари 2023 година. А потоа претрпеле материјална штета на објектот.

Во текот на ноќта делумно е саниран каналот Ибар-Лепенац, а водата се уште излегува, но значително помалку од синоќа.

За потсетување, силна експлозија одекна во петокот вечерта околу 19 часот во селото Вараге кај Зубина Поток. Водоснабдувањето било прекинато, а исклучена е и струјата. Од хидропретпријатието „Ибар-Лепенац“ во Приштина објаснија дека е оштетен главниот канал што ги снабдува со вода водоводните претпријатија и Електростопанството.