Премиерот Христијан Мицкоски се осврна на колективниот договор во културата и протестите на културните работници, посочувајќи дека договорот бил усвоен без позитивно мислење од Министерството за финансии.
Тој нагласил дека за еден колективен договор да биде применлив, неопходно е претходно да постои согласност од Министерството за финансии, што, според него, во овој случај недостасувало.
Во своето образложение, премиерот навел дека колективниот договор бил донесен на владина седница на 31 декември, но без такво позитивно мислење, што претставува институционален пропуст.
Тој оценил дека дел од културните работници се манипулирани од мала група на поистакнати учесници во протестите.
Исто така посочил дека во последните години буџетот за култура континуирано се зголемува, особено во делот за плати, при што укажал и на постоење разлики во висината на платите меѓу вработени во културните институции и Министерството за култура.
