Министерството за здравство информира дека прави максимални напори за обезбедување на потребната терапија за пациентите со ретки болести и дека тие непречено и во континуитет ја примаат терапијата, се наведува во соопштението.
Оттаму посочуваат дека обезбедувањето терапија продолжува за сите пациенти, вклучително и за лицата со ретки болести, при што е опфатен и лекот „сиролимус“ за туберозна склероза, стои во соопштението.
Во соопштението се наведува дека со новиот Закон за лекови се предвидуваат побрзи постапки за одобрување и регистрација, преку модернизација на системот и скратување на времето за достапност на лековите.
Дополнително, се предвидува воспоставување систем за следење на снабдувањето со цел спречување евентуален недостиг, информираат од Министерството во соопштението.
Од Министерството посочуваат дека во 2026 година е воведен тригодишен модел на јавна набавка како стратешка промена, а техничката спецификација е проширена со 12 нови лекови, се додава во соопштението.
Со новата јавна набавка, како што се наведува, државата презема обврска за обезбедување вкупно 72 лекови, што претставува зголемување во однос на претходните години и овозможува поголем број пациенти да добијат бесплатна и современа терапија, стои во соопштението.
