АКТЕРКА

(Видео) Актерката Кејт Бланшет снимена како покажува среден прст на црвениот тепих

Актерката Кејт Бланшет се најде во центарот на вниманието откако на церемонијата на доделувањето на наградите Оливиер во Лондон беше снимена како покажува среден прст кон непознато лице во публиката.Настанот се одржа во неделата, а видеото од инцидентот брзо се прошири на социјалните мрежи и стана вирално. На снимката се гледа како 56-годишната оскаровка прво се врти кон одредена насока и изговара „Престани“, по што накратко го подигнува средниот прст, а веднаш потоа го спушта.Засега не е познато што точно ја предизвикало реакцијата, ниту кон кого бил упатен гестот. Дел од корисниците на социјалните мрежи претпоставуваат дека се работи за фотограф или новинар, но за тоа нема официјална потврда.Други, пак, сметаат дека станува збор за шега, бидејќи актерката делувала опуштено и насмеано во моментот на инцидентот.Снимката предизвика бројни реакции на интернет, при што дел од коментарите ја бранат актерката и ја опишуваат ситуацијата како забавна, додека други го критикуваат однесувањето, истакнувајќи дека станува збор за недоличен гест на јавен настан.

Свет | пред 1 седмица

Почина Кетрин O'Хара, мајката на Кевин од филмот „Сам дома“

Легендарната актерка Кетрин О’Хара почина на 72-годишна возраст, потврдија извори блиски до нејзиното семејство. Веста за нејзината смрт брзо одекна во светската јавност, додека причината сè уште не е официјално соопштена.О’Хара зад себе остави богата и повеќедецениска кариера во филмот и телевизијата. Најпозната е по улогата на мајката на Кевин Мекалистер во првите два дела од култниот филм „Сам дома“, а нова генерација гледачи ја засака преку улогата на ексцентричната Моира Роуз во серијата „Шитс Крик“, во која настапуваше во сите сезони.Во текот на кариерата оствари значајни улоги и во бројни филмски проекти, меѓу кои сатиричните остварувања „Најдобар на изложбата“ и „Моќен ветер“, како и во филмовите од франшизата „Битлџус“, вклучувајќи го оригиналниот филм и неговото продолжение.Нејзиното последно телевизиско појавување беше во серијата „Студио“, прикажувана на платформата Apple TV+, каде што глумеше заедно со Сет Роген, а за улогата беше номинирана за престижната награда Еми.Кетрин О’Хара освои повеќе значајни признанија во текот на кариерата, меѓу кои и Еми награда за улогата во „Шитс Крик“ во 2020 година, додека своето прво Еми признание го доби уште во раните осумдесетти години за сценарио во комичната емисија „Си-Ти-Ви“.Родена е во Торонто и израснала во големо семејство како шесто од седум деца. Со својот животен партнер, сценографот Бо Велч, се запознала кон крајот на осумдесеттите години за време на работата на филмот „Битлџус“. Во брак беа од 1992 година и имаат два сина.О’Хара последен пат беше видена во јавноста на почетокот на 2024 година, кога кратко зборуваше за улогата по која би сакала да остане запаметена, не насетувајќи дека тоа ќе биде едно од нејзините последни појавувања пред камерите.

Свет | пред 2 месеци