БРИФИНГ

Сиљановска помилува и осомничен за пукањето во Чаир од пред една недела

Претседателката Гордана Сиљановска-Давкова помилувала осуденик кој пред девет дена учествуваше во пукање во Чаир, дознава „Скопје1“. Според нашите информации, Акиф Равманоски од Арачиново на кого со потпис на Сиљановска-Давкова му се укина затворот и му се одреди условна осуда, бил дел од групата која пукала.Ако се гледа хронолошки, пукањето во Чаир се случи на 15 октомври, а Сиљановска го потпишала помилувањето на 21 октомври. Тоа значи дека претседателката го ослободила Равмановски седум дена по вооружениот инцидент.Рамадановски учествуваше во пукањето, додека се уште издржуваше затворска казна во „Идризово“ (за која е помилуван). Во моментот на пукањето, тој бил излезен од затворот бидејќи користел погодност - работен ангажман. Но наместо на работа, полицијата го лоцирала на местото каде се пукало. Равмановски по пукањето се врати во „Идризово“, од каде со полиција беше однесен во станица.Како што и претходно објавивме, меѓу останатите помилувани се Владимир Талески, ексградоначалник на Битола, кому Сиљановска му скрати една година од затворот, а е осуден во предметот „Транспортер“. Делумно помилување доби и Марјан Ефремов, на кого му се скратени три месеци, а првообвинет во предметот „Шпион“.Акиф Равмановски, јавноста го опишува како член на наркокланот „Барон“, а Шенол Маслани кој исто така е помилуван е брат на познатиот Шенки, кој во јавноста стана познат по опседнатоста со модниот бренд „Версаче“.Во согласност со Законот за помилување, постапката за евентуално помилување на осудени лица од страна на претседателот започнува со поднесување молба за помилување до судот којшто ја донел првостепената судска одлука.Молбата, заедно со потребната документација, судот ја доставува до Министерството за правда.Според законски утврдената постапка, министерот за правда ги разгледува молбата и останатите документи, и дава свој предлог којшто го доставува до претседателот на Република Македонија.Комисијата за помилување на претседателот на Република Македонија, како постојано работно тело во служба на претседателот, на редовни седници поединечно ја разгледува секоја пристигната молба за помилување заедно со предлогот на министерот за правда.Комисијата, со мнозинство гласови од присутните членови, утврдува мислење односно предлог којшто го доставува до претседателот на Република Македонија.Врз основа на мислењето на Комисијата, како и врз основа на предлогот на министерот за правда, претседателот на Република Северна Македонија донесува конечна одлука.Одлуките на претседателот се јавни и се објавуваат во „Службен весник на Република Македонија“.

Македонија | пред 1 година

Талкајќи по одговор за починатиот син, Лешко добија нови удари: Ни викаа да се јавиме за два-три дена, па потоа „ако досаѓаме имаат право на кривична“

Родителите на Љупчо Лешко, кој почина на приватна забава, а за кого три месеци нема обдукциски наод и причина за смртта, го демантираат директорот проф. д-р Александар Станков кој кажа дека биле на разговор во Судска медицина. Тие за „Скопје1“ тврдат дека била повикана само нивната ќерка, но не за причината за смртта. Раше Лешко, татко на починатиот Љупчо, посочува дека заканите за кривична пријава дошле откако самите вработени им укажувале да се јават за некој ден, за да добијат информации.„Како одговор на изјавата на директорот на судска медицина сакам да ви потврдам дека ние како родители никогаш не сме биле физички во судска медицина, туку од страна на доктор беше повикана нашата ќерка на информативен разговор само околу срцето на нашиот син, но не и за информации за причината за смртта, што беше изречито кажано од истата докторка. Понатаму, ако зборовите "Дека ако повторно пратиме блиско лице, или досаѓаме по телефон, дека како службено лице вработено во таа институција има право да поднесе кривична пријава за вршење притисок и мешање во истрагата не е закана, тогаш не знам што е, ама укажување секако не е. Ако прашањата дали има резултати се мешање во истрагата или вршење притисок, во ред, ќе прифатиме. Сепак мислиме дека не се. И ако е така тогаш би го замолил директорот да им укаже на неговите вработени, кога ќе се јавиме да не ни викаат јавете се за два дена, три дена, другата недела и.т.н. Нашата ќерка беше таму и имаше краток разговор за кој она ќе ви пише и ќе ви каже каков одговор добила“, вели Раде Лешко, татко на починатиот Љупчо.Стефанија Лешко, сестра на починатиот Љупчо, која била во Судска медицина, раскажа за ситуацијата.Јас сум Стефанија Лешко,сестрата на покојниот Љупчо Лешко.Пред се' од срце се заблагодарувам за Вашата ангажираност околу случајот со мојот за жал,прерано починат брат.На ден 27.09.2024 отидов во судска медицина и на приемен шалтер ја побарав докторката. Потоа, излезе доктор кој рече дека докторката не е тука и дека може да му се обратам нему со прашање бидејќи и тој е дел од обдукцијата на мојот брат. На почетокот немав баш прием како за лице кое дошло на Судска медицина да праша за свој член бидејки имав нервозен испад од докторот (причина: сум ја побарала докторката? најверојатно) иако јас не ни знаев дека освен докторката има и друг(и) кои работат на случајот. Бев прашана: која сте Вие за да ви дадам информации, а по моето претставување се беше поинаку. Прашав кога ќе биде извештајот и кога докторката ке биде на работа по што добив одговор "па би требало при средината на следната недела,евентуално вторник или среда јави се". Тоа беше моето единствено физичко присуство на Судска медицина, бидејќи сум дополнително ангажирана и со факултетски обврски кои бараат временски и психички влог од мене“.Таа додава: „Замолувам да не ни се става сол на раната,единствено по кое што трагаме е вистината за нашиот најсакан. Притисок не може да биде прашање за "кога би било готово,па нели е предолго да чекаме" или одредени прашања поврзани со искази на наши сведоци. Одговорно тврдам дека во ниеден случај не сме наметнувале што да се пише, не сме се заканувале и не сме биле некултурни кон вработените во Институтот за судска медицина. Во последниот наш телефонски разговор со докторката реков "би сакала да се видиме,да се запознаам со Вас и да разговараме околу можното генетското преоптоварување со хипертрофична кардиомиопатија, а извештајот кога биде-нека биде".Родителите во поткастот „Претрес со Ландов“ раскажаа како нивниот син бил заведен дека починал од струен удар во приватна вила каде бил ангажиран на забава како диџеј, за потоа, како што велат, да им кажат дека можеби и не е струен удар. Талкаат по одговори и посочуваат дека не бараат вина, но доколку некој има - треба да одговара пред законот. Директорот на Судска медицина, Станков, за „Скопје1“ посочи дека родителите неколкупати се јавувале, а дека лицата само им укажале, а не дека се заканиле, дека вршење притисок е кривична одговорност.

Македонија | пред 1 година

„Нема закана, туку укажување“ - судска медицина под притисок од прашања, Лешко три месеци ја чека обдукцијата за починатиот син

Потрагата по одговори на семејството Лешко за нивниот починат син, за кој трет месец немаат обдукциски наод, за Судска медицина е притисок. Ова е објаснувањето на директорот, проф. д-р Александар Станков за „Скопје1“, кога го прашавме зошто се упатени закани кон мајката Кате Лешко, која се јавила да бара одговори – дали од струен удар, природна смрт или трета причина, таа го закопа нејзиниот 19-годишен Љупчо. Станков децидно негира дека станува збор за закани, туку укажување.„Родителите и блиски роднини на покојниот во повеќе наврати се примени на разговор во Институтот за судска медицина, со нив е дополнително разговарано и им е дадено објаснување. Закани за кривична пријава кон нив немало од ниту еден вработен во Институтот, туку им е укажано дека вршењето на притисок врз службено лице може да резултира со кривична пријава. Работата на нашиот Институт не е брзо завршување на обдукционите наоди, туку  нивно прецизно, точно и со докази и анализи поткрепено изготвување“, вели директорот Станков за „Скопје1“.Побаравме одговор, зошто три месеци по аутопсијата, се уште немаат изготвено наод од што почина диџеј Љупчо, на приватна забава во Скопје, каде бил најмен да пушта музика.„Се работи за многу комплексен случај за кој е потребно подолго време за анализи, се со цел да се обезбедат квалитетни и прецизни докази според кој ќе се донесе заклучок за причината за смртта. Се работи за случај кој е во фаза на истрага која според Законот за кривична постапка е тајна“, додава директорот Станков за „Скопје1“.Го прашавме и колку обдукциски наоди се несработени, иако аутопсиите се завршени, на што не добивме конкретен одговор.„Тоа е мојот одговор на сите ваши прашања. Друго немам што да додадам“, посочува Станков.Наместо одговор од што починал нивниот син, родителите на починатиот Љупчо добиле закани од Судска медицина. Ова го просведочи мајката Кети Лешко во „Претрес“.Три месеци поминаа од трагедијата кога на приватна забава во Радишани, Љупчо почина од засега недокажан струен удар.Мајката во поткастот „Претрес со Ландов“ кажа дека нема да престане да трага по одговори и детали за смртта на нејзиниот син. Посочи дека никакви, како што кажа, закани, нема да ја заплашат или поколебаат. Споменувањето на кривична одговорност од страна на вработена во Судска медицина за неа е закана, а не „укажување“ како што велат оттаму.Родителите сведочат како работат институциите:?t=4878

Македонија | пред 1 година

Пропаѓа ли Conti: Шема за лесни пари која може да однесе и илјадници евра на вложувачи од Македонија

Пропаѓа ли пирамидалната шема Conti? Ова е главното прашање кое се дискутира во Македонија изминативе денови, а откако се појави наводен разговор на апликацијата „Телеграм“, направен во група со 14.000 членови во кој се пишува дека платформата нема да постои. Голем број Македонци учествуваа во инвестирање во Conti, чија цел беше брза заработка.Conti претставува платформа(апликација) која на корисниците им нуди заработка преку гледање видеа. Апликацијата функционира околу една година. Но за да започнете да заработувате, прво мора да вложите. Во Македонија, луѓе вложуваа од 100 до 3.000 долари. Се заработуваат високи суми, но од вчера многу македонски граѓани се жалат дека се излажани и дека ги изгубиле парите.Од пред неколку дена, групата на „Телеграм“ која има околу 14.000 македонски членови, почнува да згаснува, а корисниците повеќе немаат приливи на Бајненс платформата за тргување со криптовалути.За оваа шема, одамна се шпекулираше дека е нов начин на измама на корисниците на интернет, кои сакаат брза заработка на пари.На интернет, ваквите шеми се познати како „pig butchering“. Тоа значи дека измамниците користат скрипти за да ги „здебелат“ нивните жртви, добивајќи ја нивната доверба во период од денови, недели, а понекогаш и месеци, пред да ги „заколат“, односно да ги земат нивните пари.

Македонија | пред 1 година

Таравари сега не знае ништо за ослободувањето на Блерим Рамадани, иако претходно го поздрави ослободувањето пред да се донесе судска одлука

Министерот за здравство, Арбен Таравари, кој го поздрави ослободувањето на поранешниот војник на ОВК, Блерим Рамадани, уште пред да биде донесена судската одлука, сега посочува дека нема информации за конкретниот случај. Прашан дали судијата на претходна постапка, Пајазит Пајазити треба да биде разрешен, тој даде само општ коментар.„За секого кој што не постапувал како што треба, треба да има одговорност. За конкретниот случај, немам информација. Кога ќе имам, ќе имаме став како коалиција ВЛЕН“, рече Таравари.Судијата Пајазит Пајазити го ставил, па го пуштил поранешниот припадник на ОВК, Блерим Рамадани од ефективен притвор, иако околностите под кои е одреден притворот биле непроменети, дознава „Скопје1“. На МВР им била дадена насока да вршат контроли, кои биле правени секојдневно. Обвинителството за гонење организиран криминал (ОЈО-ГОКК) не се согласило и поднело жалба. Денот кога Кривичен совет одлучува по жалбата – Рамадани бега. Вака изгледал текот на настаните кога во прашање е Рамадани, за кого Србија има потерница и го бара за извршени воени злосторства.„Скопје1“ дојде до информации како постапувале судијата Пајазит Пајазити, Кривичниот совет кој одлучува по жалби, Обвинителството кое бараше притвор и се жалеше за куќниот притвор, Министерството за внатрешни работи задолжено да прави контроли на адресата каде Рамадани беше во куќен притвор. Заклучокот е дека МВР не може да го пушти Рамадани да избега, туку судот со неодредување на најстрогата мерка.

Македонија | пред 1 година

Туфегџиќ го повика Коцевски: Ги знаете, само одважете се, одземете им ги телефоните и ќе ги најдете „проектите“ на расцутеното судство

Адвокатот Владимир Туфегџиќ, кој е поранешен кривичен судија, го повика државниот јавен обвинител Љупчо Коцевски да собере храброст и да ги прибере доказите во четирите апелациони подрачја за криминалите во правосудството, па посочува: „убеден сум и знам дека и тој ги знае“.„После ваков блам со врховниот судија, државниот Јавен обвинител има животна шанса да ги стави работите во ред. Не треба многу, треба уште денеска да свика итен колегиум и да даде зелено светло веднаш и без одлагање да се издадат наредби за постапување и одземање на мобилни телефони спрема 10-тина примероци како врховниот судија во четирите апелациони подрачја.Убеден сум и знам дека и тој ги знае, само треба да се одважи и да ги прибере доказите за кои му треба само еден мал чекор, бидејќи тие луѓе во последните години не е тајна дека не се ни криеа, а во нивните телефони ќе ги најде сите договорени и реализирани проекти на проектантите на расцутеното судство како и проектите што се во тек“, вели Туфегџиќ.Ова пак, предизвика коментари во правосудните кругови, но и загрижност. Според информации на „Скопје1“, стравот е дека евентуален ваков чекор на Коцевски ќе предизвика хаварија во правосудството и дека треба особена внимателност. Од друга страна, граѓаните бараат расчистување на корупцијата во судството и обвинителствата.

Коментари | пред 1 година

Се трага по маж од Лозово: најдена му е торбата со храна и вода, но не и тој

Жител нa Општина Лозово, се води за исчезнат повеќе од 24 часа. Градоначалникот Бошко Цветковски, вчера објавил дека на човекот му се губи секаков траг.„Повеќе од 24 часа е исчезнат наш сограѓанин, на кој во 20:30 часот, сношти му се губи секаков траг.. Имено станува збор за Исмаил Муратов кој последен пат е виден во близина на базентот кој служи за водоснабдителниот систем за питка вода во населено место Дорфулија.. Денес во организираните потраги темелно беше пребаран теренот кој се наоѓа во близина каде беше пронајдена торба со храна и вода за која се претпоставува дека е негова, но за жал не успеавме да го пронајдеме.. Затоа ќе ги замолам сите полнолетни граѓани кои сакаат да учествуваат во потрага на овој наш сограѓанин, УТРЕ (денес), ВО 07:00 ЧАСОТ ДА БИДАТ ВО ЦЕНТАРОТ НА С. Дорфулија и со себе да си земат вода и чизми бидејки ќе се оди до тешко пристапен терен Се гледаме утре!!!“, вели Цветковски.

Македонија | пред 1 година

Две од девојките се во тешка состојба, убиецот на Мартина заврши каде што припаѓа, објави вереникот на загинатото девојче во Грција

Ристе Илијовски, вереник на Мартина Наумовска која загина во тешката несреќа во Грција, се прости од својата сакана. Тој објави дека и нејзините две другарки се во тешка состојба, како и дека лицето кое ја предизвикало сообраќајката е онаму каде што припаѓа.„Со тешко срце и сили сакам да ги известам сите роднини, пријатели, душегрижници, зависници и душмани дека на вчерашен ден во тешка сообраќајна несреќа од страна на грчки душмани животот го одзеде на нашата најчиста душа, мојата вереница, мојата душа и човек со најголеми човечки особини кој денешно време никој ги нема, Мартина. Нема зборови со кои можам да ви опишам која карпа од човек е ова чупе, чекаме да се разбудиме од овој сон, не остави сите кога најмалку требаше, Господ ни го зеде ангелот кој со пари не се купуваше а повеќе не припаѓа на овој свет“, пишува Илијовски.Во името на фамилијата на загинатата Мартина и неговата, се прости од девојката.„Им посакувам опоравување на другите 3 девојки од кои две се во тешка состајба а за оној кој несовесно ја постигна оваа трагедија и то уби нашето чупе заврши онаму каде што припаѓа. Мартина, ти си нешто што со зборови не се опишува, нема збор во нашиот речник со кој можам да те опишам, храбра а толку мека, не бараше ништо освен љубов и внимание, најубава мистерија која некогаш постоела на овој свет, sвезда која ќе сјае на небото, ангел кој ќе сјае во рајот!Почивај во мир душо моја најсакана!“, додаде Илијовски.

Коментари | пред 1 година

Страотни сведоштва за жената која ги уби сопругот и свекорот: Од здрава и убава жена, претворена во парче месо од 40кг, борбата сега е за децата!

Фросина Горгиоска, повикувајќи се на информации од семејството на жената која до смрт ги избоден сопругот и свекорот, посочува дека тоа го направила во самоодбрана оти била постојано тепана, а во моментот на крвавиот чин, и нападната. Жената сега се наоѓа во притвор во Куманово, а адвокатот Јанаки Митровски се понуди и да ја застапува во правната постапка.„Официјално дознаваме дека Вале која е во притвор во Куманово заради двојното убиство на насилниците (сопругот и свекорот) кои 13 години секојдневно ја тепале, има родители и брат кои не се баш во некоја завидна финансиска ситуација и моментално се во преголем шок. Адвокат и е доделен по службена должност, бидејќи сопствен не можат да платат. Но борбата е и за децата. Тие се кај сестрата на сопругот тепач и психопат. Но, исто така и неговата сестра, каде што се децата учествувала во малтретирањето на Вале. Борбата е сега и за децата. Да се вратат на семејството на Вале, додека трае постапката за неа. Да не останат во фамилија на болни луѓе. Да може колку толку да имаат нормален живот, внимание и љубов од луѓе кои вистински ги сакаат“, пишува Горгиоска.Таа и претходно објави долго сведоштво.„Жената која ги убила сопругот и свекорот е од Скопје, мажена во Кратово 13 години, за алкохоличар со традиција. Тоа значи дека и неговиот татко, свекорот, бил алкохоличар, додека свекрвата исто така била на нивна страна, па понекогаш и таа удирала по неа со бастунот, ако дадела отпор на ќотекот. Жената, според изворот, е грижлива мајка, со превоспитани, уредни и средени деца кои се капацитет. Жената, која според изворот била тепана секој божји ден и која во сред лето одела со дуксер за да не и се гледаат модриците и така со години, од убава и здрава жена е претворена во парче месо од 40 кг. Бидејќи институциите не реагирале соодветно, секој пат кога сакала да замине, насилникот не и ги давал децата, а мајка, грижлива и полна со љубов, за децата да се со неа, избрала ќотек секој ден“, додава Горгиоска.Се огласи и адвокатот Митровски.„Жената во Кратово не уби, се бранеше. Ако некој го знае семејството нека ме контактираат“, напиша Митровски.Основното јавно обвинителство Куманово отвори истрага против 36 – годишна жителка на Кратово за двојното убиство, за кое вчера полицијата соопшти дека жена си го убила сопругот, а потоа и свекорот.Во деталите за инцидентот кој денеска ги соопшти Обвинителството, се вели дека на убиствата им претходело насилство.Според Обвинителството, по претходна вербална расправија, сопругот физички ја нападнал осомничената, удирајќи ја со тупаници по главата и телото, а потоа со рацете ја фатил за вратот и почнал да ја дави.Таа успеала да се тргне и од кујната зела кујнски нож со кој најпрвин го прободела сопругот, а потоа и неговиот татко.„Од повредите тие починале на лице место. По предлог на јавниот обвинител, судијата на претходна постапка и определи 30-дневен притвор на осомничената“,соопшти Обвинителството.

Македонија | пред 1 година

Најнова вест: Вооружен грабеж на банка во Аеродром

Банка е ограбена во трговскиот центар „Скопјанка“, дознава „Скопје1“.Според очевидци, вооружениот грабеж се случил во филијалата каде влегло лице со кацига, а потоа избегало со ранец/торба во непознат правец. Неофицијално,Активиран бил системот за повикување на обезбедување, по што имало обид тие да бидат веднаш фатени и совладани.„Скопје1“ побара детали од МВР, од каде очекуваме одговор.Повеќе информации наскоро.

Македонија | пред 1 година

Обвинителот Мемети од ДУИ е осомничен за поткуп, институциите вредат колку луѓето во нив, вели Најчевска

Професорката по право, Мирјана Најчевска, ја искоментира последната предистрага во која врховниот судија Наке Георгиев е осомничен за примање награда за противзаконито влијание и земање на 10.000 евра со кои според МВР бил затекнат на лице место, а пријава има и за обвинител.„Осомничениот за поткуп јавен обвинител Иџет Мемети од ДУИ, во два мандати беше народен правобранител, беше министер за правда, уставен судија, државен советник во Владата и член на Државната изборна комисија. Институциите вредат колку што вредат луѓето во нив. Вие ги бирате.Не паѓаат од небо. Вие самите сте виновни што вакви луѓе се наоѓаат на раководни позиции“, напиша Најчевска.Повеќе на оваа тема: ОВДЕ

Коментари | пред 1 година

Уапсен врховниот судија Наке Георгиев поради тргување со влијание

Полицијата по наредба на обвинител го уапси врховниот судија Наќе Георгиев. За него, е добиена пријава за трговија со влијание, а се споменуваат и средства од 10.000 евра со кои таа цел требало да се реализира.Неофицијално, истрагата дошла до сомнежи и докази дека Георгиев за 10.000 евра требало да овозможи олесување на постапка за поранешен градоначалник од СДСМ, кој кривично се гони.Кривичното дело за кое е уапсен Георгиев е примање награда за противзаконито влијание. Битието на делтоо ќе биде исполнето кога некој за себе ќе прибави противправна имотна корист, на начин што, со своето претпоставено влијание ќе го натера другиот да стори противправно дејствие во одредена постапка или процес.Сопругата на Георгиев е обвинителка, а неговиот син заврши академија за судии и јавни обивнители, па стана судија во Кривичен суд. Судиската кариера ја почнува во основиот суд во родната Струмица од каде продолжува во штипска апелација како судија, а подоцна и претседател и од 2020 е врховен судија.Георгиев имаше и обид да стане член на Судски совет. Тој беше единствен кандидат од Врховниот суд. На гласањето тој доби повеќе чкртаници и неважечки гласачки ливчиња отколку гласови - но беше избран. Потоа поднесе оставка за да нема судир на интереси и син му да стане судија.

Македонија | пред 1 година

Пазарна ги брани своите инспектори, кои добија кривични дека не запечатиле нелегални менувачници на Бит Пазар

Државниот пазарен инспекторат, ги демантира објавите на Фејсбук страната на техничкиот министер на МВР Панче Тошковски и Фејсбук страната на Министерството за внатрешни работи, каде се наведува дека инспектори од Државниот пазарен инспекторат ја злоупотребиле својата службена положба и не постапиле во согласност со Закон за забрана и спречување на вршење на нерегистрирана дејност.„Во период од 03- 06 месец 2023 година, од страна на МВР - СВР – Скопје од началникот на Единица за економски и компјутерски криминал, во повеќе наврати беше побарано од Државниот пазарен инспекторат спроведување на координирани акции. Имајќи предвид дека во ваков случај, координатор на акциите е МВР – СВР Скопје, Единица за компјутерски и економски криминал, пазарните инспектори не знаат во кои субјекти ќе вршат надзор се до време на започнување на надзорот кај субјектите. По насоки и во присуство на полициски службеници од Единицата за економски и компјутерски криминал, постапи пазарниот инспекторат во менувачници кои беа одредени од страна на Единицата за економски и компјутерски криминал. При надзорите е констатирано дека дел од субјектите се регистрирани во согласност со Законот за трговски друштва, а дел од нив биле нерегистрирани за што пазарните инспектори изрекле глоби во согласност со важечкиот Закон за забрана и спречување на вршење на нерегистрирана дејност и го известиле Државниот девизен инспекторат за понатамошно постапување како надлежен врз работењето на менувачниците.Од страна на инспекторите од Државниот пазарен инспекторат е постапено во согласност со своите законски овластувања, непречекорувајќи ги своите надлежности, со што не извршиле злоупотреба на својата службена положба и овластување.Изрично укажуваме дека пазарниот инспекторат нема надлежност да одзема парични средства кои се предмет на работење, ниту пак да проверува дали субјектот има лиценца од НБРСМ. Надлежностите за вршење надзор кај резидентити кои вршат менувачко работење има Државниот девизен инспекторат во согласност со Законот за девизна инспекција и Законот за девизно работење, каде е наведено дека девизниот инспекторат има надлежност кај резиденти кои вршат менувачко работење без лиценца од НБРСМ, да врши надзор, да одзема предмети и парични средства, според член 43, 46 и 51 од Законот за девизно работење.Државниот пазарен инспекторат ги повикува сите надлежни институции вклучувајќи го и обвинителството да постапат согласно нивните надлежности и да го решат овој случај до крај“, велат од Пазарната инспекција.

Македонија | пред 2 години

Се реши ли проблемот со 33.000 неиздадени лични карти и 55.000 пасоши

Со нова реорганизација во управните служби го решаваме проблемот со неодобрените 33000 лични карти и 55000 пасоши, посочува дополнителникот заменик министер Митко Бојамацалиев. Тој додава:Токму тоа што го зборев од првиот ден, дека треба добра организација, а не само форсирање на сликање, туку силите рамноправно да ги распоредиме во управните служби, се’ со цел процесот да тече нормално, тоа не беше испочитувано од самиот почеток.Реагирав за таа работа, побарав написмено да имаме состанок. Во текот на вчерашниот ден имавме координација помеѓу кабинетите и управните служби и изнајдовме решение со што колегите ќе ги реорганизираме во работата, ќе работат сабота втора смена и недела прва и втора смена. По потреба ќе носиме колеги во близина на Скопје, од градовите како Куманово, Тетово, Велес, со организиран превоз, со дневни наредби, луѓе кои се искусни во одобрување, се’ со цел да го забрзаме процесот во Град Скопје за одобрување, каде веќе 33.000 лични карти и 55.000 пасоши чекаат на одобрување.Воедно, донесовме заклучок дека ќе обучиме 10 нови колеги кои ќе фотографираат на пунктовите, а од пунктовите ќе повлечеме 10 колеги кои имаат искуство во одобрување, со цел да ја надминеме оваа криза, ќе кажам, во одобрувањето на личните документи. Фокус ќе дадеме на личните карти, бидејќи тие се потребни за денот на гласање, но исто така со несмален интензитет ќе ги одобруваме и патните исправи.

Македонија | пред 2 години

Во онлајн-системот на т.н. црна листа на САД го нема Рамиз Мерко при пребарување

Во онлајн-системот на САД, за непожелни лица кои имаат забранет пристап и санкции од Стејт департментот, не може да се најде струшкиот градоначалник, Рамиз Мерко. Тој заврши на т.н. црна листа, уште во јуни минатата година. Се обидовме, но неговото име не го прикажува на листата. Тој е единствениот од ДУИ, кој се најде на оваа листа.„Вашето пребарување не врати никакви резултати“, е пораката која ја покажува системот за санкции.За разлика од името на Мерко кое не го прикажува во системот, достапни се имињата на Никола Груевски, Сашо Мијалков, Орце Камчев, Мендух Тачи – кои ги прикажува при пребарувањето.За името на Рамиз Мерко, кој во три мандати управува со општина Струга се врзуваат многу афери и обвинувања за корупција. Но ниту една не добила судска завршница. Покренато е и обвинение за набавката на луксузниот марка „Ауди А6“ вреден речиси 67.000 евра. Стејт департментот наведе дека има силни докази дека струшкиот градоначалник бил вмешан во голема корупција, присвојувал пари и се мешал во судски и други јавни процеси, нанесувајќи штета на демократските процеси во земјава.

Македонија | пред 2 години

Катица Јанева и Стевче Јакимовски на црната листа на САД

Денес, Стејт департментот на САД го објавува јавното именување на поранешната специјална главна обвинителка на Македонија, Катица Јанева; актуелен градоначалник на Карпош, Македонија, Стевчо Јакимовски; и поранешниот градоначалник на Качаник, Косово, Џабир Жарку.“Нивните постапки го поткопаа владеењето на правото и вербата на јавноста во демократските институции и јавните процеси на нивните влади.Во нејзиното службено својство на поранешен специјален главен обвинител на Северна Македонија, Јанева беше вмешана во коруптивни дела, вклучително и користење на нејзиното политичко влијание и официјална моќ за лична корист. Постојат веродостојни информации кои Јанева ги побарала и примила поткуп за да влијае на обвинителството под нејзина надлежност.Во неговото службено својство како градоначалник на општина Карпош, Северна Македонија, Јакимовски беше вмешан во коруптивни дела, вклучително и користење на својата службена положба за мешање во урбаниот развој и процесите на набавки за да имаат корист за себе и за неговите соработници”, пишува во соопштението.

Македонија | пред 2 години

Нема фотографија

(Видео) Половина месец не е собрана документацијата за испорака на Шеваљ Муареми и групата од Грчец

Обвинителството скоро половина месец од акцијата која ја спроведе во Грчец, нема комплетирано документација со која ќе бара екстрадиција на Шеваљ Муареми од Дубаи и дел од неговата група која е во бегство. Ова го соопшти министерот за правда, Кренар Лога, кој кажа дека ја чекаат документацијата по која ќе постапуваат. „Се комплетира документација за тие предмети. Штом бидат изготвени од Обвинителството, ќе бидат спремни од наша страна и ќе се бараат и тие лица“, рече Лога.Шеваљ Муареми, за кого веќе е познато дека последната локација од каде објавуваше фотографии е Дубаи, доби меѓународна потерница. Тој е осомничен како предводник на групата која убивала и пренесувала дрога, а беше откриен преку акција потпомогната и од меѓународните истражни институции.Но не е само тој единствен по кој се трага. Листата е со осум лица.

Македонија | пред 2 години

(Видео) Турција дала рок за екстрадиција на Палчо, испораката ќе одела брзо тврди Лога

Министерот за правда, Кренар Лога, кажа дека Турција дала рок во кој ќе го испорача Љупчо Палевски-Палчо, осомничен како организатор и реализатор на убиствата на Вања Ѓорчевска и Панче Жежовски. Тој не сакаше во јавноста да го каже рокот, но посочи, дека очекува тоа да биде за брзо.„При нашата официјална посета во Турција, ни кажаа дека судскиот дел е завршен, останува административниот дел. Според нивните правила, нивното МНР мора да потпише, па министерот за правда. Очекувам за брзо да биде тоа, така кажа и мојот колега од Турција. Ни дадоа некој рок, но не сакам да кажувам такви детали, бидејќи таа работа зависи од нив, а не од нас“, рече Лога. Воедно, додаде дека одржува комуникација со турските власти. Посочи дека и денеска, на настанот „60 години Уставен суд“, се сретнал со тамошни претставници.„Нема друга комуникација, сите постпаки се затворени на време. Неофицијално комуницираме, денес баравме информација кога би била испораката“, додаде Лога.

Македонија | пред 2 години

(Фото) Тошковски беше кај полицаец во Кратово кој остана кров над глава, а тој за гестот напиша: Учете од него!

Техничкиот министер за внатрешни работи, Панче Тошковски, го посети полицаецот Зоран Стојановски во Кратово, кому пред неколку дена до темел му изгоре домот. Тошковски ги повика колегите да помогнат, бидејќи солидарноста е карактеристика на полициските службеници.„Денеска во Кратово го посетив колегата Зоран Стојановски на кого пред неколку дена во пожар целосно му изгоре семејната куќа. Во пожарот тој и неговото семејство го изгубија сето она што целиот свој живот го градел со својата полициска плата, а покрај изгубениот дом нарушена е и нивната животна егзистенција. Го уверив дека во овие моменти не е сам и дека ќе сторам сè што е потребно во рамки на моите можности со цел да се излезе во пресрет на неговите потреби во овие тешки моменти. Солидарноста отсекогаш била карактеристика на полициските службеници и во таа насока испратив телеграма до сите вработени во министерството за внатрешни работи со која ги повикав на доброволна основа да донираат средства кои во овие моменти се неопходни за нашиот колега да го обнови својот дом. Во оваа прилика ги повикувам сите хумани граѓани во рамки на своите можности да помогнат и да донираат средства на следната трансакциска сметка: 300007082346687, Комерцијална банка, Зоран Стојановски“, напиша Тошковски.По посетата, полицаецот Стојановски напиша: „Досегашни, претходни, минати и идни министри, учете од овој голем човек, што значи да бидеш министер за сите вработени, а не по лично профитерство и политиканство“ и се заблагодари за посетата.

Македонија | пред 2 години

Директорот на Агенцијата за одземен имот: Тоа што не постигна да го реализират за две децении ние ја реализиравме за 1 година!

„Со огромна чест и задоволство ја информираме јавноста дека денес во собранието е донесен Законот за управување со конфискуван имот, имотна корист и одземени предмети во кривична и прекршочна постапка“, вели Дритон Небиу од Агенцијата за одземен имот и додава:„Донесувањето на новиот Закон односно, 1/3 измени и дополнување на Законот, е резултат на потребата за унапредување на законските одредби како резултат на утврдените недоследности и проблеми во практиката од страна на вработените во Агенцијата за управување со одземениот имот- мојот тим, кои несебично заедно со мене дадоа свој придонес од првиот ден на моето именување. Голема благодарност до Министерот за правда Кренар Лога кој даде огромна поддршка за Законот, Владата на Република Северна Македонија и до работната група која професионално и детално работеше активно.Со донесување на Законот, сметаме дека ќе биде решен огромен државен децениски проблем произлезен од илјадниците стари возила кои се распространети ширум територијата во нашата земја.Најголемиот дел од направените измени се во насока на подобрување на постојната правна рамка во која има недоволно јасни постапки во однос на извршувањето на решенијата и пресудите за конфискација на имот и имотна корист, промени на не доволно јасните аспекти поврзани со имот кој е конфискуван од правни субјекти, а над кои е отворена стечајна постапка, конфискација на дивоградбите, прашања поврзани со заложно право над конфискуваниот имот, прашања поврзани со проценката, продажбата на имотот, терминолошко унапредување, унапредување на одредбите за социјално повторно користење (social reuse) на привремено одземениот имот, трајно одземениот имот и конфискуваниот имот, воведување Регистар, a воедно предвидено е Агенцијата да задржува 7 (% ) проценти од вредноста на остварениот приход од секоја продажба на одземените предмети и конфискуваниот имот од страна на Агенцијата, со цел за ефикасен менаџмент“.

Македонија | пред 2 години

Охриѓанец сведочи за голгота во СВР Охрид: Се смееја, па ме бркаа како криминалец со потерница од Интерпол

Иљче Затаракоски, охриѓанец и познат критичар на состојбите во Македонија, раскажа за голгота која тврди дека ја поминал во СВР Охрид. Бил да подигне документи од канцелариите, а таму службениците си пиеле кафе. Ги прашал дали одат на работа само за да пијат кафе, па извадил телефон за да ги фотографира, по што, според него, почнала голготата.„Стигвам од Скопје и одам да видам да не случајно работат, да си ги земам документите. Главната врата е отворена и се качувам во канцелариите. Секаде се слушаат луѓе ама сите се заклучени. Отклучена е само канцеларијата за возачки. Отворам и гледам внатре четворица си пијат кафе. Прашувам дали може да се подигнат документите, ми викаат не. Прашувам пак, а сабота само за кафе идате да пиете? И најсилниот внатре со дерење ми одговара ДА БЕ ДА! После одговорот барам да ми се идентификуваат сите. Почнуваат да ми се смеат и јас вадам телефон и ги фоткам. Е тука почвит интересното...излегвет сите по мене да ме бркет ко да се криминалци со потерница од Интерпол, ми блокирет влез пред скали и 10 минути ме држат тука со закани дека ќе ми викнат полиција да ме апсела (да не пишувам за тоа дека службеник не знае разлика меѓу прекршочно и кривично дело), па викаат појачање од пасоши шо уште толку ми се заканвит и ми барат документ за идентификација. Да не правам муабет за тие кокошките службенички шо цело време се силеа "извади му ја значката" Е сега да прашам...од каде право на некој службеник да ми ограничит движење и да ме идентификуват без тој да ми се претставит? Инаку ни на крај не ги дадоа имињата, ама ќе ги најдам...и поздрав до тој најсилниот на крај шо ми рече дека ќе требало да се селам ако сум продолжел вака“, напиша Затаракоски.Во нов статус, објави дека добил и пријава.„На крај јас си добив пријава за омаловажување на службеник, и то со полиција на врата за да дадам изјава. Како е тргнато ќе испаднит дека јас сам сум си го ограничил движењето и не сум се пуштал да си излезам од нивната институција, а тие трпеле и ќутеле. Кај живејме ние ееееј...“, пишува тој.За овој случај, засега нема детали од МВР.

Коментари | пред 2 години

Агелер ги седна на маса сите обвинители од Републичко, сосе шефот

Јавниот обвинител на Република Северна Македонија Љупчо Коцевски денеска оствари средба со Амбасадорката на САД во земјава Анџела Агелер, со која меѓу другото дискутираше за состојбите во Јавното обвинителство, но и за предизвиците со кои се соочува институцијата, најмногу од аспект на материјалните и кадровските ресурси.Коцевски се заблагодари за поддршката која САД ја даваат за обвинителството, особено за воспоставувањето и опремувањето на истражните центри во Основното јавно обвинителство Скопје и Основното јавно обвинителство за гонење на организиран криминал и корупција.Амбасадорот Агелер истакна дека поддршката на САД ќе продолжи на сите нивоа кон сите поединци што работат со интегритет и тие кои се посветени да ги дадат најдобрите услуги на граѓаните, додавајќи дека од воспоставувањето на стратешкото партнерство на САД со нашата земја американската финансиска поддршка за целокупниот систем за владеење на правото изнесува околу половина милијарда долари.Амбасадорката Агелер оствари средба и со сите обвинители во републичкото обвинителство и се информираше за тековните активности поврзани со следење на евентуални нерегуларности поврзани со претстојниот изборен процес.

Македонија | пред 2 години

Данела за сите кражби од големи размери нема да ја спаси ни Тодор Александров да воскресе, затвор не и бега, тврди Мухамеди

Умејр Мухамеди е поранешен соработник на градоначалничката на Скопје, Данела Арсовска. Тој замина од Град Скопје, па напиша дека бил натепан. Сега, со нов жесток напад над Арсовска. Зборува за тендерите кои се плаќаат од државни пари, па посочува: „Данела за сите овие кражби од големи размери нема да ја спаси никој“.Неговото пишување во целост:„Ај вака да објасниме некои работи:1. Данела Арсовска склучува договор во вредност од 500.000 евра за чистење на кејот на Вардар. Изведувач е “Гама Градба”, багерите се појавуваат една недела и ги снемува. Кејот на Вардар го чистат јавните претпријатија на градот. Од податоците кои ги добив на е-finance на фирмата Гама Градба редовно и се плаќаат големи суми.2. Данела Арсовска склучува договор со фирмата Нексос инженеринг за чистење на снегот, набавка вредна 65.000.000 денари, во договорот стои дека и да има и да нема снег парите треба да и се исплатат на фирмата. Носителот на набавката е близок со Стевчо Јакимовски и кон истата фирма исплатите се вршат редовно.3. Данела Арсовска склучува договор во вредност од 60.000.000 денари за набавка на садници (најголема набавка на садници во историјата на градот). Јас и пишувам дека нема многу засадени садници а вредноста на набавката е преголема она ми вика дека биле засадени 600.000 дрвја. Носител на набавката е “хорти ком” (нејзин пријател).4. Данела Арсовска преку ЈСП склучува договор со Пуцко Петрол за набавка на нафта и нафтени деривати, вредноста на набавката е 27 милиони евра (најголема во историјата на градот односно двојно поголема од претходните набавки), во меѓувреме преку комунална хигиена склучува нови договори за набавка на нафта. (кражба од невидени размери).5. Данела Арсовска им ги централизира поголемите набавки на средните училишта и преку таканаречена групна набавка она да одлучува која фирма ке го добие тендерот.6. Данела Арсовска (не она лично) сече дрвја за кок нема “одобреније за сеча” за 500 евра. (За ова тие изгубените во простор од ЗХГ немаа никаков коментар).7. Сите вредни вработени со по 20 години искуство ги исклучува од работниот процес и ги носи во пожарна преку брутален мобинг и незаконски постапки.Данела Арсовска се “кара” со Умејр Муамеди бидејки за сите овие набавки и за многу други работи директно сум и се спротиставил и за тоа имам и докази. Данела Арсовска за сите овие кражби од големи размери од идната власт нема да ја спаси од кривичен прогон ни Ванчо Јовановски ни Никола Груевски, дури и Тодор Александров да воскресне затвор не и бега.Има и многу други работи но сето тоа кога ке дојде времето да се докажеме во суд“.Претходно:(Фото) Соработник на Арсовска си замина од Град Скопје, па објави дека бил натепан: Напаѓачот ме нападна со зборовите зошто пишуваш против Данела - Скопје1.мк (skopje1.mk)Правник ја искина дипломата откако почна бришење на казни од Кривичен законик во Собрание - Скопје1.мк (skopje1.mk)

Коментари | пред 2 години

Новиот државен обвинител почасти стотина гости за изборот: пола забава платена од државна сметка, пола од џеб

Новиот државен јавен обвинител, Љупчо Коцевски си направил забава за добредојде во куполата на Јавното обвинителство, а ги поканил колегите, претставници на стручна фела, невладини организации и државни институции. Коцевски трошел од државната каса за да ги угости со кетеринг, а пијалаците ги платил од сопствен џеб. Есапот излегол околу 80.000 денари, тврди Обвинителството. На собирот ја повикал и Вилма Русковска, иако таа беше разрешена поради незаконско постапување од Комисијата за дисциплински повреди, чиј претседател беше токму Коцевски. А на собирот биле поканети актуелни и поранешни обвинители, меѓу кои, и неговиот претходник, Љубомир Јовески, како и други пензионирани обвинители.„Скопје1“ дознава дека забавата била минатиот четврток, а имало над 100 гости. За оваа информација побаравме потврда и од Обвинителство, кои пак велат: „Обвинителството не поседува листа на гости кои се одзвале на поканата“. Прашавме и кој ја правел листата на пожелни гости кои треба да му посакаат успешен старт на Коцевски, но и на тоа прашање нема одговор.„По состанокот беше организирана и неформална средба на јавниот обвинител и останатите јавни обвинители со претставници на стручната фела, невладини организации и на повеќе државни институции“, стои во кусиот одговор од Обвинителство на прашања за поканетите гости.Обвинителството можело да ја плати и целата сметка за забавата на Коцевски, но новиот државен обвинител решил дел да подмири сам. Доказ за уплатата на храната, Обвинителството достави до „Скопје1“. Колку чинеле пијалоците – не е познато, но од Обвинителството велат дека и тие ги донел Коцевски.„Иако Јавното обвинителство, врз основа на законски прописи и одобрен Буџет од Министерството за финансии има спроведено јавна набавка за кетеринг услуги и има предвидени средства за таа намена, од тие средства беа искористени само 39.102 денари, односно помалку од половина од сметката за храна. Останатиот дел од сметката во висина од дополнителни 40.698 денари, како и трошоците за пијалаци послужени за време на неформалната средба ги плати лично Јавниот обвинител Коцевски“, додаваат од Обвинителството за „Скопје1“.Според уплатницата која ја достави Обвинителството, Коцевски долгот кон фирмата која ги гоштевала гостите го платил денеска на пладне. Иако имало над сто гости, тој платил од својот џеп за 51 лице. За останатите, парите се издвоени од буџетот.

Македонија | пред 2 години

Борба за „ауди“-то во Судски совет: двајца членови се возат до дома и назад

Членот на Судскиот совет Селим Адеми и актуелниот потпретседател Ханиф Зендели немаат намера да го вратат и да се откажат од службеното „ауди“ кое незаконски го користат за одење дома во Тетово и назад на работа во Скопје секој ден, објави СДК.мк.Поради тоа, претседателката на Судскиот совет Весна Дамева на 22 февруари донела одлука службените коли „ауди“, „опел астра“ и „голф“, по завршување на работното време и на работните обврски, задолжително да се остават на паркингот или во гаражата на Судскиот совет. И по работното време да се остават клучевите од трите службени возила во Судскиот совет.„Корисниците на службените возила при нивното користење во текот на работното време, да посветат особено внимание при употреба и користење на возилата, а тоа да е исклучиво и единствено за службени потреби. За користење на службените возила, согласност дава претседателот на Судскиот совет“, изрично стои во одлуката.

Македонија | пред 2 години