ДАВКОВА

Сиљановска-Давкова оствари средба со турскиот претседател Ердоган

Претседателката Гордана Сиљановска-Давкова денеска во Истанбул оствари билатерална средба со претседателот на Република Турција, Реџеп Таип Ердоган, на којашто беше констатирано дека македонско-турските односи се одликуваат со силно пријателство, доверба и континуирана меѓусебна поддршка.Најпрво, претседателката изрази сочувство до претседателот Ердоган за жртвите во вчерашното пукање во средното училиште во Турција, посакувајќи побрзо закрепнување на настраданите. Турција секогаш била наш близок пријател и укажувала помош во најтешките моменти, како трагедијата во Кочани и се солидаризираме со турскиот народ, рече Сиљановска-Давкова.На средбата со Ердоган, таа посочи дека преку своите институции и компании: од ТИКА, којашто имплементираше 1.320 проекти, до училиштата „Маариф“, Турскиот културен центар „Јунус Емре“, „Туркиш ерлајнс“, „Халкбанк“, Турција е присутна во многу области на македонското општество.Во потпишувањето на Заедничката политичка декларација за формирање Совет за соработка на високо ниво, претседателите препознаваат можност за подинамична и поструктурирана билатерална соработка, што ќе резултира со одржување на прва меѓувладина седница.Сиљановска-Давкова ја поздрави турската дипломатска иницијатива - Балканска мировна платформа, оценувајќи ја како важен инструмент за јакнење на регионалниот дијалог и стабилност.Таа се заблагодари за долгогодишната поддршка од Турција во модернизацијата на македонската Армија.Обајцата се согласија дека постои простор за зголемување на трговската размена и инвестициите и во најавениот бизнис-форум во Турција препознаваат одлична можност за унапредување на економската соработка.На средбата се разговараше за статусот на турската заедница во општествениот и политичкиот живот низ призма на правичната и соодветна застапеност, како и за функционирањето на дел од образовните институции.Претседателите се уверени дека предизвиците со коишто се соочува турската заедница во нашата држава ќе бидат надминати.Сиљановска-Давкова упати покана до претседателот Ердоган за официјална посета на земјата.Претседателката престојува во Турција по повод учеството на 5. Дипломатски форум во Анталија.

Македонија | пред 6 дена

Сиљановска-Давкова и Милатовиќ одржаа предавање на Правниот факултет „Јустинијан Први“: Евроинтегративниот процес на Западен Балкан низ црногорска и македонска призма

На Правниот факултет „Јустинијан Први“ во Скопје, претседателката д-р Гордана Сиљановска-Давкова и црногорскиот претседател Јаков Милатовиќ, пред студенти, професори и други заинтересирани, одржаа заедничко предавање посветено на евроинтеграциите.Во своите излагања, обајцата укажаа на детерминираноста на членството, не само од успехот на внатрешната трансформација (европеизација), туку и од политичката волја на европскиот совет, којшто одлучува со консензус.Милатовиќ го концептуализираше процесот преку четири можни сценарија: првото се однесува на неуспехот на државата да ги искористи пристапните механизми за институционална и демократска консолидација, што има негативни импликации и за самата држава и за Европската Унија; второто сценарио подразбира постигнат реформски напредок без соодветна политичка поддршка од соседите и од Унијата, што доведува до стагнација и ерозија на јавната доверба; третото сценарио укажува на формална геополитичка поддршка без суштински реформи, што ја компромитира одржливоста на процесот. Како најпосакуван, тој го истакна моделот на интензивни реформи проследени со забрзан напредок кон членство.Сиљановска-Давкова го анализираше евроинтеграцискиот процес низ поширок историски и вредносен контекст. За неа, европската интеграција е не само економска, политичка и правна цел, туку и цивилизациска определба, втемелена на вредности и принципи, важни за ЕУ како филозофија на живот.Тврдењето го поткрепи со компаративни примери, како оние на Грција, Шпанија и Португалија, за коишто членството во Европската Унија значеше демократизација и стабилизација.Слично на Милатовиќ, Сиљановска-Давкова членството го врзува примарно за реформскиот напредок, како и на соодветното политичко препознавање и признавање на истиот.Таа укажа на големите предизвици, со коишто се соочува земјата со оглед на предолгиот кандидатски статус, стекнат во далечната 2005 година, главно предодреден од влијанието на највисоките политички претставници на членови во Европскиот совет водени од нерационални условувања, врзани за историјата и културата, а не од меритократски причини.Споредувајќи ги извештаите на земјите кандидати за отпочнување на преговорите, Сиљановска Давкова оцени дека, македонската држава е поподготвена од многу други земји кандидати за отпочнување на преговорите. Во однос на веќе направените бројните уставни измени, таа потсети дека изостанаа ЕУ ветувањата.Отсуството на правни гаранции дека станува збор за последно политичко барање на патот кон полноправно членство во ЕУ, се заканува со логична опасност од губење на реформската енергија заради фокусирање на историски и културни прашања, наместо на хармонизација со европското право.Сепак, според неа, со оглед на фактот дека членството во Унијата е стратешка надворешнополитичка цел, особено важно е да се искористи сегашниот моментум, подеднакво важен за македонските политичари, и за оние на ЕУ.„Европската унија, низ призма на актуелната геополитичка состојба, мора да го перцепира проширувањето како најважно безбедносно прашање. Европскиот совет е соочен со наоѓање модус за брза и целосна интеграција на Западниот Балкан во Унијата, ако сака навреме да го заштити регионот од сериозни закани, од една страна, но и европската безбедност, од друга. Крајно време е реториката за европската перспектива да се замени со реална политичка поддршка на Западниот Балкан од страна на Европската Унија“, порача Сиљановска-Давкова.По предавањата, следеа низа прашања од студентите во врска со владеењето на правото и борбата со корупцијата во обете држави, политиката vs меѓународното право, важноста на заедничката надворешна и безбедносна политика со ЕУ, како и опасноста од евроскептицизам во македонското и во црногорското општество.

Македонија | пред 3 седмици

Средба на Сиљановска-Давкова со хрватскиот премиер Андреј Пленковиќ во Загреб

Во рамки на официјалната посета на Република Хрватска, претседателката Гордана Сиљановска-Давкова оствари средба со хрватскиот премиер Андреј Пленковиќ.На средбата беше изразено задоволство од одличните билатерални односи засновани на меѓусебна почит и доверба, интензивен политички дијалог и конструктивна соработка во сферите од заеднички интерес.Претседателката посочи дека нов импулс во соработката, но и доказ за искреното пријателство е иницијативата на македонската влада за склучување на Договор за стратешка соработка со владата на Република Хрватска.Сиљановска-Давкова изрази благодарност за цврстата и континуирана хрватска поддршка за македонскиот евроинтеграциски процес. Таа го поздрави ставот на Хрватска за потребата од брзо проширување на ЕУ со земјите од Западен Балкан, врз основа на реални заслуги во остварувањето на Копенхашките критериуми.

Македонија | пред 4 седмици

Средба на Сиљановска-Давкова со словачката европратеничка Мириам Лексман

Претседателката Гордана Сиљановска-Давкова ја прими Мириам Лексман, пратеничка во Европскиот парламент од Словачка, од групата на Европската Народна Партија.На средбата се разговараше за европската интеграција на државата, при што претседателката истакна дека членството во Европска Унија останува наш стратешки приоритет, и покрај блокадата на процесот.Сиљановска-Давкова потенцираше дека пристапниот процес треба да е заснован на заслуги, врз основа на исполнување на Копенхашките критериуми, со почитување на темелните европски документи, без билатерални условувања.За неа, блокадата претставува сериозен проблем и опасен преседан што може да биде (зло)употребен и во други случаи, загрозувајќи го не само проширувањето, туку и безбедноста.Потсетувајќи дека нашата држава е 100% усогласена со заедничката надворешна и безбедносна политика на Европската Унија, претседателката истакна дека во време на сложени геополитички предизвици, најдобар начин за зајакнување на отпорноста кон трети страни е интеграцијата на земјите од регионот на Западниот Балкан во Унијата.За гостинката, ЕУ е природен политички дом на земјите од Западниот Балкан, со оглед на нивната географска, историска и културна припадност на истиот.Соговорничките се согласија и ја потврдија важноста од натамошна соработка и ангажман на членките на ЕУ, вклучувајќи ја и Словачка, заради надминување на опструкцијата на македонското придружување кон ЕУ.

Македонија | пред 1 месец

Претседателката Сиљановска-Давкова ја врачи Големата годишна награда за најуспешно реализирано архитектонско дело во 2025 година

Претседателката Сиљановска-Давкова, во својство на покровителка, ја врачи Големата годишна награда за најуспешно реализирано архитектонско дело во 2025 година.Добитници за најуспешно реализирано архитектонско дело во 2025 година се авторите Искра Лековска и Владимир Лековски од архитектонското студио „Лелелеле“, за проектот Православен храм – црква „Св. Рамноапостоли цар Константин и царица Елена“ во Скопје.За авторите на награденото архитектонско дело, црквата „Св. Константин и Св. Елена“ е метафора за македонската колективна меморија и идентитет и ја персонифицира хармонијата меѓу небото и земјата, духовното и световното, традицијата и современоста.Претседателката им честиташе на добитниците, потенцирајќи дека наградата има силна, едукативна и инспиративна вредност за архитектонската фела и за младите архитекти.

Македонија | пред 3 месеци

Давкова била кај повредените кои се лекуваат во Софија: Разговарав со роднинините, подобрена е состојбата на пациентите

Претседателката Гордана Сиљановска-Давкова објави дека ја посетила болницата „Пирогов“ во Софија каде што се згрижени и се лекуваат македонските граѓани повредени во трагичниот пожар во Кочани.„Во разговорот со министерот за здравство, проф. д-р Силви Кирилов, заменик-директорот на болницата, проф. д-р Николај Габровски и раководителката на Одделот за изгореници и пластична хирургија, доц. д-р Маја Аргирова, бев информирана дека здравствената состојба на осумтемина македонски пациенти е стабилна, се наоѓаат под постојан надзор од страна на врвни, искусни лекари и дека процесот на закрепнување бележи напредок.Во присуство на лекар Македонец, ми беше овозможен подолг разговор со најблиските роднини на македонските пациенти. Тие најпофално се изразија за болничкиот персонал и манифестираа радост за видно подобрената состојба на нивните најмили.Се сретнав и со дел од бугарските медицински тимови коишто директно учествуваа во укажувањето на итна медицинска помош и им изразив особена благодарност за нивната пожртвуваност, човечност и професионалност. Нивната благородна мисија е вистинско олицетворение на медицинската етика, солидарноста и хуманоста, вредности коишто ќе останат темел на заемна почит и искрено пријателство меѓу двата блиски народа, бугарскиот и македонскиот“.

Македонија | пред 1 година

(Видео) Силјановска даде заклетва без „Северна“, туку со Македонија

Гордана Силјановска-Давкова даде свечена заклетва пред пратениците на Собранието на Македнија. Иако заклетвата беше со „Северна Македонија“, Силјановска-Давкова се заколна дека ќе го штити суверинитетот на Македонија.„Изјавувам дека функцијата претседател на Македонија ќе ја извршувам совесно и одговорно...“, рече Силјановска-Давкова давајќи заклетва.

Македонија | пред 1 година

Нема фотографија

Пендаровски со порака до Давкова

Кандидатот за претседател Стево Пендаровски денеска на средба со граѓаните на Демир Капија се осврна на моментот кој веќе е добро познат низ медиумите и во јавноста дека неговата противкандидатка Гордана Силјановска-Давкова отсуствува од закажани митинзи и средби со граѓани во сопствената кампања за претседател на државата.„Пред ден, два била најавена противкандидатката, дали дошла? Не дошла.Каде што ќе видите дека Стево Пендаровски е најавено да дојде, јас навистина доаѓам, а наместо противкандидатката доаѓаат други. Не одлучува никој за мене, ниту толкува“ порача Пендаровски.Кандидатот за претседател Пендаровски истакна дека таквото бегање од соочување со граѓаните не доликува на некој кој претендира за највисоката функција во државата.„Ние сме сега влезени во трка формално за највисока функција во државата. Според Устав претседателот на државата е и врховен командант на вооружени сили. Тоа значи нема повисоко од тебе. Кога ти уште во кампања носиш други луѓе да зборуваат наместо тебе, па како утре ќе бидеш претседател? Еве ти даваме власт, ти даваме позиција, тие двајца што дошле да зборат, тие ли ќе бидат претседатели во сенка? А, ти само ќе бидеш кукла или во излог ставен и ќе викаш „јас сум претседател ама што викаат слика има, тон нема.“ Не сакам да шпекулирам за мотивите, ама јасно ми е. Тоа е исто како јас да кажам дека имам неколку другари овде и соработници кои се со мене со години и да речам сега „за ова прашање момент тој ќе ти одговори.“ Не ја бива таа работа. Или си претседател или не си,“ рече Пендаровски пред граѓаните на Демир Капија.

Македонија | пред 2 години

Силјановска Давкова: Очекувам поддршка од Дорис Пак и Розалија Диро, бидејќи кога жените се на високи функции тогаш може да се очекуваат вистински реформски зафати

„Ќе разговараме за времето на жените што доаѓа, како што знаете прва на листата за изборите за Европскиот Парламент ќе биде госпоѓата Урсула фон дер Лајен. Се работи за две личности кои се вистински икони, легенди во европското женско движење. Јас откако изразив и побарав поддршка од европското женско лоби, сега исто утре на средбите ќе побарам поддршка и од овие две госпоѓи“, истакна Гордана Силјановска Давкова, кандидат за претседател на Република Македонија од ВМРО-ДПМНЕ во изјава за вести на Алфа телевизија говорејќи дека очекува поддршка од Дорис Пак, почесната претседателка на женската организација и Розалија Диро, претседателка на женската организација на ЕПП.„Зборувам за идеја што е многу актуелна, зборувам за спремност во рамките на европските народни партии да промовираат еднаквост, да ги поддржат жените кандидатки. И мислам дека неподелена радост е и неподелено очекување е дека кога жените се на чело на европските партии или кога жените имаат високи функции во европските институции, кога жените имаат високи функции во националните држави членки на ЕУ или кандидатите дека со право може да се очекуваат вистински реформски зафати“, рече таа.Силјановска Давкова додаде дека најмногу се радува на средбата со подмладокот на ЕПП.„Всушност најмногу се радувам на оваа средба, за една професорка најважно е да се сретне со младите впрочем и од Македонија со нас се претставнички и претставници на младите од ВМРО-ДПМНЕ“, укажа таа.„Денес имаше и еден панел за дијалогот меѓу различни возрасти, за солидарноста, за поддршката на младите, за тоа дека ние најчесто возрасните или старите велиме дека иднината им припаѓа на младите меѓутоа мислам дека сегашноста треба исто така. Во сегашноста треба младите да се вклучат во одлуките бидејќи во таа синергија, во тој дијалог меѓу возрасните како носители на мудрост и искуство и младите како предвесници, носители на промени може да се дојде до вистински решенија“, нагласи Силјановска Давкова.

Македонија | пред 2 години

Силјановска за „27 април“: Тие би требало да добијат помилување, но најголемиот број од нив сакаат да докажат дека се невини

Гордана Силјановска-Давкова која е дел од претседателската трка, смета дека осудените за „27 април“ би требало да добијат помилување. Таа кажа дека шведскиот и грчкиот суд веќе посочиле дека тие не сториле кривично дело - тероризам, туку можеле да одговараат за учество во толпа. Додаде дека законот за амнестија мора да важи или за сите или за никој.„Тие би требало да добијат помилување и одличен чекор ќе беше ако тоа го стореше претседателот. Бидејќи во една прилика се одважи да го критикува кривичното дело за кое тие се осудени“, ка Силјановска-Давкова во гостување на „Лазаров поткаст“.Таа додаде дека со сигурност ќе се потврди дека и во Стразбур ќе паднат некои од предметите.„Најголемиот број од луѓето не сакаат да бидат амнестирани бидејќи веруваат дека се невини и сакаат тоа да го докажат“, додаде таа во гостувањето на „Лазаров поткаст“.

Македонија | пред 2 години

Давкова лута: Не ми се верува дека 54 пратеници, творци на хаосот, си дозволија да гласаат против загарантирано уставно право

„600 000 луѓе се заробени заради неодговорното однесување на владејачката коалиција!“, вели кандидатката за претседателка од ВМРО-ДПМНЕ, Гордана Силјановска Давкова.„Не ми се верува дека 54 пратеници, творци на хаосот, луѓе кои ги кршат човековите права, меѓу кои и правото на движење си дозволија да гласаат против загарантирано уставно право!Претседателот на државата не знае што е правото на вето. Тоа не значи дека тој се прави силен, туку значи дека е под Уставот, ги почитува законите и може да примени кочница на законодавната власт кога се работи за лоши закони“, додава таа.

Македонија | пред 2 години