GOOGLE CHROME

Chrome најде нов начин да не ви ги крадат информациите и пристапите

Google воведе нова безбедносна функција во прелистувачот Chrome со цел да ја пресече една од најраспространетите техники во современите сајбер-напади – кражбата на кориснички сесии преку т.н. „infostealer“ малициозен софтвер.Новитетот се вика Device Bound Session Credentials (DBSC) и е јавно достапен во Chrome верзија 146, додека верзијата 147 носи дополнителни безбедносни решенија. Идејата е едноставна, но моќна: дури и ако напаѓач успее да ги украде „колачињата“ што ја одржуваат активната сесија, тие повеќе да не можат да се искористат за преземање сметка без лозинка.DBSC ја „врзува“ сесијата за конкретниот уред. Наместо сесијата да се потпира само на колачиња што можат да се копираат и пренесат, системот користи единствен криптографски пар клучеви, генериран и чуван во хардверски заштитени модули. На Windows тоа може да биде Trusted Platform Module (TPM), а на macOS – Secure Enclave. Бидејќи клучевите не можат да се извезат од уредот, украдените сесиски колачиња брзо стануваат неупотребливи.Функцијата е замислена така што веб-сајтовите можат да ја вклучат оваа заштита, додека Chrome автоматски се грижи за криптографијата и за ротацијата на колачињата. Со тоа се задржува компатибилноста со постојните системи, без да се бара целосна промена на механизмите за најавување.Протоколот е развиван како отворен стандард во соработка со W3C и компании како Microsoft, со придонес и од партнери од индустријата. По експериментирање со рана верзија во текот на 2025 година, Google забележал „значајно намалување“ на кражбите на сесии кај сесиите што биле заштитени со DBSC.Во моментов, DBSC е достапен за корисниците на Windows со Chrome 146, а поддршката за macOS се очекува во наредните верзии на прелистувачот.

Магазин | пред 3 дена

Google тестира нова функција во Chrome која може да го забави стартот на Windows

Google тестира нова функција за својот интернет-прелистувач која би можела значително да го успори стартувањето на вашиот Windows 10 или 11 оперативен систем.Иако сме навикнати дека Chrome „јаде“ RAM меморија, новата опција што Google ја развива е насочена кон самиот почеток на работењето на вашиот компјутер. Во најновите тест верзии на Chrome Canary, е забележана функција која му овозможува на Chrome автоматски да се стартува веднаш штом ќе се најавите на вашиот Windows акаунт.Опцијата наречена „Launch Chrome when my computer starts“ е осмислена да ви заштеди еден клик по вклучувањето на компјутерот. Меѓутоа, техничките детали откриваат потенцијален проблем. За разлика од вообичаените апликации кои „тихо“ стартуваат во позадина, Google планира Chrome да го стартува како процес во прв план.Тоа практично значи дека Chrome, веднаш штом Windows се вчита, агресивно ќе бара ресурси од процесорот и меморијата за да се појави прозорецот на прелистувачот веднаш. За корисниците со моќни машини ова нема да се забележи, но за оние со постар хардвер или класични HDD дискови, ова може да предизвика „замрзнување“ на системот за неколку секунди, па дури и минути.Според тековните информации, опцијата нема автоматски да биде вклучена за сите. Корисниците во поставките на Chrome ќе имаат прекинувач со кој самите ќе одлучат дали ќе ја користат оваа функција. Сепак, критичарите сметаат дека помалку искусните корисници може несвесно да ги успорат своите компјутери обидувајќи се за привидно побрз пристап до интернетот.Google работи на оваа иновација од крајот на 2025 година, а се очекува да се појави во наредните неколку месеци.

Магазин | пред 2 месеци