ИТАЛИЈА

Владата со посебен услов за туристите во Венеција

Властите во романтичната Венеција прават се за да ги зачуваат и остават недопрени познатите канали, улици и плоштади, а сега имаат малку необично барање за туристи.Владата сега има посебен услов за туристите да помогнат во намалувањето на загадувањето со пиење вода од јавните чешми лоцирани низ целиот град наместо да користат пластични шишиња со вода.Градските власти започнаа локална маркетинг кампања за да го рекламираат барањето до милионите посетители кои секоја година доаѓаат во Венеција.Колку и да значат туристите за Венеција и нејзината економија, особено по две тешки години поради пандемијата на коронавирус, овој италијански град сепак сака да ги држи туристите „под контрола“.Веќе е најавен план од почетокот на 2023 година да почне да се наплаќа влезници од дневните посетители со цел да се спречи масовниот туризам. И сега бараат туристите да им помогнат со намера да го намалат загадувањето низ градот.За да им помогнат на туристите со нивното последно барање, градските власти во Венеција почнаа да издаваат мапи на јавни фонтани, особено во историскиот центар околу плоштадот Свети Марко.Во областа има 126 јавни чешми за вода кои се безбедни за пиење, така што туристите сепак ќе можат да ја изгаснат жедта и нема да мора да фрлаат пластични шишиња на улица.

Магазин | пред 3 години

Италијански остров дава 15 илјади евра за привлекување жители

Откако некои делови од Италија веќе решија да им платат на луѓето за да привлечат нови жители во нивните рурални средини, на ист начин почнаа и во Сардинија, пренесува порталот bizlife.rs.Добрата вест е што не мора еднаш да ги враќате парите што ги добивате, бидејќи тие се наменети да се борат против депопулацијата на руралните области и да обезбедат економски стимулации за постојните жители.Сардинија е позната по некои од најголемите, најубавите и најчистите плажи во Европа.Со градови полни со култура и огромен број сончеви денови во годината, тешко е да се замислат уште многу места на планетата на кои би било попријатно да се живее.Сепак, има неколку работи што треба да се завршат за да се добијат парите:Парите мора нужно да бидат наменети за купување или реновирање куќа, а за да ги исполните условите треба да се населите во општина на Сардинија со помалку од три илјади жители, а потоа на сметката добивате точно 15.000 евра.За овој проект вкупно се предвидени околу 46,5 милиони евра, што ќе биде доволно за најмалку 3.000 домаќинства.Ова не е единственото италијанско место со ваква понуда за имигранти.Имено, минатата година беше најавено дека два италијански града ќе плаќаат заинтересирани лица за да се преселат - под услов апликантите да имаат, како што е наведено, „активна“ работа што може да се врши од далечина.Имено, средновековниот италијански град Санта Фиора во Тоскана и градот Риети во регионот Лацио нуделе до 200 евра или 50 отсто од вкупната кирија на луѓето кои се преселиле и изнајмиле стан или куќа во со цел да ги извршуваат своите работи од далечина.Оваа атрактивна понуда е дел од пошироката шема која има за цел да ги охрабри луѓето да се преселат во недоволно населените региони и на тој начин да вдишат нов живот и пари во локалната заедница.Исто така, за време на пандемијата во Италија, во општината Чинкефронди, каде што нема корона, можеше да се купи куќа за едно евро.Градоначалникот Микела Конија оваа акција ја нарече „Операција убавица“, а се работи за проект чија цел е да се запре иселувањето на младите во потрага по работа.

Магазин | пред 3 години

Италија почнува кампања за четвртата доза од вакцината против Ковид 19

Италија наскоро ќе започне кампања за давање на четвртата доза од вакцината против Ковид 19 на лицата над 60 години.Ова го соопшти италијанскиот министер за здравство Роберто Сперанка, откако доби „зелено светло“ од здравствените агенции на Европската унија.Сперанка рече дека владата веќе дала одобрение за 20-те регионални администрации на Италија да започнат кампања за администрирање на четвртата доза од вакцината, по одобрение од националната медицинска агенција АИФА, објави Ројтерс.„Сите научни докази покажуваат дека дополнителната доза од вакцината може во голема мера да ги заштити луѓето, особено слабите и постарите, од хоспитализација“, изјави Сперанка за државната телевизија Раи синоќа.Во Италија во јули се зголеми бројот на заразени со корона вирусот.Бројот на заразени на дневна основа минатата недела надмина 100.000 за прв пат од февруари, а се забележува и зголемување на бројот на хоспитализирани лица.

пред 3 години