ИЗРЕАЛ

Израелски војници осудени на 30 дена затвор поради уништување на статуа на Исус

Израелската армија казни двајца свои војници со по 30 дена затвор, откако еден од нив со малј уништил статуа на Исус во јужен Либан, а другиот го снимал инцидентот.Настанот се случил во христијанското село Дебел, а видеото било објавено на социјалните мрежи на 19 април. Од Израелските одбранбени сили (ИДФ) информираа дека уништената статуа во меѓувреме е заменета со нова, во координација со локалната заедница.Воената истрага утврдила дека покрај двајцата казнети, уште шест војници биле присутни, но не реагирале ниту го пријавиле случајот. Тие ќе бидат дополнително повикани на разговори, по што ќе се одлучува за евентуални мерки.„Однесувањето на војниците целосно отстапува од наредбите и вредностите на ИДФ“, соопшти армијата, додавајќи дека станува збор за „неприфатливо однесување и морален пропуст“.Случајот бил разгледан и од највисокото воено раководство, кое најави зајакнување на процедурите за однос кон верските објекти и симболи, со цел да се спречат слични инциденти во иднина.

Свет | пред 1 ден

Нов бран напади: Израелската армија соопшти дека уништила цели поврзани со иранската влада

Израелската армија соопшти дека извршила нов бран воздушни напади врз повеќе локации во Иран, при што биле погодени десетици цели поврзани со иранската влада.Во објава на социјалната мрежа „Икс“, израелската војска наведе дека меѓу погодените цели се наоѓал и штаб за беспилотни летала на Корпусот на чуварите на Исламската револуција.Според тврдењата на израелската армија, од тој објект претходно биле лансирани беспилотни летала кон Израел, а во него се наоѓале и дополнителни дронови подготвени за употреба.Во нападите биле погодени и неколку складишта за беспилотни летала, како и системи за противвоздушна одбрана, соопшти израелската војска.

Свет | пред 1 месец

Иран: Соборивме израелски Хермес, еден од најнапредните дронови во светот

Во околината на Хорамабад, ирански град кој се наоѓа 375 км југозападно од Техеран, соборен е израелскиот дрон Хермес, објавија локалните власти, пренесува иранската државна новинска агенција.Во соопштението, заедно со фотографија на која наводно се прикажани остатоците од дронот Хермес, се наведува дека дронот е соборен во областа Веисиан и дека тоа „ја истакнува подготвеноста на иранските одбранбени сили и противвоздушната одбрана на Корпусот на чувари на исламската револуција за сузбивање на заканите“.Соборениот дрон е тип Hermes, еден од најнапредните беспилотни летала за собирање информации во светот“, се додава.Дроновите Хермес ги произведува израелската компанија Elbit Systems, која порано објави дека серијата Хермес 900 помогнала во лоцирање десетици скриени ирански лансери на балистички проектили за време на јуниската војна помеѓу Израел и Иран.Покрај тоа што ги лоцирал иранските лансери на балистички проектили, Hermes 900 помогнал во напади врз иранските мобилни системи за противвоздушна одбрана, радарски инсталации и складишта со муниција, изјави потпретседателот за маркетинг и развој на беспилотни системи во Elbit Systems, Амир Бетеш.Израелските одбранбени сили (IDF) и Министерството за одбрана порано истакнуваа значајна улога на дроновите во израелската воздушна војна против Техеран.

Свет | пред 1 месец

(Видео) Израел депортира околу 170 активисти од хуманитарната флота, меѓу нив се Грета Тунберг и Србинот Огњен Марковиќ

Околу 170 членови на хуманитарната флота денеска биле депортирани од Израел и упатени кон Грција и Словачка, соопшти израелското Министерство за надворешни работи.Меѓу депортираните се и шведската активистка Грета Тунберг и државјанинот на Србија Огњен Марковиќ, пренесува Times of Israel.На фотографиите објавени од израелското министерство се гледаат Тунберг и другите активисти на аеродромот Рамон, на југот на Израел.Покрај нив, депортирани се и активисти од Грција, Италија, Франција, Ирска, Шведска, Полска, Германија, Бугарија, Литванија, Австрија, Луксембург, Финска, Данска, Словачка, Швајцарија, Норвешка, Велика Британија и САД.Во соопштението на Министерството се наведува:Сите законски права на учесниците во оваа акција беа почитувани и така ќе продолжи. Министерството додаде дека „лажните информации кои ги шират учесниците се дел од нивната однапред подготвена кампања на дезинформации.Претседателот на Србија, Александар Вучиќ, изјави вчера дека државата ќе помогне при ослободувањето на Огњен Марковиќ, кого израелските власти го задржаа при пресретнувањето на флотата.Доколку биде потребно, ќе го повикам и израелскиот премиер Бенјамин Нетанјаху за да помогнеме во неговото ослободување, рече Вучиќ.Израелското Министерство за надворешни работи претходно соопшти дека тврдењата за малтретирање на активистите, меѓу кои и Грета Тунберг, се „голема лага“, додека министерот задолжен за затворите Итамар Бен Гвир изјави:Горд сум што со нив се постапува како со терористи.Од друга страна, организацијата за правна помош Adalah соопшти дека бројни активисти пријавиле физичко и психичко малтретирање. Некои од нив изјавиле дека им била скратена храна и вода, додека други сведочеле за грубо постапување на израелските безбедносни сили.

Свет | пред 6 месеци

Убиен шефот на разузнавачката служба на Иранската револуционерна гарда

Во израелски воздушен напад врз Техеран беше убиен Мохамед Каземи, шефот на Разузнавачката организација на Иранскиот корпус на револуционерна гарда (ИРГЦ), една од двете главни безбедносни агенции на Иран. Неговиот заменик Хасан Мохакик и високиот офицер Мошен Багери исто така беа убиени.Веста прв ја објави израелскиот премиер Бенјамин Нетанјаху во интервју за американскиот „Фокс њуз“, а набрзо беше потврдена и од иранските државни медиуми.Командантот на воздухопловните сили на ИРГЦ, шефот на програмата за ракети земја-земја и голем број други високи функционери и научници, исто така, беа убиени во последните денови. Израел тврди дека елиминирал повеќе од 20 врвни ирански воени команданти во неодамнешните операции.

Свет | пред 10 месеци