ЈЕМЕН

Хутите се заканија: Ќе го затвориме Баб ел-Мандеб ако САД продолжат со притисок

Заменик-министерот за надворешни работи на проиранската јеменска група Хути, Хусеин ел-Ези, предупреди дека би можело да дојде до затворање на морскиот теснец Баб ел-Мандеб, доколку, како што наведе, САД продолжат со политики кои „го попречуваат мирот“.„Ако одлучиме да го затвориме Баб ел-Мандеб, тогаш целото човештво ќе биде немоќно да го отвори. Затоа е најдобро Трамп и неговите соучесници веднаш да ги прекинат сите активности и политики кои го попречуваат мирот и да покажат неопходна почит кон нашиот народ и нација“, напиша Ел-Ези на социјалната мрежа Икс, пренесува Ал Џезира.Баб ел-Мандеб е еден од најважните поморски премини во светот, кој го поврзува Црвеното Море со Аденскиот Залив и претставува клучна рута за глобалната трговија, особено за бродовите што се движат кон Суецкиот канал.Оваа закана доаѓа во контекст на засилените геополитички тензии на Блискиот Исток, при што секое евентуално затворање на теснецот би имало сериозни последици врз меѓународниот поморски сообраќај и снабдувањето со енергенси.

Свет | пред 3 дена

(Фото) Иранци објавија фотографии: „Во Јемен е уништен американски дрон“

Иранската новинска агенција Tasnim објави фотографии за кои тврди дека прикажуваат „уништен беспилотен летач MQ-9“ во планинско подрачје на југот на Јемен. Агенцијата наведува дека дронот припаѓа на американската војска.Во објавата не се наведува како дошло до падот на леталото ниту точното време на инцидентот.Иранската армија соопшти синоќа дека во различни делови на Иран соборила седум напредни непријателски дронови.Во соопштението пренесено од Tasnim се наведува дека станува збор за дронови тип MQ-9, Heron, Hermes и Orbiter, кои биле погодени и соборени со системи за противвоздушна одбрана во подрачјата Тебриз, Техеран, Исфахан, Хорамабад и Бушер.Се додава дека со ова вкупниот број на соборени дронови од почетокот на, како што се наведува, „ционистичко-американската агресија“ се зголемил на 29.

Свет | пред 1 месец

Се преврте патнички автобус во Јемен: Најмалку 14 загинати

Најмалку 14 лица загинаа при превртување на патнички автобус во југозападниот дел на Јемен.Како што јави агенцијата САБА, автобусот минувал низ планинската област Макарта кога се расипал и се превртел.Само едно лице ја преживеало несреќата и било пренесено на лекување во болница.Фаталните сообраќајни несреќи се вообичаени во Јемен, каде граѓанската војна беснее повеќе од една деценија, а инфраструктурата е уништена.Илјадници луѓе годишно умираат во таа земја поради лоши патишта, недостаток на оданочување и преголема брзина.

Свет | пред 1 година

Нема фотографија

Американската армија нападна

Централната команда на американската војска (ЦЕНТКОМ) соопшти дека американската војска извршила самоодбранбени напади врз три подземни магацини на јеменските бунтовници Хути во областите на Јемен кои се под контрола на групата.ЦЕНТКОМ во соопштението вели дека Хутите истрелале четири противбродски балистички ракети кон Црвеното Море од областите во Јемен што тие ги контролираат, објави Ројтерс.Хутите напаѓаат трговски и воени бродови во Црвеното Море и Аденскиот Залив од средината на ноември како одговор на, како што велат, израелската инвазија на Појасот Газа.

Свет | пред 2 години