ВАЊА

Палевски се жали од судијата кој го осуди на доживотна робија

Љупчо Палевски – Палчо, кој првостепено е осуден на доживотна казна затвор за грабнувањето и свирепите убиства на тинејџерката Вања Ѓорчевска и велешанецот Панче Жежовски, поднел претставка до Судскиот совет, жалејќи се на, како што навел, тоа што судијата Ивица Стефановски, предолго ја пишувал писмената пресуда, која сега е во рацете на Апелација.Претставката на Палевски се најде на дневен ред на денешната седница на Судскиот совет, но по разгледувањето, членовите ја отфрлија како неоснована. Во неа, осудениот изразил незадоволство и од постапувањето на судијата Ивица Стефановски.Судијата Стефановски, пак, доставил писмено изјаснување до Судскиот совет во кое навел дека станува збор за исклучително сложен предмет, со обемен доказен материјал, бројни сведоци и повеќе обвинети, но и дека имал проблеми со здравјето па отсуствувал од работа.Паралелно со оваа постапка, Палевски по изрекувањето на доживотната казна затвор поднесе и жалба до Апелациониот суд во Скопје, со која бара да биде ослободен од вина или предметот да се врати на повторно судење. Жалбата ја поднел неговиот бранител, адвокатот Јовица Страшевски, кој во јавноста тврдеше дека во првостепената постапка биле направени сериозни процесни пропусти.Според одбраната, дел од доказите наведени во пресудата воопшто не биле изведени на главната расправа, а на одредени места, како што тврдат, судот се повикал на искази на обвинети како доказ, што, според нив, е правно недозволиво. Адвокатот најави дека на јавна седница пред Апелациониот суд детално ќе ги образложат овие наводи, особено несогласувањата во временските рамки и логичките противречности во пресудата.Судија-известител за предметот во скопска Апелација е Ѓоко Ристов, а предметот веќе е доставен на мислење до Вишото јавно обвинителство Скопје. Жалба на првостепената пресуда поднесе и Јавното обвинителство, но во делот што се однесува на ослободителната одлука за таткото на Вања, Александар Ѓорчевски, кој беше ослободен од обвинението за помагање при грабнувањето.Во првостепената пресуда, судот на Палевски и на Манев, Видевски и Кешишев им изрече по 10 години затвор за кривичното дело грабнување на Вања Ѓорчевска и Панче Жежовски, како и доживотна казна затвор за двете убиства. Иако пресудата беше донесена, мотивите за злосторствата што ја потресоа јавноста во 2023 година и понатаму не се целосно разјаснети.Се очекува Апелациониот суд во наредниот период да закаже јавна седница, по која ќе одлучи дали ќе ја потврди првостепената пресуда, ќе ја укине и ќе наложи повторно судење или ќе донесе поинаква одлука.

Македонија | пред 2 месеци

Кешишев да се ослободи од соизвршителската улога за убиствата на Вања и Панче или предметот пак да се суди, бара адвокатот Ефремов

Адвокатот Игор Ефремов, бранител на Влатко Кешишев, за „Скопје1“ објаснува дека во законски предвидениот рок е поднесена жалба на првостепената пресуда со која неговиот клиент е осуден на доживотна казна затвор за грабнувањето и убиствата на Вања Ѓорчевска и Панче Жежовски.Според Ефремов, во жалбените наводи одбраната бара предметот да биде вратен на повторно одлучување или Кешишев да биде ослободен од соизвршителската улога во убиствата. Тој потенцира дека дејствијата кои самиот Кешишев ги опишал во својата одбрана не можат правно да се квалификуваат како дејствија на соизвршител во кривичните дела за кои е првостепено осуден.„Во жалбените наводи бараме предметот да се врати на повторно одлучување или да се ослободи од соизвршителската улога на убиствата, и особено да се имаат во предвид дејствијата опишани од страна на обвинетиот Кешишев, којшто дејствија не може да бидат земени како дејствија на соизвршител во убиствата за кои е првостепено осуден“, вели Ефремов.Одбраната, меѓу другото, побарала и одржување јавна седница пред Апелациониот суд, на која ќе може детално да ги образложи жалбените аргументи и да укаже на, како што наведуваат, суштинските пропусти во пресудата.„Сметаме дека судот неправилно ја донесе одлуката во делот што се однесува на обвинетиот Кешишев, а со тоа и во однос на изречената казна. Очекуваме Апелациониот суд да ја согледа оваа состојба и да донесе правилна и законита одлука“, изјави Ефремов.Жалбата сега е во надлежност на Апелациониот суд, кој треба да одлучи дали ќе ја потврди, укине или ќе ја преиначи првостепената пресуда.Судија-известител за предметот во скопска Апелација е Ѓоко Ристов, а предметот веќе е доставен на мислење до Вишо јавно обвинителство Скопје.Во првостепената пресуда, судијата Ивица Стефановски на Палевски и на останатите обвинети – Велибор Манев, Боре Видевски и Влатко Кешишев – им изрече по 10 години затвор за кривичното дело грабнување на Вања Ѓорчевска и Панче Жежовски, како и доживотна казна затвор за двете свирепи убиства.Во истиот предмет, таткото на Вања, Александар Ѓорчевски, беше ослободен од обвинението, но Јавното обвинителство на таа одлука веќе поднесе жалба до Апелациониот суд.Скопска Апелација во наредниот период треба да закаже јавна седница, по која ќе одлучува дали ќе ја потврди првостепената пресуда, ќе ја укине и ќе наложи повторно судење или ќе донесе поинаква одлука.

Македонија | пред 3 месеци

Љупчо Палевски-Палчо бара да го ослободат или предметот пак да се суди: Пресудата е расказ

Љупчо Палевски – Палчо, осуден на доживотна казна затвор за грабнување и две свирепи убиства, преку својот бранител поднесе жалба до Апелациониот суд во Скопје, со која бара да биде ослободен од вина или предметот да се врати на повторно судење.Жалбата до скопска Апелација ја поднел неговиот адвокат Јовица Страшевски, кој во изјава за „Скопје1“ наведува дека во првостепената постапка биле сторени сериозни процесни пропусти.„Имаме најдено доста суштествени повреди во постапката. Дел од доказите воопшто не се изведени на суд, а се наведени во пресудата. Има случаи каде што доказ се побива со исказ на обвинет, а исказ на обвинет не може да биде доказ. Побаравме јавна седница, каде што дополнително ќе ги образложиме наодите, бидејќи рокот за жалба беше кус. Бараме или повторно судење, или ослободителна пресуда“, истакна Страшевски.Според одбраната, доказите содржани во пресудата претставуваат „расказ“, со значајни несогласувања, особено во делот на временските рамки, што, како што најавуваат, ќе биде детално елаборирано на јавната седница пред Апелациониот суд.Судија-известител за предметот во скопска Апелација е Ѓоко Ристов, а предметот веќе е доставен на мислење до Вишо јавно обвинителство Скопје.Во првостепената пресуда, судијата Ивица Стефановски на Палевски и на останатите обвинети – Велибор Манев, Боре Видевски и Влатко Кешишев – им изрече по 10 години затвор за кривичното дело грабнување на Вања Ѓорчевска и Панче Жежовски, како и доживотна казна затвор за двете свирепи убиства.Во истиот предмет, таткото на Вања, Александар Ѓорчевски, беше ослободен од обвинението, но Јавното обвинителство на таа одлука веќе поднесе жалба до Апелациониот суд.Скопска Апелација во наредниот период треба да закаже јавна седница, по која ќе одлучува дали ќе ја потврди првостепената пресуда, ќе ја укине и ќе наложи повторно судење или ќе донесе поинаква одлука.

Македонија | пред 3 месеци

Со кои аргументи Туфегџиќ го брани таткото на Вања пред Апелација: Тој е жртва во целиот трагичен настан

Адвокатот Владимир Туфегџиќ го поднел одговорот на жалбата до Апелациониот суд за случајот против Александар Ѓорчевски, таткото на убиената Вања, кој беше ослободен од Кривичниот суд за обвинението дека помагал во грабнувањето на својата 14-годишна ќерка. За „Скопје1“, Туфегџиќ потврди дека барал одржување јавна седница и ги образложи клучните аргументи поради кои очекува ослободителната пресуда да биде потврдена во целост.„Кривичниот суд донесе правична и законита одлука. Обвинителството не успеа да докаже ниту мотив, ниту умисла, ниту било каква комуникација меѓу Александар и групата што го изврши злосторството. Сè што понудија беа претпоставки, лични перцепции и погрешни толкувања на паниката и однесувањето на татко што го бара своето исчезнато дете“, вели Туфегџиќ, повикувајќи се на наводите од поднесениот одговор на жалбата.Според него, суштината на проблемот е што обвинението „нема корен“. Тврди дека не постои докажан мотив за кој било облик на соучесништво, ниту пак имало материјален доказ што би укажувал дека Александар знаел, учествувал или на кој било начин им помогнал на обвинетите кои ја грабнаа и убија Вања.„Дури и сведоците од МВР изјавија дека немале ниту еден доказ што го поврзува Александар со делото. Признаа дека нивните заклучоци биле субјективни, а не базирани на факти“, посочува адвокатот.Тој дополнително објаснува дека постојат јасни докази дека групата предводена од Љупчо Палевски планирала грабнувања многу пред исчезнувањето на Вања, уште во 2022 година, и тоа целосно независно од семејството Ѓорчевски.„Фактите покажуваат дека оваа група имала своја логистика, свои планови и претходни обиди. Александар никогаш не бил дел од тоа. Нема телефонски контакти, нема средби, нема пораки. Има само еден татко кој со часови трчал низ Скопје обидувајќи се да најде каде исчезнала неговата ќерка, вели Туфегџиќ.Во одговорот на жалбата, адвокатот детално ги оспорува и тезите на обвинителството во врска со наводната „Вибер порака за откуп“, за која тврди дека никогаш не била докажана.„Ниту еден родител, ниту една снимка, ниту еден технички доказ не потврди дека воопшто постоела таква порака. Тоа беше конструкција што се распадна сама по себе“, нагласува Туфегџиќ.Адвокатот истакнува дека доказите во постапката, наместо вина, ја потврдуваат улогата на Александар како оштетен и избезумен родител.„Тој е жртва во целиот трагичен настан. И тој, и мајката, и нивното семејство. Обвинението неправедно го претвори неговиот очај во сомнеж“, вели тој.Туфегџиќ додава дека правниот стандард е јасен: вината мора да биде докажана надвор од разумно сомневање.„Во случајов не само што нема докази, туку постојните докази директно ја исклучуваат можноста Александар да им помогнал на убијците. Оттука, Апелациониот суд има обврска да ја потврди ослободителната пресуда. Сè друго би било спротивно на законот, логиката и правдата.“Адвокатот завршува со став дека јавната седница е неопходна, за јавноста да ја чуе вистината без шпекулации и погрешни интерпретации. „Граѓаните заслужуваат да видат дека правдата не смее да биде жртва на сензационализам. Александар е невин човек. Очекувам Апелација да го потврди тоа.“Вчера се навршија две години од монструозното убиство на малата Вања.

Македонија | пред 4 месеци

Две години по убиството на Вања: Македонија и понатаму трага по одговори

Над Македонија и понатаму тежи едно од најбруталните кривични дела во поновата историја – киднапирањето и убиството на 14-годишната Вања Ѓорчевска, извршено на 27 ноември 2023 година. Девојчето беше грабнато пред својот дом во скопската населба Центар во 7.30 часот утрото, на пат кон училиште. Наместо на училишна клупа, Вања тој ден заврши со куршум, закопана во импровизирана дупка во околината на Бразда.Телото беше пронајдено шест дена подоцна, на 3 декември 2023 година, по интензивна полициска потрага која го држеше целиот регион во неизвесност. Во истата криминална операција, само неколку дена претходно, беше киднапиран и убиен 74-годишниот Панче Жежовски од Велес – за да биде украден неговиот автомобил, со кој потоа ќе биде грабната Вања.Во ноември 2024 година, Основниот кривичен суд Скопје ја изрече една од најтешките пресуди во историјата на македонското судство:Љупчо Палевски – Палчо: доживотен затворВелибор Манев: доживотен затворВлатко Кешишев: доживотен затворБоре Видевски: доживотен затворАлександар Ѓорчевски (татко на Вања): ослободен од вина за помагање при грабнувањетоСудот утврди дека групата дејствувала организирано, дека Палевски ги планирал двете убиства и дека токму тој пукал во жртвите.Судско-медицинските наоди и исказите од истрагата открија морничави детали:Вања била возена во гепек, со врзани раце и нозе, со леплива лента на лицето. Била убиена за неполни два часа по киднапирањето. Дупката во која е закопана била ископана уште претходниот ден, што ја разби верзијата дека групата имала намера да бара откуп.Улогата на нејзиниот татко, Александар Ѓорчевски, кој според обвинението им давал информации за нејзиното движење, беше една од најшокантните точки во обвинителниот акт. Судот пресече дека нема докази за било какви негови дејствија во грабнувањето на неговата ќерка.И покрај пресудaтa, остануваат дилеми и неодговорени прашања:Не е пронајдено оружјето со кое се извршени убиствата.Зошто Панче Жежовски беше убиен, кога целта била само неговиот автомобил?Која била вистинската намера на групата, кога никогаш не беше испратено барање за откуп?Дали имало дојави кон Палчо, со оглед дека побегна во Србија, па во Турција?Како полицијата шест дена не го пронајде телото и покрај масовната потрага?Постоеја ли други вмешани?Јавноста особено ја бранува недоследноста во првичните мотиви – користољубие, иако немало ниту обид за преговори со семејството.Две години подоцна, семејствата на Вања и Панче, како и пошироката јавност, сè уште бараат целосна вистина. Пресудата донесе делумна правна завршница, но не и мир. Случајот останува симбол на институционални пропусти, необјаснети мотиви и трагедија што ја промени земјата.Македонија и понатаму се надева дека она што не го кажале обвинетите – ќе го покаже времето или правдата, ако конечно биде целосно сервирана.Пресудата се уште се разгледува од скопска Апелација и не е правосилна.

Македонија | пред 4 месеци

Дел од осудените за убиствата на Вања и Панче „пропеале“ за пиштолот и осомничениот Зоран Д., два месеци се собираат докази

Дел од осудените за убиството на Вања Ѓорчевска и Панче Жежовски, „пропеале“ во Обвинителство, каде биле повикани да кажат што се случило со оружјето со кое се извршени злосторствата. Распитите се случуваат по два месеци по покренувањето на истрага, а откако осудениот Велибор Манев посочи дека извесен Зоран Д., вработен во Народна банка, го земал ранецот со оружјето и „моторолите“ за разговор.Според информации на „Скопје1“, на распитите, имало појаснувања кое е лицето, но и која улога ја имал во партијата „Десна“. Се раскажале и детали во однос на тоа за што бил надлежен сега осомничениот.„Скопје1“, побара став од Обвинителството дали против Зоран Д. и натаму опстојуваат одредените мерки за обезбедување присуство, на што не добивме конкретен одговор. Тие потврдија само дека се вршат распити.„Постапката е во тек, се вршат и распити на повеќе лица, но во моментов не сме во можност да споделуваме детали“, велат од Обвинителството за „Скопје1“.Зоран Д. беше приведен откако Велибор Манев, на рочиште, кажа дека тој е лицето кое го споменуваше во повеќе наврати, како задолжен да го уништи ранецот со пиштолот. Претходно, на три рочишта во судскиот процес, Манев изјавуваше дека знае кој добил задача да го крие оружјето со кое е извршен двојниот масакр. И покрај овие тврдења, Обвинителството со месеци не нареди спровод на Манев за да направи распит, што отвори сериозни дилеми за начинот на водење на истрагата.

Македонија | пред 7 месеци

(Видео) „Имало планови за ликвидации уште од 2022, не можеле без поддршка – кој ја штитеше групата?“ прашува Туфегџиќ

Адвокатот Владимир Туфегџиќ, бранител на Александар Ѓорчески, во случајот за убиствата на Вања Ѓорчевска и Панче Жежовски, упати сериозни критики до институциите и постави низа прашања поврзани со текот на истрагата, но и со безбедносниот систем во земјата.„Не добивме одговор на клучното прашање – зошто истрагата не тргна во насока на сознанијата кои постоеја уште првиот ден?“, рече Туфегџиќ во „Претрес со Ландов“, посочувајќи на сознанието од сведочењето на Велибор Манев дека групата осудени подолго време правела планови за киднапирања и убиства, а составувале и списоци со потенцијални жртви уште од септември 2022 година.Според него, постои сомнеж дека дел од фокусот на истражните органи бил намерно пренасочен.„Зошто истрагата толку упорно се обидуваше да го инволвира таткото на жртвата? Дали тоа беше направено за да се дефокусира јавноста од вистинската причина – постоење на организирана група за ликвидации?“, праша адвокатот.Туфегџиќ оцени дека Обвинителството мора да ја продолжи истрагата и да даде одговор на клучните прашања: што правеле безбедносните служби кога група со таков капацитет се движела низ државата, и дали некој од институциите обезбедувал логистичка поддршка?„Да не се лажеме, ова не може да го организира поединец, без поддршка или логистика од внатре. Оваа истрага не смее да заврши – туку треба да се прошири“, порача Туфегџиќ.?t=6884

Македонија | пред 9 месеци

Скопје1 праша, Спасовски и Костовски не одговорија: Ќе се извинаат ли на таткото на Вања?

И покрај тоа што Кривичниот суд јасно го ослободи Александар Ѓорчевски, татко на убиената Вања, од каква било вина и поврзаност со нејзината смрт, двајца носители на јавни функции – поранешниот министер за внатрешни работи и актуелен пратеник Оливер Спасовски, и експратеникот Мартин Костовски – сѐ уште немаат одговорено на новинарските прашања за нивните претходни јавни изјави со кои, според одбраната, придонеле за неговата стигматизација.„Скопје1“ испрати прашања до Спасовски и Костовски, со цел да добие реакција по завршувањето на судскиот процес, но одговори не пристигнаа. Двајцата беа прашани - дали ќе се извинат на Ѓорчевски, односно дали гледаат одговорнсот за нивните постапки.На прес-конференција во текот на истрагата, тогашниот министер Спасовски изјави дека „таткото споделил информации за времето на излегување на Вања од дома“, што, според одбраната, предизвика сериозни последици за Ѓорчевски, вклучително и јавни напади и осуди. Пратеникот Мартин Костовски, пак, на 4 декември 2023 година во објава на Фејсбук го нарече Ѓорчевски „рѓа монструозна“ – квалификација која денес, се споделува во јавноста.Адвокатот на Ѓорчевски, Владимир Туфегџиќ, во гостување во поткастот „Претрес со Ландов“ оцени дека страдањето на неговиот клиент е директно продолжение на страдањето поради убиството на неговото дете.„На совеста на министерот Спасовски, на пратеникот Костовски, на полицискиот началник Дејан Димовски и на обвинителките е понатамошното страдање на Александар“, изјави Туфегџиќ.„Ова не беше само истрага – ова беше лична стигматизација, надвор од законска процедура“, додаде тој.ЦЕЛО ГОСТУВАЊЕ:https://youtube.com/live/6dc7F8DAo7c?feature=share

Македонија | пред 9 месеци

(Видео) Туфегџиќ по ослободителната пресуда: „Страдањето на Александар е на совеста на Спасовски, Костовски и обвинителките“

По ослободителната пресуда за Александар Ѓорчевски – таткото на Вања, кој беше обвинет за помагање во нејзиното киднапирање и убиство – адвокатот Владимир Туфегџиќ остро реагираше во поткастот „Претрес“, особено поради тоа што бил предвреме осуден од ексминистерот Оливер Спасовски за време на прес-конференцијата додека траеше истрага и пратеникот на СДСМ Мартин Костовски кој го нарече „монструм“.„Страдањето на Александар е продолжение на страдањето на неговото дете, на Вања,“ изјави Туфегџиќ во „Претрес“.„Но, неговото понатамошно страдање е и на совеста на министерот Оливер Спасовски, на пратеникот Мартин Костовски, на полицискиот началник Дејан Димовски, Музафер Каришиќ и на овие две обвинителки“, додаде тој.Според него, истрагата била водена во целосно нетранспарентни и незаконски околности.„Како да станува збор за приватен предмет на обвинителите,“ рече Туфегџиќ, додавајќи дека процесот бил далеку од професионален и се одвивал „надвор од сите законски процедури“.Адвокатот истакна дека некои обвинители, кои не биле инволвирани во случајот, треба да се подготвени и професионални за да ја водат истрагата понатаму, но предупреди дека во случајот правдата била злоупотребена: „Ова не е предмет со кој може да се поигрува. Ова длабоко допира до чувствата на секој човек.“Туфегџиќ побара одговорност, особено од политичарите кои излегуваа со прерани изјави во јавноста: „По ваква една пресуда, Мартин Костовски, па и Оливер Спасовски, ако ништо друго, барем да излезе и да каже: ‘Јас на таа прес-конференција изнесов тоа што ми го дадоа службите во тој момент’.“Пресудата со која Ѓорчевски беше ослободен од обвинението, предизвика лавина реакции и повторно го отвори прашањето за политичкиот и институционален пристап кон истрагите во чувствителни случаи. Адвокатот предупреди дека ако не се извлечат поуки, истите пропусти ќе се повторат и во други предмети.Ексклузивно за сите детали поврзани со случајот и Ѓорчевски, погледнете ги во „Претрес“:https://youtube.com/live/6dc7F8DAo7c?feature=share

Македонија | пред 9 месеци

Адвокати со жестоки критики по доживотните казни за убијците на Вања и Панче – на повидок жалби и обвинувања кон Обвинителството

По изрекувањето на доживотни затворски казни за четворицата обвинети за убиствата на 14-годишната Вања Ѓорчевска и 74-годишниот Панче Жежовски, нивните адвокати најавија жалби до Апелацискиот суд, оценувајќи дека пресудата е донесена без докази и без темелна правна анализа.Страшевски: Пресуда по шаблон, обвинение без доказиЈовица Страшевски, адвокат на Љупчо Палевски, изјави дека не сака да ја коментира пресудата сè додека не го добие нејзиното образложение, но нагласи дека Обвинителството било „конфузно и без еден единствен доказ“. Според него, Судот ја донел одлуката буквално според напишаното во обвинителниот акт, без да постои ниту разумен сомнеж за вината, притоа посочувајќи дека ова било „циркус“.– Во завршниот збор, целиот фокус беше на таткото на детето, кој денеска, според мене, заслужено доби ослободителна пресуда. Обвинителството немаше ништо ниту за него, ниту за Палевски – рече Страшевски.Манев: Панче бил жив во 12:30, а судот вели дека бил убиен во 10 часотАдвокатот на Боре Видевски, Бојан Манев, ја оспори пресудата укажувајќи на нелогичности и фактички противречности:– Судот тврди дека Панче бил убиен меѓу 10 и 10:30 часот, но цела држава виде снимка како е жив во 12:30 на бензинска во Велес. А како може некој да го убие човек што не го грабнал? Пресудата е целосно неиздржана – изјави Манев.Ефремов: Без Кешишев, жртвите немаше да бидат пронајдениИгор Ефремов, адвокат на Влатко Кешишев, истакна дека Судот не ги ценел доволно олеснителните околности и придонесот на неговиот клиент во расветлување на делото.– Кешишев беше клучен за пронаоѓање на телата и откривање на методот на грабнување. Дејствувал под страв и притисок од Палевски, но Судот не го препозна тоа – рече Ефремов, најавувајќи жалба.Туфегџиќ: Александар Ѓорчевски невино вмешан – институциите должни да одговоратПо ослободителната пресуда за Александар Ѓорчевски, таткото на Вања, неговиот бранител Владимир Туфегџиќ упати сериозни обвинувања до Обвинителството и институциите вклучени во истрагата.– Денешната одлука е законита, но празна. Не добивме одговори на клучните прашања – зошто беше киднапирано и убиено детето, и зошто Александар воопшто беше вклучен во постапката без ниту еден доказ – изјави Туфегџиќ.Тој потсети на сведочењата на обвинетиот Велибор Манев, кој уште во декември 2023 открил дека од 2022 се подготвувале планови за киднапирања и убиства.– Институциите мора да одговорат: како е можно овие луѓе да не бидат детектирани на време? И дали имаа логистика во државни структури? – праша Туфегџиќ.Во однос на евентуални кривични пријави против јавните обвинителки, Туфегџиќ рече дека Александар Ѓорчевски нема волја за гонење, но остро ги критикуваше обвинителите како „конфузни“, обвинувајќи ги дека денеска незаконски побарале продолжување на притвор кој по закон автоматски се укинува со ослободителна пресуда.Жалбената постапка ќе продолжи пред Апелацискиот суд, а јавноста бара одговори што се уште недостасуваат.

Македонија | пред 9 месеци

„Само родителите знаеле“ – Обвинителството ќе се жали на ослободителната пресуда за таткото на Вања

Обвинителката Ана Стојковиќ Димитриевска ќе се жали на ослободителната пресуда за Александар Ѓорчевски, татко на убиената Вања Ѓорчевска, обвинет дека помагал со информации за нејзино грабнување. Димитриевска рече дека тие немале докази „какви што сакаат да има“, но за нив неспорно е дека исказите на обвинетите се докази.„Во однос на обвинетиот Александар Ѓорчевски, иако не слушнавме аргументи од судот, неспорен факт е дека само родителите знаеле дека детето ќе оди само во училиште. Двајца кажаа дека дознале од таткото, преку Палевски. Да не знаеле дека детето ќе оди по исклучок само, немало да има грабнување. Обвинителството не можеше да оди преку овој факт. Обвинителството не можеше да донесе поинаква јавно обвинителска одлука. Извесно е дека ќе вложиме жалба, нека одлучи повисокиот суд. Во однос дека обвинетите ја сменија изјавата за Ѓорчевски, тие не понудија ниту еден разумен факт и околност зошто го сторија тоа. Тоа дека имало некаква тортура над нив, не е реално, ниту се докажа. Ние ги анализиравме сите искази нивни, никој од нив не кажа дека е употребена сила. По сите параметри, исказите се покажаа како вистински“, рече Ана Стојковиќ Димитриевска.Таа додаде: „Ова што јас го кажувам сега, е доказ. Искази на двајца обвинети се доказ. Можеби не докази какви би сакале да имаме, но со анализа на сите докази поединечно и заедно, ние немавме друга опција освен за таква одлука“.

Македонија | пред 9 месеци

(Видео) Палчо, Видевски, Манев и Кешишев добија доживотна казна затвор

Љупчо Палевски-Палчо, Боре Видевски, Влатко Кешишев и Велибор Манев се осудени на доживотна казна затвор за грабнувањето и убиството на Вања Ѓорческа.„На секој од обвинетите поединечно им одредува доживотен затвор“, рече судијата Ивица Стефановски.Изречена им е и ослободителна пресуда за грабнувањето на Панче Жежовски.„Обвинетите Манев, Видевски, Кешишев, Палевски се особлодоуваат од обвинение дека на 22.11.2023 година околу 9 часот во Велес, обвинетите извршиле грабнување на Панче Жежовски за да го присилат да даде нешто, односно автомобил. Јавниот обвинител не докажа дека тие го сториле делото, а тоа да е надвор од разумно сомневање“, рече Стефановски.Случајот започна во ноември 2023 година, кога Панче прво беше пријавен за исчезнат, а неколку дена подоцна и малолетната Вања. Нивните тела беа пронајдени на 3 декември, во близина на Велес и кај местото наречено „Дупки“ во Бразда.Обвинети беа пет лица – Љупчо Палевски, Влатко Кешишев, Боре Видевски, Велибор Манев и Александар Ѓорчевски, таткото на Вања. Првите четворица се товарат за грабнување и двојно убиство, а Ѓорчевски за помагање при грабнување на неговата ќерка преку давање информации.Обвинителството побара доживотна казна затвор за четворица од обвинетите, додека за Ѓорчевски соодветна затворска казна. Како клучни докази беа наведени снимки од безбедносни камери, признанија на дел од обвинетите, сведочења и материјални докази.Првообвинетиот Палевски во своите завршни зборови го негираше учеството во убиствата, префрлувајќи ја вината врз Манев и Видевски. Во завршните зборови, Палевски и Видевски побараа да бидат ослободени од вина со тврдење дека не сториле ништо, додека Кешишев и Манев бараа да не бидат судени за убиствата, туку само за грабнувањата.Постапката доби и ново продолжение пред само неколку недели, кога беше уапсен вработен во Народна банка, за кого сведочеше Велибор Манев дека го уништил ранецот во кој бил криен пиштолот што, според обвинението, бил користен при убиствата.

Македонија | пред 9 месеци

(Видео) Таткото на Вања ослободен од вина

Александар Ѓорчески, татко на убиената Вања, е ослободен од вина. Судијата рече дека обвинителите не докажале вина кај него.„Јавниот обвинител не докажа дека надвор од разумно сомневање дека обвинетиот го сторил делото“, рече судијата Ивица Стефановски.Според Обвинителството, Ѓорчевски наводно им помогнал на останатите обвинети во планирањето на киднапирањето на неговата ќерка, преку давање информации директно до Љупчо Палевски. За разлика од другите четворица обвинети, кои се товарат за тешко убиство и барање доживотен затвор, за Ѓорчевски се бара соодветна казна затвор за помагање во извршување на кривично дело.На едно од рочиштата, Ѓорчевски се изјасни за невин, тврдејќи дека од првиот ден бил неправедно третиран од истражните органи. Изјави дека полицијата го сомничела без основа и бараше да му биде дозволено тестирање на полиграф, со цел да ја докаже својата невиност.Во текот на судската постапка, неговото име не се спомнуваше во контекст на директно учество, освен од обвинителките. Обвинителството, сепак, тврди дека тој имал предзнаење за планот, но не презел ништо да го спречи.

Македонија | пред 9 месеци

Денеска пресуда за грозоморното убиство на Вања и Панче

Во Основниот кривичен суд Скопје денеска, според најавите, треба да биде објавена пресудата за убиствата на Вања Ѓорчевска и Панче Жежовски.За убиствата се обвинети Љупчо Палевски Палчо, Велибор Манев, Боре Видевски, Влатко Кешишев и Александар Ѓорчевски.Во обвинението стои дека обвинетите испланирале грабнување на 14-годишната Вања со цел да присилат член на нејзиното потесно семејство да даде пари за откуп. Грабнувањето Панче Жежовски од Велес, пак, според обвинението, било да го присилат да им го даде неговото возило „ситроен“ за да го користат за грабнување на Вања.Обвинетите на почетокот од процесот, кој траеше нецела година, изјавија дека не се чувствуваат виновни, а нивните адвокати тврдеа дека обвинителите не успеале да ја докажат вината и побараа ослободителни пресуди. Обвинителството побара максимална казна, а тоа е доживотен затвор за Палевски, Кешишев, Видевски и Манев, а за таткото на Вања побара судот да му ја одреди соодветната затворска казна.Нецела година траеше првостепената судска постапка, а денеска судијата Ивица Стефановски, ќе ја изрече пресудата за тешките убиства.

Македонија | пред 9 месеци

И натаму е во полициска станица уапсениот од Народна банка, за кого Манев тврди дека го уништил пиштолот со кои се ликвидирани Вања и Панче

Уапсениот Зоран Д., кој е вработен во Народна банка, а вчера беше приведен под сомнение дека го зел и уништил ранецот во кој, според обвинетиот Велибор Манев, бил сокриен пиштолот со кој се извршени бруталните ликвидации на Вања Ѓорчевска и Панче Жежовски, сè уште се наоѓа во полициска станица. Неговиот исказ пред надлежните органи сè уште не е обелоденет, а Обвинителството посочува дека повеќе информации за текот на постапката ќе бидат соопштени во текот на денот.Оваа разврска следи по шокантното сведочење на Велибор Манев во кое го спомена името на сега уапсениот. Претходно, на три рочишта во судскиот процес изјавуваше дека знае кој добил задача да го крие оружјето со кое е извршен двојниот масакр. И покрај овие тврдења, Обвинителството со месеци не нареди спровод на Манев за да направи распит, што отвори сериозни прашања за начинот на водење на истрагата.Вчера, откако Манев јавно го именуваше Зоран Д. како лице што го презело и наводно уништило ранецот, истиот беше уапсен. Случајот дополнително ја вжешти јавноста, која со месеци бара одговори за тоа како оружјето не е лоцирано, иако обвинетиот упорно тврди дека знае детали.

Македонија | пред 9 месеци

Уапсен вработениот во Народна банка, за кого Манев сведочеше дека го земал ранецот со пиштолот со кои Вања и Панче се убиени

Попладнево е уапсен З.Д., вработен во Народна банка, за кого обвинетиот Велибор Манев сведочеше дека го уништил ранецот во кој бил пиштолот со кој се убиени Вања и Панче. Информацијата ја потврдија од Обвинителството.„Да, лицето е лишено од слобода по наредба на јавен обвинител. Се преземаат и други дејствија”, велат од Обвинителството.Манев ги шокираше сите во судницата кога го кажа името на човекот и каде е вработен.

Македонија | пред 9 месеци

Таткото на Вања до Палевски: „Зошто ми е убиена Вањичка?“

На денешното рочиште за свирепите убиства на 14-годишната Вања Ѓорчевска и 74-годишниот Панче Жежовски, пред судот се обрати и таткото на Вања, обвинетиот за помагање при нејзиното грабнување, Александар Ѓорчевски. Тој истакна дека и по месеците судење, чувствува дека вистината сè уште не е откриена до крај.„Од почетокот на самото судење имаше воведни зборови и убаво се сеќавам дека станав и изразив очекуѕвање дека се ќе дознаам. Во текот на судскиот процес цело време мижам во просторијава, меѓутоа внимателно го слушам секој збор. Сега како се сведе, се приближи кон крај процесот, имам чувство на непотполност во поглед на вистината која што очекував да ја дознаам. Еден од обвинетите го посочи Палевкси како човек кој ги имал одговорите на сите прашања. Токму поради тоа и само од тие причини му се обраќам на Палевски после мене уште тој останува со завршен збор, нека стане, нека се поклони и во две реченици нека ја каже вистината. Зошто ми е убиена Вањичка? Благодарам“, рече Ѓорчевски.Со завршните зборови продолжува Љупчо Палевски, кој треба да се изјасни по сите наводи.

Македонија | пред 9 месеци

Велибор Манев пред судот: „Сум манипулиран и уценет од Палевски – чувствувам срам и душевна болка“

Обвинетиот Велибор Манев, кој се товари за учество во киднапирањето и убиствата на 14-годишната Вања Ѓорчевска и 74-годишниот Панче Жежовски, на денешното рочиште во Основниот кривичен суд завршен збор. Тој изјави дека негира дека сторил убиство, но призна дека учествувал во дел од настаните и тврди дека бил манипулиран и уценет од Љупчо Палевски.„Од почеток одлучив да ја кажувам вистината, без разлика на казната. Не негирав ниту една снимка, потврдував присуство и објаснував детали за да добие судот јасна слика,“ рече Манев.Тој посочи дека Обвинителството упорно се обидува да го прикаже како дел од организиран план за убиство, што според него не е точно. Претходно, во неговите искази, Манев тврдел дека не знаел оти Палевски планирал убиства и дека, доколку знаел, не би копал три метра длабока дупка „со табаници и капак“.„Не би направил земуница како за таен бункер ако знаев дека лицето ќе биде убиено. За мене, тоа беше операција за грабнување и изнуда пари од ќерка на фармацевт, како што тврдеше Палевски,“ рече Манев.Обвинетиот истакна дека Обвинителството нема конкретни докази за соработка со лицето Сашо, ниту дека тој лично го познава, туку дека целата врска се темели на присила и манипулација. За убиствата рече дека тој и останатите обвинети биле во целосен шок, откако Палевски „ги извршил ладнокрвно, без претходна најава“.„После убиствата, ја чував снимката од мојот ресивер. Можев да ја избришам, можев да ги исклучам камерите – но тогаш ќе му давав алиби на Палевски,“ рече Манев.Спомена и дека бил уценуван и заплашуван со животот на своето семејство. Го посочи и случајот со „плавиот ранец“ за кои се тврдеше дека во него било оружјето, за кој рече дека Палевски му дал наредба да биде пренесен или уништен по неговото бегство од државата. Притоа, го спомена и лицето З.Д., вработен во Народна банка и член на политичката партија Десна.„Бев само алатка – шест години го поддржував, му ја давав душата, го вадев од затвор, трчав по адвокати. За крај, ме напика во затвор за нешто што не сум ни замислувал“, изјави Манев.Своето излагање го заврши со каење и лично признание дека чувствува голем срам и душевна болка.„Испаднав наивна будала која си го уништи животот. Загубив пријатели, доверба и себе си. Простете ми,“ заврши Манев, очекувајќи ја пресудата.

Македонија | пред 9 месеци

За убиствата на Вања и Панче: Обвинетиот Видевски без збор; Кешишев: „Многу се каам, ми рекоа да ќутам“

На денешното рочиште во Основниот кривичен суд во Скопје, во предметот за киднапирањето и убиствата на Вања Ѓорчевска и Панче Жежовски, завршен збор дадоа дел од обвинетите.Обвинетиот Боре Видевски кој негира вина, кусо се обрати пред судот:„Нема да давам завршен збор, нема да кажам ништо. Се согласувам со тоа што го кажа мојот бранител“.Покрај него, збор зеде и обвинетиот Влатко Кешишев, кој во своето обраќање истакна:„Морам да кажам дека многу се каам и имам грижа на совест за што воопшто бев со нив, бидејќи се разговараа, испланираа и завршија сами сè. На мене ми кажано да ќутам, да не се мешам и да седам настрана“.Кешишев пред судот повтори дел од неговиот претходен исказ, опишувајќи го денот на грабнувањето на Панче Жежовски.Судењето продолжува со завршните зборови на останатите обвинети, по што се очекува донесување на пресудата.

Македонија | пред 9 месеци

10 години да имате – вина на Палчо нема да докажете, им рече неговиот адвокат на обвинителите

Адвокатот Јовица Страшевски, побара од судот Љупчо Палевски-Палчо да биде ослободен од обвинението за убиството на Вања Ѓорчевска и Панче Жежовски.„Предлагам обвинетиот Љупчо Палевски да се ослободи од вина, бидејќи според обвинителниот акт не е јасно какви дејствија преземал.  Околу целата постапка ниту преземал одредени дејствија кои му се ставија на товар со другите обвинетите, а ниту поттикнал, ниту наведувал другите обвинети да сторат нешто.  Иако истрагата не беше почната, пресудата беше донесена, а медиумите истото го пренесуваа без пресумпција на невиност. Јавноста креираше јавно мислење со предвремена пресуда за обвинетиот.  Обвинителството не докажа ниту разумно сомневание ниту докажа тоа што му го става на товар на Љупчо Палевски“, рече Страшевски во завршниот збор.Тој рече дека обвинителниот акт е непрецизен и паушален.„Почитувани пред нас имаме Обвинителен акт доставен до судот на ден 12.08.2024 година. И од тогаш до денеска помина близу 1 година, едно што можевме заденички сите овдека да констаираме е дека и уште 10 години да се труди обвинителството да ги докажува напишаните невистини тези и дејствија нема да може да ги докаже затоа што веќе на сите им стана јасно дека за обвинетиот Љупчо Палевски ниту сторил ниту имала намера да стори вакви кривични дела за да се стекне со користољубие или уште да изврши две убиства од кои едно на малолетно дете.“, рече тој меѓудругото.Тој посочува дека нема докази.„Палевски е обвинет со обвинителен акт со само 17 докази а нема ниту еден конкретен доказ дека ја докажува неговата вина која му се става на товар. Докази во овој судски процес не постојат“, додаде тој.Потоа Страшевски ја спомена прес-конференцијата во Обвинителството каде скопскиот обвинител Гаврил Бубевски и тогашниот министер за внатрешни работи Оливер Спасовски споделија детали од истрагата.„Прва грешка јавно на прес конференција, беше прекршена уставно загарантираната пресумпција на невисност. Со таа прес конференција кога истрагата не беше ниту отпочната Палевски и цела партија јавно беа осудени, а медиумите го пренесуваа да внимаваат на пресумпција на невиност и уставот“, рече тој.Потоа, тој презентираше снимки на кои се гледаат Велибор Манев и Боре Видевски.„Се поставува прашањето зошто е убиена Вања, а не Миња, ќе додадам. ОЈО не докажа зошто било грабнато девојчето. Бев често прашуван како адвокат, зошто киднаперите се одлучиле да ја грабнат Вања, или биле двете девојчиња? Прашања кои не беа одговорени ниту од МВР ниту од ОЈО. Дали Кешишев тргнал со полицијата да го откопува телото на Вања и дали притоа свесно биле уништени голем број докази?“, рече Страшевски.

Македонија | пред 9 месеци

Финална фаза на судењето за убиствата на Вања и Панче – Обвинителството бара доживотен затвор, одбраната се брани со "нема мотив"

Во Основниот кривичен суд во Скопје денеска се одржува едно од завршните рочишта во случајот што ја потресе Македонија – грабнувањето и свирепите убиства на 14-годишната Вања Ѓорчевска и 74-годишниот Панче Жежовски.На рочиштето своите завршни зборови ги изнесува адвокатот на првообвинетиот Јовица Страшевски, по што ќе се изјаснат и останатите обвинети – Љупчо Палевски-Палчо, Велибор Манев, Боре Видевски и Влатко Кешишев, како и Александар Ѓорчевски, таткото на Вања, кој е обвинет за помагање во нејзиното киднапирање.Обвинителството е децидно: четворицата обвинети треба да добијат доживотни затворски казни за киднапирање и убиство, а таткото на жртвата – соодветна казна за соучесништво.Одбраната, пак, настојува да ги убеди судиите дека кај дел од обвинетите немало претходен договор за убиство, туку само за киднапирање – и затоа бара или ослободување, или поблаги казни.Адвокатите на Александар Ѓорчевски тврдат дека тој нема ниту мотив, ниту доказ за вина, и дека наместо обвинет – тој е уште една жртва во оваа трагедија.Судењето влегува во завршна фаза. Доколку денешното рочиште тече според планот, пресудата се очекува на следното појавување пред суд. Вниманието на јавноста останува високо – како поради тежината на делото, така и поради шокантните детали што излегоа на површина за време на процесот.

Македонија | пред 9 месеци

Туфегџиќ за таткото на Вања: Овој човек не е убиец – тој е родител кој изгуби сѐ

Во завршниот збор пред Судот, адвокатот Владимир Туфегџиќ се обрати во одбрана на својот клиент, Александар Ѓорчески – обвинет во случајот за помош при грабнување на 14-годишната Вања Ѓорческа, негова ќерка.„Александар поради бруталното убиство на неговото дете и тешките последици за него и за неговото семејство, од овој суд не бара милост или одлука поради сожалување и емпатија кон него, Александар бара праведна судска одлука со која ќе бидат казнети сторителите, судска одлука со која ќе ги дознае мотивите и вистинските причини за овој монструозен чин и одговор на прашањето, зошто токму тој и неговото семејство се одбрани да бидат до крајот на животот осудени да живеат со огромна празнина, тага и болка. Застапникот на обвинението (обвинителката) не докажа надвор од разумно сомнение дека Александар го сторил кривичното дело кое му се става на товар“, рече Туфегџиќ.„Обвинителниот акт кон Александар Ѓорчески не само што е контрадикторен, туку и човечки неприроден“, истакна Туфегџиќ па додаде: „Овој човек е татко. Преживеа нешто што ниту еден родител не треба да го доживее – да му ја грабнат ќерката и подоцна да му ја пронајдат мртва.“Туфегџиќ го обвини обвинителството дека „со невидена леснотија, го ставиле таткото на убиеното дете на обвинителна клупа“.„Ваквиот пристап на застапникот на обвинението во теоријата на докажувањето за учеството на таткото Александар дека комуникација помеѓу таткото и Љупчо Палевски имало, но сепак нема докази за постоење на комуникацијата затоа што било логично да нема доказ за нивната комуникација е недозволен и опасен преседан кој значи обвинување за претпоставена а не докажана вина, тврдење кое е потполно неосновано и паушално од причина што телефоните кои ги користел таткото се криминалистички вештачени, нема доказ за комуникација или избришани записи по претходна комуникација со телефонските броеви кои ги користел Палевски а кои ги посочува застапникот на обвинението“, додаде тој.На крајот, Туфегџиќ апелираше до судот да „погледне со разум и правичност, но и со човечност“, и побара целосно ослободување на Александар Ѓорчески од обвиненијата.„Овој човек не е убиец – тој е родител кој изгуби сѐ. Во оваа смисла по однос на обвинетиот Александар се докажа дека ваквото обвинение е резултат на прекршување на основните принципи на кои почива истражната постапка и криминалистичка истрага, во која не е направена прелиминарна анализа на информациите, ниту е направена нивна организација и диференцијација, ниту била формирана основа на структурата за одлучување.Токму од доказите на обвинителството произлегува дека доказите од видео надзорот врз основа на кои се темели обвинението се обезбедени и прибавени токму од обвинетиот Александар и сведокот Гоце и тоа со знаење, согласност и со напатствија од полициските службеници кои учествувале во истражната постапка“, заклучи тој.

Македонија | пред 9 месеци

Бранителот на Кешишев: „Мојот клиент не е убиец – туку заложник на туѓа волја“

На денешното рочиште, адвокатот Игор Ефремов, бранител на обвинетиот Влатко Кешишев, побара ослободителна пресуда за неговиот клиент во делот од обвинението што го товари за соизвршителство во двете грозоморни убиства на Панче Жежовски и Вања Ѓорчевска.Во својот завршен збор пред судот, Ефремов тврдеше дека во текот на целата постапка Обвинителството не изнело цврсти докази дека Кешишев делувал како соизвршител. Напротив, според него, токму исказите на другите обвинети и сведоци, како и самата изјава на Кешишев, укажуваат дека тој немал ниту умисла, ниту конкретни дејствија кои би го вклучиле како активен учесник во самите убиства.Адвокатот посочи дека Кешишев имал подредена, па дури и потчинета позиција во однос на Љупчо Палевски, за кого рече дека „управувал со целото окружување, вклучително и со Влатко“. Неговата улога, според одбраната, била ограничена на помош околу грабнувањето, без свесност или согласност за конечниот чин – убиствата.„Ако соизвршител е оној без чии дејствија делото не би било сторено – прашањето е: Кои се тие клучни дејствија на Влатко Кешишев?“ – праша Ефремов пред судот, повикувајќи се на начелото на индивидуализација на вината.Според Ефремов, Кешишев не само што не знаел за намерите на сообвинетите, туку бил и првиот што по апсењето ги водел истражителите до местото на закопаните тела. „Да не беше неговата совест и каење – телата немаше да се најдат. Тој им помогна на органите на прогонот. Тоа не го прави убиец – туку сведок и жртва на туѓа контрола“, истакна тој.На крајот, одбраната побара од Судот исклучиво да го цени учеството на Кешишев во делото „грабнување“, но да го ослободи од обвиненијата за „убиство“ и „соизвршителство“.БОНУС ВИДЕО:

Македонија | пред 9 месеци

Адвокатот бара ослободителна пресуда за Боре Видевски, обвинет за убиството на Вања: Тој е колатерална штета

Во завршните зборови на денешното рочиште за убиствата на 14-годишната Вања Ѓорчевска и 74-годишниот Панче Жежовски, адвокатот на обвинетиот Боре Видевски – Бојан Манев – ја спореше основата на обвинението против својот клиент, оценувајќи ја целата истрага како „погрешно насочена, политички мотивирана и професионално аматерски изведена“.Манев се обрати со остра критика кон институциите: обвинителството, полицијата и целиот истражен процес. „Од почетокот, овој предмет беше изведен како театар пред јавноста, со намера да се покаже брзо ‘расчистување’ на случајот. Наместо докази, гледаме конструкција“, рече адвокатот.Тој потенцираше дека против Видевски нема ниту еден директен доказ – ниту ДНК трага, ниту видео снимка, ниту сведочење кое го инволвира на местото на злосторствата. Единствениот елемент на кој се потпира обвинението, според Манев, е наводно изнудено признание под тортура, добиено додека Видевски бил подложен на физичко и психолошко насилство, иако, како што истакна, обвинетиот има трансплантиран бубрег и сериозна здравствена состојба.„Обвинителството дури и не го повикало сведокот кој можел да го потврди алибито на Боре. Не беа изведени снимките од бензинските пумпи и камерите кои, според сведоци, постојат и се во доказниот материјал. Намерно беа премолчени“, истакна Манев.Тој го нарече случајот „правно недозреан експеримент“, кој ќе остане запишан како пример за тоа како не треба да се води една кривична постапка. Манев тврдеше дека Видевски, како татко на две ќерки, долгогодишен карате тренер и човек со интегритет, не само што не би можел да биде сторител на такво монструозно дело, туку и самиот се пријавил во полиција, што го исклучува каков било бегалски или прикриен мотив.„Обвинителството сака од јавноста да бара верба во сценарија без логика – дека некој сам се снима додека подготвува убиство, дека човек без мотив станува дел од криминална група, дека татко на две ќерки учествува во киднапирање на дете, без апсолутно ниту еден доказ“, истакна адвокатот.На крајот, Манев побара судот да го ослободи Боре Видевски од вина, со образложение дека тој е колатерална жртва на „институционална неспособност, јавен притисок и политичка потреба за виновник по секоја цена“.Одлуката на судот сега останува да се донесе во атмосфера на силен јавен интерес и поделени ставови околу тоа дали обвинението ќе успее да ги поддржи своите тешки обвинувања со цврсти докази – или предметот ќе се распадне под тежината на правните аномалии.

Македонија | пред 9 месеци

Манев бара да биде суден за грабнување, а не за убиство, па раскажа како барал од Палчо да ја ослободат Вања

Денеска во судот на завршните зборови, адвокатот на обвинетиот Велибор Манев, Горан Бошевски, побара судот да го ослободи неговиот клиент Манев од обвиненијата за убиствата, а да остане само обвинението и да биде казнет само за грабнувањата на Вања Ѓорчевска и на Панче Жежовски.По грабнувањара Вања и Панче беа бездушно убиени во ноември 2023 година.,,Треба да постои претходен договор за да има соизвршителство. Треба делото да го извршат заедно. Треба да се работи за дејствија кои претставуваат особен придонес кон извршување на делото.Соизвршител за убиство може да биде само некој кој се договорил дека ќе бидат убиени лица”, објаснуваше бранителот и рече дека Манев ги познава обвинетите, освен таткото на Вања, Александар. Го познава и Панче, кој му останал должен. Рече дека планирале грабнување, но не и убиства.Тој и натаму тврди дека со Боре Видевски мислеле дека киднапираат возрасна жена од влезот, која Палевски ја следел.„Кога ја отворивме вреќата видовме ранец. Палевски ја тргна лентата и видовме дека е дете. Ја праша која е, кои и се мајка и татко, и потоа ја фотографираше со вперен пиштол. Со Боре му рековме да го ослободи девојчето, и така бевме под маски, но тој ја фотографираше, зеде перниче од ѓубриштето и ја застрела во главата“, рече адвокатот на Манев.

Македонија | пред 9 месеци