Почина проф. д-р Илија Џонов. Тој беше невропсихијатар, редовен професор, поранешен директор на Клиниката за нервни и душевни болести во Скопје, декан на Медицинскиот факултет Скопје во два мандата и поранешен директор на Клиничкиот центар Скопје.
Објавил 107 научни и стручни трудови и реализирал научен проект за невромускулните болести во Македонија.
Добитник е на наградата на град Скопје „13 Ноември“ во 2010 година.
Проф. д-р Џонов беше член на Надзорниот одбор на „Алкалоид“ од 1998 до 2023 година.
Џонов беше роден на 24 ноември 1943, во Штип.
