Владата им се заблагодарува на телеком операторите што со СМС пораки ги известуваат граѓаните за мерките за заштита и спречување на коронавирусот

Автор: Скопје1.мк

објавено пред 6 години - 15 март, 2020

Македонија

— реклама —

Владата на Република Северна Македонија им се заблагодарува на телеком операторите што ја прифатија препораката со СМС пораки да ги известуваат граѓаните на општините Дебар и Центар Жупа за мерките и советите за справување, заштита и спречување на коронавирусот.

— реклама —

Пораките што ќе ги добиваат граѓаните ќе бидат поврзани со најновите информации и препораки, а првата СМС порака што ја добија граѓаните е со следната содржина:

Препораки за граѓаните на Дебар и Центар Жупа:

1. Останете дома, освен за итни и неодложни работи. Почитувајте ги препораките на Министерството за здравство. Не се собирајте во групи.

2. Доколку имате симптоми на корона вирус (слични на настинка или грип) веднаш одете во Болницата во Дебар.

3. Ќе продолжат да работат само продавници за храна, аптеки и бензински пумпи. Банките и Поштата ќе работат со скратено работно време.

4. Доколку ви треба помош за испорака на храна или лекови, јавете се на телефоните на регионалниот центар во Дебар: 046/831-051.

Од сите нас зависи. Да бидеме безбедни и здрави, се вели во соопштението од Влада на Република Северна Македонија.

фото: Архива

Сподели

„Претрес“ на Жерновски: Поскапувања, политиката, лицемерието, Филипче, СДСМ...