ВМРО-ДПМНЕ реагираше на денешната прес-конференција на СДС, обвинувајќи дека партијата шири невистини и ја злоупотребува дипломатијата за дневно-политички цели.
Од партијата наведуваат дека изјавите на неакредитираниот амбасадор Андреј Жерновски претставуваат „егзибиции“ и дека тврдењата дека Германија наводно потврдила одредени ставови се неточни, бидејќи, како што посочуваат, станува збор за став на новинар во германски медиум, а не официјална потврда.
Во реакцијата се оценува дека СДС се обидува да ја дискредитира државата со „црни кампањи“, при што се бара јавно извинување од партијата и Жерновски.
Од ВМРО-ДПМНЕ додаваат дека актуелната власт ќе продолжи да води „достоинствена и исправена политика“, спротивно на претходните практики што ги припишуваат на СДС.
