Во пожарот кој изби во туристичкиот автобус на автопат во централно кинеската покраина Хунан, загинаа 26 и уште 30 лица се повредени, пренесува „Ројтерс“. Се наведува дека петмина повредени се наоѓаат во критична состојба.
Инцидентот се случил синоќа по локално време во градот Чангде во округот Ханшоу.
Во автобусот биле 56 лица, меѓу кои 53 патници, туристички водич, како и двајца возачи, кои се приведени додека властите не ги утврдат причините за пожарот.
Се наведува дека на фотографиите од местото на несреќата може да се забележи оти автобусот е целосно јагленисан. Според „Ројтерс“ можно е пожарот да избил поради материјалите кои се наоѓале во возилото.