Лондонската полиција трага по засега неидентификувано лице коешто во саботата ноќта и неделата утрото во северен Лондон со нож ранил четири лица. Една жена и тројца мажи биле нападнати со нож од задгрб додека мирно оделе во квартот Едмонтон.
Полицискита служба соопшти дека две жртви се во критична состојба. Официјални лица предупредуваат дека полициските активности ќе се интензивираат во областа Едмонтон во северниот дел на Лондон.
Полицијата вели дека нападите не се поврзани со тероризам.
Властите објавија дека на некои полициски сили им се дадени поголеми овластувања со цел да се спречат идни напади.