Во недела, на 28 декември, со почеток во 19 часот, во паркот „Шопен“ ќе започне тридневната манифестација „Новогодишна приказна“ во организација на Општина Кисела Вода. Настанот ќе понуди богата празнична програма со настапи на македонски изведувачи, наменета за сите генерации.
Паркот ќе биде празнично декориран, а посетителите ќе можат да уживаат и во новогодишните куќарки, каде ќе се нудат топли напитоци и разновидна празнична храна.
Програмата во недела ќе започне со настап на Ди Џеј Марио со труба, по што ќе следи музичкиот проект „Пауза за ракија“ на Игор Димовски.
Во текот на наредните денови, на сцената ќе настапат Антониа Гиговска, Либеро бенд, Миле Кузмановски со бенд, Оле Поцкова од „Зевзекманија“ со стенд-ап комедија, како и Бока Конга и Боби Сакс.
Во вторник, во рамки на детската програма, Дедо Мраз ќе додели бесплатни новогодишни пакетчиња на сите деца од општина Кисела Вода.
Од Општината ги повикуваат граѓаните да бидат дел од оваа празнична манифестација и заедно да го одбележат доаѓањето на Новата година во пријатна и весела атмосфера.
