Доколку градоналаникот на Охрид Константин Георгиевски не постапува според законот и не ги урне дивоградбите 1076 на број запишани во регистарот на дивоградби, а меѓу нив и оние на советникот Нефи Усеини,премиерот Зоран Заев најави одземање на надлежностите на Општина Охрид.
„Ако не постапи локалната власт, многу брзо извршната власт ќе покаже што значи владеење на правото“, рече Заев. Инаку, Нефи Усеини е советник во Општината Охрид, а истовремено и сопственик на две дивоградби во Охрид. Пицеријата кај Чинарот и бетонската база на стариот пат Охрид-Струга се изградени без никаква документација од надлежните органи. Објектот кај Чинарот освен што нема одобрение за градба, истиот е изграден на државно земјиште, истакна Премиерот Заев на денешната прес конференција.
