Почитувани охриѓани, Иницијативниот одбор за формирање листа на независни кандидати „ОХРИД ПРЕД СЕ“, од денес 19.05.2021год. започнува активно да делува на охридската политичка сцена. Локацијата на првата, од неколкуте канцеларии кои последователно ќе се отвараат, е “Булевар Туристичка” бр.75 (во непосредна близина на маркет Тамаро 5), се вели во соопштението од Иницијативен одбор за независна листа на група граѓани „ОХРИД ПРЕД СЕ“.
Тие во соопштението додаваат:
Како што беше потенцирано во првото соопштение на Иницијативниот одбор на „ОХРИД ПРЕД СЕ“, основната цел на оваа граѓанска иницијатива останува активното и масовно учество на граѓаните, со предлози за изработка на изборната програма и предлози за персонализација на изборната листа.
Граѓанската иницијатива, преку простории во неколку урбани заедници на територија на град Охрид, ќе им овозможи на граѓаните непосредно запознавање со оперативната методологија и концепт со кој „ОХРИД ПРЕД СЕ“ ќе го разбие сивилото на локалната политичка сцена и ќе го врати Советот на општината во
рацете на граѓаните.
Просториите на граѓанската иницијатива „ОХРИД ПРЕД СЕ“ ќе бидат отворени за посети од граѓаните секој работен ден од 08.00ч. до 20.00ч. и согласно активните протоколи и ограничувања во време на пандемија.
ДОВОЛНО ГЛЕДАВМЕ КАКО СУДБИНАТА НА ОХРИД СЕ УПРАВУВА ОД ПОЛИТИЧКИТЕ ЦЕНТРИ НА МОЌ ВО СКОПЈЕ!
ВРЕМЕ Е ОХРИЃАНИ ВО СОПСТВЕНИ РАЦЕ ДА ЈА ЗЕМАТ ИДНИНАТА НА СВОЈОТ ГРАД, се вели во соопштението од Иницијативен одбор за независна листа на група граѓани „ОХРИД ПРЕД СЕ“.
