Instagram продолжува со напорите да се натпреварува со TikTok, а тоа е најновиот потег на платформата.
Instagram Reels добива многу нови функции за уредување видео
Сервисот започна со тестирање на опцијата, која ќе овозможи секое видео објавено на Instagram да стане Reels, се со цел да го направи подостапно за повеќе корисници на Instagram и Facebook.
Официјален претставник на Мета истакна: „Ја тестираме оваа функција како дел од напорите да го поедноставиме и подобриме видео искуството на Инстаграм“.
Функцијата „Instagram Reels“ првпат стана достапна за корисниците во САД во август 2020 година, бидејќи тогаш е забележана популарноста на форматот Reels на кратки видеа.
Консултантот за социјални мрежи Мат Навара објави фотографија од новата опција на Твитер, истакнувајќи дека ќе бидат достапни видео ефекти, ќе може да се додава музика, а видео клиповите ќе може да се ремиксираат во нови Reels и ќе бидат достапни за секого доколку профилот на корисникот е јавен. Ако имате приватен профил на Инстаграм, Reels ќе ги видат само ваши следбеници.
https://twitter.com/MattNavarra/status/1542482396171345920?ref_src=twsrc%5Etfw%7Ctwcamp%5Etweetembed%7Ctwterm%5E1542482396171345920%7Ctwgr%5E%7Ctwcon%5Es1_c10&ref_url=https%3A%2F%2Fwww.b92.net%2Ftehnopolis%2Finternet%2Finstagram-pretvara-svaki-video-u-reel-koji-ce-biti-dostupan-svima-2178951
Споменатата промена е во фаза на тестирање, но не се знае дали и кога ќе стане достапна за сите корисници. Исто така, не е познато што ќе се случи со постојните видео содржини што се објавени на Instagram, како и дали корисниците сепак ќе можат да поставуваат видео клипови долги до 10 минути (или до 60 минути за верифицирани профили).
