Иран: Далеку сме од конечен договор со САД

Главниот ирански преговарач и претседател на парламентот, Мохамад Багер Галибаф, изјави дека во преговорите со САД е постигнат одреден напредок, но дека двете страни сè уште се далеку од конечен договор.

— реклама —

„Во некои прашања во преговорите се постигнати заклучоци, а во други не. Сè уште сме далеку од конечен договор“, изјави Галибаф.

— реклама —

Тој нагласи дека разговорите се водат преку посредници и дека постојат значајни разлики меѓу двете страни.

— реклама —

Говорејќи за иранската државна телевизија, Галибаф оцени дека Иран бил успешен на бојното поле, додавајќи дека САД не успеале да остварат ниту една од своите воени цели.

— реклама —

Воедно, тој повтори дека Иран има контрола врз Ормутскиот теснец, кој останува клучна точка во актуелните геополитички тензии.