Иран егзекутира маж: Го обвинија дека на Мосад му давал информации за ракетни позиции

Иран погуби маж обвинет дека на израелските разузнавачки служби им испраќал информации за ирански ракетни позиции, објави денеска иранската новинска агенција „Мизан“.

— реклама —

„Смртната казна е извршена над Хосеин Педаран, кој на Мосад му доставувал информации за ракетните позиции во провинцијата Исфахан“, објави „Мизан“, новинската агенција на иранското правосудство.

— реклама —

Иранското правосудство го обвини Хосеин Педаран за „шпионажа и разузнавачка соработка“ со Израел, но не објави кога бил уапсен ниту кога му било судено. Судските власти навеле дека смртната казна ја „потврдил Врховниот суд“. Иранските медиуми претходно не известувале за овој случај.

— реклама —

Иранското правосудство во август објави дека биле погубени уште двајца мажи обвинети дека на Израел му „проследувале координати на чувствителни воени и безбедносни локации“.

Според организациите за човекови права, Иран е втор во светот по бројот на егзекуции, веднаш зад Кина.