Иран: Истрелавме 12 балистички ракети кон американски авиони и бази во Јордан

Иранските вооружени сили соопштија дека рано утрово извеле ракетни напади врз американски позиции во Јордан, преземајќи одговорност за акцијата што ја опишаа како одмазда за претходните американски удари врз ирански цели.

— реклама —

Според соопштението, пренесено од иранската државна телевизија ИРИБ, Техеран лансирал 12 балистички ракети насочени кон американски борбени авиони и воена инфраструктура.

— реклама —

„Како одмазда за американските напади во покраината Алборз, Иран утрово лансираше 12 балистички проектили, чија цел беа американските борбени авиони Ф-35, Ф-15 и Ф-16, како и воените објекти и командниот центар во воздухопловната база Музафак Салти во Азрак“, се наведува во официјалното соопштение на иранската армија.

Базата Музафак Салти се наоѓа во близина на Азрак, во источниот дел на Јордан, и претставува една од клучните воздухопловни локации што ја користат сојузничките сили во регионот.

— реклама —

Засега нема официјална потврда од американска страна за обемот на евентуалната штета или за можни жртви во нападите. Исто така, независно не можат да се потврдат тврдењата на Техеран за погодените цели.

Нападите претставуваат нова ескалација на тензиите меѓу Иран и САД и дополнително ги зголемуваат стравувањата од поширок регионален конфликт на Блискиот Исток.