Иран изврши ракетен напад и напад со дронови врз Бахреин и Кувајт

Иран во текот на ноќта изврши ракетен напад и напади со беспилотни летала врз Бахреин и Кувајт, соопштија властите на двете земји, во услови на натамошна ескалација на конфликтот на Блискиот Исток.

— реклама —

Во Бахреин утринава беа активирани сирените за воздушна опасност, само неколку часа откако американската војска соопшти дека ја завршила тринаесеттата последователна ноќ на воздушни напади врз цели во Иран, објави „Ал Џезира“.

— реклама —

— реклама —

Кувајтската армија соопшти дека во текот на ноќта ја активирала противвоздушната одбрана за пресретнување на ирански ракети и беспилотни летала насочени кон земјата.

Кувајт е една од неколкуте држави од Персискиот Залив што се најдоа на мета на ирански напади, откако пред две недели повторно ескалираа судирите меѓу Соединетите Американски Држави и Иран.