Иран досега обновил околу половина од производствените капацитети на оштетеното гасно поле Јужен Парс, објави агенцијата Фарс, повикувајќи се на заменик-министерот за нафта Ахмад Зераткар.
Зераткар изјавил дека околу 50 отсто од оштетените производствени капацитети повторно се во функција и дека сите планирани активности за обновување треба да бидат завршени пред почетокот на зимата.
Кон крајот на август, Зераткар соопшти дека биле обновени околу 40 отсто од оштетените капацитети, пренесува Ројтерс.
Гасното поле Јужен Парс е меѓу клучните производствени капацитети на Иран.
