Иран со жестока порака до Канада: „Стана резервен тим на САД во војната против нас“

Иран ја обвини Канада дека станала „резервен тим“ на САД во војната против Иран, откако од Отава биле упатени критики и потези кои Техеран ги оценува како поддршка на Вашингтон.

— реклама —

Портпаролот на иранското Министерство за надворешни работи, Есмаил Багаеи, изјавил дека Канада, наместо да води независна политика, се приклучила кон американските позиции.

— реклама —

„Официјална Отава учествува во американската нелегална војна против Иран за да му угоди на Вашингтон. Оваа ситуација покажува дека Канада повеќе не игра заедно со САД, туку е сведена на улогата на резервен тим“, рекол Багаеи.

Тој ја обвини и канадската влада за, како што наведе, прекумерна послушност кон американската администрација. Според него, САД истовремено ја нарекуваат Канада своја „51. сојузна држава“, воведуваат царини за нејзината стока и ѝ се закануваат со санкции поврзани со еколошки прашања.

— реклама —

Иранскиот претставник оцени дека одговорот на Отава на американскиот притисок е „само послушност“, пренесува иранската агенција „Тасним“.

— реклама —

Изјавите доаѓаат во период на зголемени тензии меѓу Иран и западните земји, при што Техеран сè поостро ги обвинува САД и нивните сојузници за вмешаност во конфликтот.