Иран тврди дека два танкера се запалиле по удар во мина во Ормускиот Теснец

Два танкера се запалиле откако удриле во морски мини во Ормускиот Теснец, соопшти иранската новинска агенција „Фарс“, повикувајќи се на Корпусот на исламската револуционерна гарда (ИРГЦ). Иранските сили испратиле предупредување дека нафтените компании би можеле да се соочат со повисоки трошоци доколку продолжат, како што наведуваат, американските дејствија.

— реклама —

„Ако продолжат овие злосторства на арогантниот американски режим, нафтените компании ќе мора да платат повисока цена“, соопшти ИРГЦ, пренесе „Фарс“.

— реклама —

Иранската страна соопшти и дека во понеделникот над Ормускиот Теснец соборила американско беспилотно летало од типот MQ-9 „Рипер“. Во извештаите не се наведени имињата на танкерите, знамињата под кои пловеле, ниту информации за евентуални жртви. Тврдењата засега не се независно потврдени.

— реклама —

Инцидентите со морски мини во Ормускиот Теснец стануваат сè посериозен проблем. Во саботата, супертанкер бил тешко оштетен откако удрил во мина, а според тогашните информации, превезувал повеќе од два милиона барели сурова нафта. Неколку дена претходно, во Теснецот потонал и товарен брод со 2.500 контејнери, откако удрил во мина.

Иран го засилува притисокот врз пловилата во Ормускиот Теснец и Персискиот Залив, додека американската војска спроведува блокада на иранските пристаништа.